Şəhidlər unudulmur – Mais Abbasov kimi...

img

Doğma Azərbaycanın müqəddəsliyinə tapınaraq onun bütövlüyü, dövlətin suverenliyi uğrunda canından  keçən igid oğlanların  adının  tarixdə əbədi qalması və xatirəsinin daim əziz tutulması hər zaman xalqın  diqqət mərkəzindədir. Vətən sevgisinin simvolu olan, onun azadlığı naminə tarix yazan şəhidlərimiz sahib olduğumuz ən dəyərli xəzinə kimi gələcək nəsillərə əmanətdir.  Bu günlər Lənkəran Mərkəzi Kitabxanasında şəhidimiz  Mais Qurbanəli oğlu Abbasovun xatirəsinə təşkil olunan tədbir də eyni məqsəd və amaldan irəli gəlirdi. Vətən sevgisini hər şeydən üstün tutan öz şərəfli ölümləri ilə xalqına baş ucalığı gətirən şəhidlərin  xatirəsi bir dəqiqəlik sükutla yad olunduğu tədbirdə  Qarabağ müharibəsində qeyrət-namus rəmzi olan Azərbaycanın müqəddəsliyini qorumaq naminə  şəhidlik zirvəsinə ucalan M.Abbasovun keçdiyi  əzəmətli döyüş yolu, düşmən qarşısındakı əzmli duruşu və mübarizəsi barədə danışıldı. Bildirildi ki, Tovuz istiqamətində gedən döyüşlərdə qəhrəmancasına şəhid olan baş leytenant hərbiçi və döyüş yoldaşları üçün də mübarizə rəmzinə çevrilib.

Daha sonra tədbir iştirakçılarına məktəblilərin ifasında Vətəni, qəhrəmanlığı tərənnüm  bədii kompozisiya təqdim olundu.

Zəfər ORUCOĞLU
Azərbaycan Jurnalistlər Birliyinin üzvü

Peşə etikası

Son xəbərlər