Özəl sektor Samir Şərifovun çağırışına cavab vermək gücündədirmi?

Tarix: 04.05.2015 / 03:40
Bölmə: İqtisadiyyat

Əli Əlirzayev: "Rəqabət mühiti yoxdursa, o zaman özəl sektor uzunmüddətli investisiya qoyuluşunda maraqlı olmayacaq"

"Dövlətin əsas vəzifəsi gələn sərmayələrə bərabər şərait yaratmaqdır"

2006-2015-ci illərdə Azərbaycanda infrastrukturun inkişaf etdirilməsinə 30 milyard ABŞ dolları məbləğində pul xərclənib. Fiziki infrastrukturla yanaşı, sosial infrastrukturun inkişafına da vəsait sərf edilib. Sosial infrastrukturun inkişafına çəkilən xərc ÜDM-ə təsir qabiliyyətinə malikdir.
Bu barədə maliyyə naziri Samir Şərifov "Azərbaycan 2020: İnnovativ və şaxələnmiş iqtisadiyyata doğru" mövzusunda keçirilən konfransda çıxışı zamanı deyib. Nazir bildirib ki, sosial infrastrukturun qurulmasına dövlətin xərclədiyi hər 1 dollar ümumdaxili məhsulun artımına 5-20% həddində təsir etmək imkanındadır. Bununla belə, onun sözlərinə görə, dövlətin maliyyə ehtiyatları da tükənə bilər və uzunmüddətli sərmayə qoyuluşuna özəl sektor cəlb olunmalıdır: "Dövlət-özəl tərəfdaşlığı bunun yollarından biridir. Təbii ki, özəl investorlar azrisqli layihələrə pul qoymaqda maraqlıdır. Əsas məsələ ondadır ki, necə edək ki, özəl investorların uzunmüddətli sərmayələri mümkün olsun. Hökumət investorlar üçün daha münbit şərait yaratmalıdır. Azərbaycan unikal vəziyyətə malikdir. Bizdə Dövlət Neft Fondu vasitəsilə ölkədə infrastruktur layihələri həyata keçirilir. Digər ölkələrdə də kiçik infrastruktur layihələri gerçəkləşdirilir".
Nazir açıqlamasında deyib ki, bir sıra ölkələrdə özəl-dövlət münasibətləri ilə bağlı xüsusi təsisatlar yaradılıb: "İndoneziyada, Filippində xüsusi təsisatlar yaradılıb və bu təcrübəni öyrənmək Azərbaycan üçün maraqlıdır. İnfrastrukturun inkişafına görə əməkdaşlıq önəmlidir. Lakin bilinməlidir ki, dövlət-özəl əməkdaşlığı bütün problemlərin həlli demək deyil. Asiya infrastrukturunun inkişafına 8 trilyon dollar xərclənib. Asiyaya böyük kapital tələb olunur. İnfrastrukturun inkişafında müəyyən standartlara riayət etməliyik, çünki Asiya müxtəlif təbii fəlakətlərə məruz qalır".
O bildirib ki, bəzi layihələr ilk baxışdan kənara qoyulmalıdır və elə layihələrə üstünlük verilməlidir ki, özəl investisiyalardan istifadə olunsun. Nazirin sözlərinə görə, investisiyalar elə qoyulmalıdır ki, o gəlir gətirsin. Biz buna diqqət etməliyik.
Maraqlıdır, özəl investorların uzunmüddətli sərmayə qoyması mümkündürmü? Yəni özəl sektorun buna imkanı varmı?
Sözügedən məsələ ilə bağlı fikirlərini "Bakı-Xəbər"lə bölüşən iqtisadçı alim Əli Əlirzayevin sözlərinə görə, prinsipcə, bu mümkündür: "Əsas məsələ odur ki, sağlam rəqabət mühiti yaradılsın. Birinci növbədə respublika miqyasında investisiyaların təşviqi mühiti olmalıdır. Düzdür, bununla bağlı qanun var, amma investisiyanın təşviqinə qarantiya verilməlidir. Yəni ölkəyə investisiya gəlsin, rəqabət mühiti yaradılsın. Rəqabət mühiti yoxdursa, o zaman özəl sektor uzunmüddətli investisiya qoyuluşunda maraqlı olmayacaq. İşgüzar mühit olandan sonra sahibkarlar sərfəli kredit qoyuluşu ilə bağlı bir-biri ilə yarışacaq. Ona görə də bunu inzibati yollarla deyil, bazar iqtisadiyyatına xas olan vasitələrlə tənzimləmək lazımdır. Dövlətin əsas vəzifəsi gələn sərmayələrə bərabər şərait yaratmaqdır".
Vidadi ORDAHALLI

DİGƏR XƏBƏRLƏR

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...