Bakıda İran rejiminin fahişə-casus dəstəsi tutuldu...

Elşad Həsənov: "İran Azərbaycana qarşı casusluğu çox geniş şəkildə tətbiq edir"

Azərbaycanda fahişəliklə məşğul olan 5 iranlı tələbə deport olunub, 11 nəfərin isə ölkəyə girişinə qadağa qoyulub. Bu barədə MOUZE Teleqram kanalının yaydığı məlumatda bildirilir. 

Qeyd olunur ki, Azərbaycanın ali təhsil müəssisələrində təhsil alan İran vətəndaşlarının fahişəliklə məşğul olduğu müəyyən edilib. MOUZE bununla bağlı şokedici faktlar əldə edib.

Bu tələbələr  İran xüsusi xidmət orqanları tərəfindən əməkdaşlığa cəlb ediliblər. Onların burda ayrı-ayrı Azərbaycan vətəndaşlarını ələ almaq üçün təlimatlandırıldıqları və iş apardıqları   bəlli olub. MOUZE-nin məlumatına görə, həmin qadınlardan 11 nəfərinin Azərbaycana girişinə qadağa qoyulub, 5 nəfər isə deport edilib.

MOUZE məsələ ilə bağlı ətraflı araşdırma aparıb və yayımlayıb. 

Məlumatda qeyd olunur ki, bu tələbələr İran xüsusi xidmət orqanları tərəfindən əməkdaşlığa cəlb ediliblər. 

MOUZE həmin qızların adlı siyahısını təqdim edib:

İran İslam Respublikasının vətəndaşı, 1999-cu il təvəllüdlü Amid Dorsa Masoud ATU-nun "Stomatologiya" fakültəsinin II kurs tələbəsidir. O, Bakıda gecə klublarında tanış olduğu əcnəbilərlə pul müqabilində intim münasibətdə olub. Gecə klubları və otellərdə çəkilmiş açıq-saçıq fotoşəkillərini, videolarını şəxsi sosial şəbəkə hesablarında paylaşıb. 

Amid Dorsa 27 oktyabr 2024-cü il tarixində Azərbaycandan deportasiya edilib. 

İran İslam Respublikasının vətəndaşı, 1996-cı il təvəllüdlü Morsali Seyedehasma Seyedmahdi 2018-2023-cü illərdə ATU-nun "Stomatologiya" fakültəsində təhsil alıb. Hazırda rezidentura pilləsində I kurs tələbəsidir. O, Bakıda "Nightoffice", "Enjoy Baku" və digər gecə klublarıbda tanış olduğu yerli və xarici vətəndaşlarla pul müqabilində intim əlaqədə olub. 08 noyabr 2024-cü il tarixdə Azərbaycandan deportasiya edilib.

İran İslam Respublikasının vətəndaşı, 1999-cu il təvəllüdlü Naghshbandi Farnaz Mohammad ATU-nun "Stomatologiya" fakültəsinin V kurs tələbəsidir. O, Bakıda "Otto", "Zeppelin" və digər gecə klublarında intim məqsədlər üçün müxtəlif şəxslərlə tanış olub görüşlər keçirib. Əxlaqsızlıqla məşğul olduğu üçün Azərbaycandan deportasiya edilib. 

İran İslam Respublikasının vətəndaşı, 1999-cu il təvəllüdlü Saber Nasim Zeinalabdin ATU-nun "Stomatologiya" fakültəsinin III kurs tələbəsidir. O, Bakıda "Pasifico", "Otto" və digər gecə klublarından əxlaqsızlığı təbliğ etməklə məşğul olub. Hətta gecə klublarında və hotellərdə çəkdirdiyi foto və videoları sosial şəbəkə hesablarında paylaşıb. Klublarda tanış olduğu türk və ərəb tələbələrlə maddi maraq müqabilində intim görüşlər keçirib. 2024-cü ilin noyabrında Azərbaycandan deportasiya edilib. 

