ABŞ-ın yeni seçilmiş prezidenti Donald Tramp Vaşinqtonda ABŞ-ın 47-ci prezidenti kimi and içib. Tramp andiçmə mərasimindən sonrakı ilk çıxışında iqtisadiyyatdan tutmuş immiqrasiya siyasətinə qədər gətirəcəyi yenilikləri açıqlayıb. Tramp ilk addımı olaraq cənub sərhədində fövqəladə vəziyyət elan edəcəyini və cənub sərhədinə qoşun yeridəcəyini bildirib. Tramp həmçinin bildirib ki, bundan sonra narkotik kartellərini terrorçular kimi qəbul edəcəklər. Tramp ABŞ-ın Marsa qədər hökm sürəcəyini deyərək dünyaya açıq mesajlar verib.
"Bu gündən etibarən ölkəmiz yenidən firavanlığa qovuşacaq və biz daha heç kimin bizdən istifadə etməsinə imkan verməyəcəyik. Mən şəxsən Tramp administrasiyası ilə Amerikanı hər gün bir nömrəyə çevirəcəyəm, suverenliyimiz bərpa olunacaq, təhlükəsizliyimizi bərpa edəcəyik, ədalət yenidən gerçəkləşəcək və Ədliyyə Nazirliyinin ədalətsiz tərksilahına son qoyulacaq.
Bizim hər zaman qürurlu, firavan və azad ölkə olmaq birinci prioritetimiz olacaq. Amerika tezliklə əvvəlkindən daha güclü, daha böyük və qeyri-adi olacaq. Yenidən Prezidentliyə qayıdıram və özümə çox əminəm. Biz ölkəmizdə böyük yeniliklərə səbəb olacağıq və onların əks-sədası bütün dünyada hiss olunacaq. Amerika bu fürsətdən əvvəlkindən daha çevik istifadə edəcək.
Amerikanın sərhədlərini qorumayan bir ölkəmiz var və fövqəladə vəziyyətdə qərar qəbul edə bilməyən bir ölkəmiz var. Hazırda Los-Ancelesi izləyirik və həftələr əvvəl bura, müdafiəmizin simvolu idi.
Ən güclülərimizin yerləşdiyi yer idi. Onların əksəriyyəti əslində burada yaşayır və bu güclü insanların indi evləri yoxdur.
Burada heç kim bununla bağlı heç nə edə bilmir və bu, dəyişmək üzrədir. Hazırda işləməyən bir səhiyyə sistemimiz var. Təhsil sistemimiz çox pis vəziyyətdədir.
Bundan sonra biz bacarıqlı iş gətirəcəyik. Cümhuriyyətimizi geri qaytarmaq həmişə çətin yol olub, heç vaxt asan olmayıb və azadlığımı, hətta həyatımı da əlimdən almağa çalışıblar. Bir neçə ay əvvəl bir qatilin gülləsi qulağımdan keçdi, mənim həyatımın xilas olmasının bir səbəbi var idi, Allah məni qorudu ki, Amerikanı yenidən böyük edə bildim" - deyə o bildirib.
Tramp 20 Yanvarı Azadlıq Günü kimi xarakterizə edərək deyib ki, hazırki gündəmimizə hər yerdən dəstək var: "Hazırda milyonlarla insan arxamızdadır. Xüsusilə qaradərililərə və latınlara təşəkkür etmək və onları sevgi ilə qucaqlamaq istəyirəm. Biz rekord qırdıq, bu rekordu unutmayacağam. Bu gün mən Martin Lüter Kinqin adından danışıram. Onun arzularını gerçəkləşdirəcəyik".
Tramp daha sonra ölkənin cənub sərhədində fövqəladə vəziyyət elan edəcəyini bəyan edib: "Cənub sərhədimizə qoşun yeridərək ölkəmizin işğalını dayandıracağam. Bu gün imzalayacağım fərmanla narkotik kartellərini xarici terror təşkilatları kimi müəyyənləşdirəcəyik".
Tramp andiçmə mərasimində kifayət qədər mübahisəli bəyanat da verib. O, deyib ki, Amerika yalnız iki cinsi qəbul edəcək: kişi və qadın.
Tramp daha sonra Panama kanalını geri alacaqlarını deyib və kanaldan keçid qiymətlərini tənqid edib.
"Onların Çinlə razılaşması var idi, lakin bu razılaşmaya əməl etmədilər, ona görə də Panamanı geri alırıq" - deyə Tramp bildirib.
"Biz həm faşizmi, həm də kommunizmi məğlub etdik. Sizə söz verirəm ki, çox sevdiyimiz bu ölkəni yenidən quracağıq...
Ölkəmiz ötən illərdə çox əziyyət çəkib, amma biz onu yenidən gücləndirəcəyik, müharibələri dayandırıb birlik ruhunu geri qaytaracağıq..." - deyə Tramp bildirib.
Meksika körfəzinin adını Amerika Körfəzi olaraq dəyişdirəcəklərini deyən Tramp bildirib ki, "bizim hökmümüz Marsa qədər uzanacaq".
TAHİR
