Tarix üzrə fəlsəfə doktoru Pərvin Gözəlov Dövlət Ermitaj muzeyində "İN HOC SIGNO VINCES" ("Bu bayraq altında qalib gələcəksən") Beynəlxalq veksilloloji (bayraqşünaslıq) simpoziumda rus dilində məruzə ilə çıxış edib.
Qeyd etmək lazımdır ki, veksollologiya yeni elm sahəsi olaraq dövlət bayraqlarını, hakimiyyət rəmzi olan ştandartları və üzərlərindəki rəmzlərin tarixin, inkişaf mərhələlərini araşdırır. Veksillologiya (bayraqşünaslıq) üzrə 2017-ci il 18-20 may tarixlərində keçirilən beynəlxalq simpoziumda Azərbaycan numayyəndəsi Pərvin Gözəlovla bərabər Moskvanın Kreml Muzeyi, Dövlət Ermitajı, Artilleriya Hərbi - Tarix muzeyi, İsveç (İsveç Hərbi Muzey), Avstriya və İspaniya numayəndələri iştirak ediblər. Qeyd etmək istərdim ki, Pərvin Gözəlov artıq 4-cü ildir ki, beynəlxalq bayraqşünaslıq simpoziumunda Azərbaycanı təmsil edir.
"Azərbaycanın XVIII-XIX əsr bayraqlarında şir rəmzi" adlı məruzədə natiq Naxçıvan və İrəvan xanlığının XVIII-XIX əsr döyüş bayrağları mövzusunda məruzə ilə çıxış edib. P.Gözəlovun elmi tədqiqatları nəticəsində aşkar edilmiş bayraqlar Naxçıvan xanlığının döyüş bayrağı, Rusiya və Abbas Mirzə arasında baş vermiş 19-20 oktyabr 1812-ci ildə Aslandüz savaşında iştirak edən Kərbəli xanın oğlu Şeyxəli bəy əsir düşüb və Naxçıvan xanlığının şir təsvirli döyüş (muttəfiq) bayrağı qeneral Pyotr Kotlyarevski tərəfindən qənimət kimi götürülüb. Simpozium iştirakçılarına təqdim edilmiş Naxçıvan xanlığının dördkünc formalı döyüş (muttəfiq) bayrağının üzərində günəş və sağ tərəfə baxan pəncəsində qılınc olan şir təsvir edilib. Bayrağın yuxarı künclərində ərəb qrafikası ilə Qurani-Kərimdən 61-ci "əs-Səff" surəsinin 2-ci ayəsi - "Qələbə yaxındır, ey Məhəmməd, möminlərə müjdə ver" və "Bismillah" sözləri, bayrağın aşağı hissəsindəki kartuşlarda Qurani-Kərimdən 2-ci "əl-Bəqərə" surəsinin 2-3 ayələri həkk edilib. Çıxışın növbəti hissəsində, General İvan Paskeviç tərəfindən 1827-ci ilin 1 oktyabr tarixində İrəvan xanlığını işğal etdiyi zaman qənimət kimi Götürülən bayraqları barədə də məlumat verilib. Xanlığın bir bayrağı üçkünc formada üzərində günəş və şir əks edilib. İrəvan xanlığının ikinci bayrağı dördkünc formalı, üzərində günəş və pəncəsində qılınc tutaraq sol tərəfə baxan şir təsvir edilib. Bayrağın hər dörd küncündə eyni olaraq Qurani-Kərimdən "əs-Səff" surəsinin ikinci hissəsi yazılıb. Simpozium iştirakçılarına məlumat verilib ki, İrəvan xanlığının bayrağından fərqli, Naxçıvan xanlığının döyüş (müttəfiq) bayrağında şir sağ tərəfə və bayrağın üzərində Qurani-Kərimdən 2-ci və 61-ci surələr həkk edilib. Bundan əlavə, Naxçıvan və İrəvan xanlıqlarının bayraqlarının təsvirləri və sözügedən bayraqların arxiv sənədlərində qeyd edilən səhifələri slayd şəklində beynəlxalq simpozium iştirakçılarına nümayiş etdirilib. Beynəlxalq simpoziumun sonunda bütün iştirakçılara məqalələri nəşr edilmiş toplular təqdim edilib.
Pərvin Gözəlov,
Tarix üzrə fəlsəfə doktoru "QƏSR" Mədəni İrsi və Tarixi Abidələri Qoruyaq İctimai Birliyinin sədr müavini, bayraqşünaslıq və heraldika üzrə mütəxəssis