İran İslam Respublikasının vətəndaşı, 1998-ci il təvəllüdlü Samadi Ghalehjogh Sana Ghorbanali 2018/2019-cu tədris ilində ATU-nun "Müalicə-profilaktika" fakültəsinə qəbul olunub və hazırda VI kurs tələbəsidir. O, Bakıda tələbə olan digər iranlı qızlarla birgə gecə klublarında tanış olduğu şəxslərlə intim görüşlər keçirib. Həmçinin, sosial şəbəkə hesablarında açıq-saçıq və cəlbedici şəkillərini paylaşmaqla özünə müştərilər toplayıb. Azərbaycanda əxlaqsızlıqla məşğul olduğu üçün 23 oktyabr 2024-cü il tarixdə ölkədən deportasiya edilib.

İran İslam Respublikasının vətəndaşı, 1992-ci il təvəllüdlü Soleimani Shadi Parviz 2020/2021-ci tədris ilində Azərbaycan Tibb Universitetinin (ATU) "Stomatologiya" fakültəsinə qəbul olunub. O, Bakıda təhsil aldığı dövrdə maddi maraq müqabilində Azərbaycanın dövlət orqanlarında yüksək vəzifələrdə çalışan şəxslərlə intim münasibətlər saxlayıb. Soleimani Shadi ötən ilin noyabrında Azərbaycanı tərk edərək İrana gedib. Həmin tarixdən onun Azərbaycana girişi 5 il müddətinə məhdudlaşdırılıb.

İran İslam Respublikasının vətəndaşı, 1995-ci il təvəllüdlü Esmaeili Sharmin Mirtayyeb 2016/2017-ci tədris ilində ATU-nun "Stomatologiya" fakültəsinə qəbul olunub. Esmaeili Sharmin Bakıda çox əyləncəli bir həyat yaşayıb. Onun "Nightoffice" ve "Baku Extra Club" gecə klublarında məqsədli şəkildə əcnəbilərlə intim münasibətdə olmasına dair çoxsaylı faktlar var. O, bu faktların bəzilərini öz şəxsi sosial şəbəkə hesablarında da açıq-saçıq paylaşıb. Başı əyləncələrə qarışan Esmaeili Sharmin çoxlu kəsirlərinin olması səbəbindən universiteti də bitirə bilməyib. O, 20 iyun 2023-cü ildə Azərbaycanı tərk edib. 2024-cü ildən onun da ölkəyə girişinə məhdudiyyət qoyulub.   

İran İslam Respublikasının vətəndaşı, 2000-ci il təvəllüdlü Fallahaghaei Aysan Hassan qızı 2018-ci ildən ATU-nun "Stomatologiya" fakültəsində əyani təhsil alıb. O, Azərbaycanda yaşadığı müddətdə imkanlı şəxslərlə pul müqabilində intim görüşlər keçirib. 2024-cü ilin avqustunda Azərbaycanı İran istiqamətində tərk edən Aysanın ölkəyə girişi məhdudlaşdırılıb.  

İran İslam Respublikasının vətəndaşı, 1997-ci il təvəllüdlü Rezazadeh Pegah Shahram 2018-2023-cü illərdə ATU-nun "Stomatologiya" fakültəsində təhsil alıb, tələbə olduğu halda Bakıda qanunsuz stomatoloji xidmət göstərib. O, sosial şəbəkə hesablarında tanış olduğu şəxslərlə öz yaşadığı mənzildə intim görüşlər keçirib. 2023-cü ilin noyabrında Azərbaycvanı tərk edib. Ötən ildən onun Azərbaycana girişinə 5 il müddətinə məhdudiyyət qoyulub.

İran İslam Respublikasının vətəndaşı, 1997-ci il təvəllüdlü Montazami Samaneh Akbar 2018-2023-cü illər ATU-nun "Stomatologiya" fakültəsində təhsil alıb. Təhsil aldığı dövrdə Azərbaycanın dövlət orqanlarında çalışan şəxslərlə intim münasibətlərdə olub. 2023-cü ildə İran istiqamətində Azərbaycanı tərk edən Montazami Samanehin ölkəyə girişi məhdudlaşdırılıb. 

