“BakuBus” aprelin 30-dan avtobuslarda "Wi-Fi" vəd etmişdi, lakin...

img

Paytaxtda fəaliyyət göstərən marşrut avtobuslarında "Wi-Fi" olacağı ilə bağlı mətbuatda dəfələrlə rəsmi və qeyri-rəsmi xəbərlər verilib. Ancaq sərnişinlər Wi-Fi" olmamasından narazılıq edir.

Qeyd edək ki, əksər  “BakuBus” MMC istismarında olan marşrut xətlərində internet problemi yaşanmır. Ancaq bəzilərində isə "Wi-Fi", demək olar ki, yoxdur. Bu il aprelin 30-da “BakuBus” MMC istismarında olan 5 və 7A nömrəli marşrut xətləri üzrə hərəkət edən avtobuslarda pulsuz "Wi-Fi" xidmətinin tətbiqini bəyan etdi.  3 aydan çox keçsə də, qeyd edilən  marşrut xətti üzrə hərəkət edən avtobuslarda pulsuz "Wi-Fi" sərnişinlər üçün əlçatmaz olub.

  • “BakuBus” MMC: “Yaxın vaxtlarda qarşıya çıxan çətinliklər aradan qaldırılaraq avtobusların daha sürətli internetlə təchiz olunması nəzərdə tutulur”

Məsələ ilə bağlı “BakuBus” MMC-dən bildirildi ki, sözügedən marşrutda avtobuslar 30.04.2022-ci il tarixindən pulsuz "Wi-Fi" xidmətinə qoşulub və həmin tarixdən sonrakı 3 ay sınaq müddəti kimi götürülüb: “Hazırda bu sahədə qarşıya çıxan çətinliklərin aradan qaldırılması, o cümlədən şirkətə məxsus avtobuslardan istifadə edən sərnişinlərin daha sürətli internetlə təmin olunması istiqamətində iş aparılır. Yaxın vaxtlarda qarşıya çıxan çətinliklər aradan qaldırılaraq avtobusların daha sürətli internetlə təchiz olunması nəzərdə tutulur. “BakuBus” MMC-nin istismarında olan marşrut xətləri üzrə avtobusların mərhələli şəkildə pulsuz bu xidmətə qoşulması planlaşdırılır”.

  • Elxan Əliyev: “İctimai nəqliyyatın müasirləşdirilməsi yönündə atılmalı olan addımlardan biri də budur ki, bu məsələ qanunvericilikdə təsdiqlənsin”

Sosial sahə üzrə ekspert Elxan Əliyev qeyd etdi ki, bir neçə il öncə paytaxt Bakıda yeni avtobuslarda pulsuz "Wi-Fi" avadanlıqlarının quraşdırılacağı və fasiləsiz internetlə təmin ediləcəyi barədə vədlər verildi: “Marşrutlarda bəzən sərnişinlər internet problemi yaşayır, sistemə daxil ola bilmirlər. Sərnişinlərin əksəriyyəti bu  xidmətin olmamasından gileylənir”.

Həmsöhbətimiz onu da əlavə etdi ki, ictimai nəqliyyatın müasirləşdirilməsi yönündə atılmalı olan addımlardan biri də budur ki, bu məsələ qanunvericilikdə təsdiqlənsin. Belə bir qərar olmadığından bəzi avtobuslar yalnız digərlərindən fərqlənmək üçün "Wi-Fi" vədi verir: “Sual verirsiz ki, bizdə sərnişinlər "Wi-Fi" tələb edə bilərmi? Bəli, yalnız qanunvericilikdə təsdiqləndikdən sonra sərnişinlər bu cür tələb irəli sürə bilər”.

Günel CƏLİLOVA

Peşə etikası

Son xəbərlər