İran İslam Respublikasının vətəndaşı, 1999-cu il təvəllüdlü Vosoughi Hanieh Saeid 2018-2023-cü illərdə ATU-nun "Stomatologiya" fakültəsində əyani ali təhsil alıb. Tələbəlik illərində Bakı şəhərində yerləşən "Enjoy Club", "Nightoffice" və digər gecə klublarında tanış olduğu şəxslərlə pul müqabilində intim münasibətdə olub. O, 17 sentyabr 2023-cü il tarixdə İrana gedib və 06 iyun 2024-cü il tarixdən ölkəmizə girişinə 5 il müddətinə məhdudiyyət qoyulub.

İran İslam Respublikasının vətəndaşı, 1998-ci il təvəllüdlü Moharramzadeh Sama Asghar 2018-2024-cü illərdə ATU-nun "Müalicə-profilaktika" fakültəsində təhsil alıb. O, maddi maraq müqabilində Azərbaycana gələn ərəblərlə intim münasibətlər saxlayıb. Həmçinin, xarici turistlərin Bakıda başqa tələbə qızlarla pul müqabilində görüşünü təşkil edib. Onun da Azərbaycana girişi məhdudlaşdırılıb.

İran İslam Respublikasının vətəndaşı, 2000-ci il təvəllüdlü Shirin Elina Hossein ATU-nun "Stomatologiya" fakültəsinin V kurs tələbəsidir. O, maddi mənfəət əldə etmək üçün çoxlu sayda Azərbaycan vətəndaşları ilə intim münasibətdə olub. Təhsil aldığı dövrdə dərslərə davamiyyəti mütəmadi olaraq pozub. E.Shirin 04 noyabr 2024-cü il tarixdə İrana gedib və elə həmin tarixdən Azərbayana girişinə qadağa qoyulub. 

İran İslam Respublikasının vətəndaşı, 2000-ci il təvəllüdlü Kouhi Habibi Nazanin Habib ATU-nun "Stomatologiya" fakültəsinin IV kurs tələbəsidir. O, Bakıda "Pasifico" və "Otto" gecə klublarında tanış olduğu şəxslərlə otellərdə intim görüşlər keçirib, vaxtaşırı xarici ölkələrə səfər edib. 09 sentyabr 2023-cü il tarixdə Azərbaycanı tərk edib və həmin tarixdən ölkəyə girişi 5 illik məhdudlaşdırılıb.

İran İslam Respublikasının vətəndaşı, 2002-ci il təvəllüdlü Dastbous Diana Adel ATU-nun "Stomatologiya" fakültəsinin III kurs tələbəsidir. D. Dastbous maddi qazanc əldə etmək məqsədi ilə sosial şəbəkə hesabında açıq-saçıq görüntülərini paylaşaraq özünə müştərilər axtarıb. Tanış olduğu müxtəlif şəxslərlə intim görüşlər keçirib. Diana 18 oktyabr 2024-cü il tarixdə ölkəni İran istiqamətində tərk edib və həmin tarixdən Azərbaycana girişi məhdudlaşdırılıb.

İran İslam Respublikasının vətəndaşı, 1996-cı il təvəllüdlü Mohammad Germi Niloofar Mostafa 2018-2023-cü illərdə ATU-nun "Stomatologiya" fakültəsində təhsil alıb. Bakıda əsasən "Nightoffice" və "Pasifico" gecə klublarından tanış olduğu şəxslərlə pul müqabilində intim əlaqədə olub. O, 25 iyun 2023-cü il tarixdə ölkə ərazisini tərk edib və 06 noyabr 2024-cü il tarixdən Azərbaycana girişinə 5 il müddətinə məhdudiyyət qoyulub.

Bu, MOUZE-də yayılan məlumatdır. 

Molla rejiminin ölkəmizə sızdırdığı bu casas şəbəkəsinin ifşa edildiyi yazılır. İranın məqsədi nə idi ki, bir çirkin üsula əl atıb, Azərbaycana fahişə-casuslar göndərirdi?

"Hətta gənc qızları da bu çirkin fəaliyyətə cəlb edirlər və onlar fahişəliklə məşğul olaraq ayrı-ayrı adamlardan strateji məlumatlar əldə etməyə çalışırlar" 

Siyasi ekspert Elşad Həsənov "Bakı-Xəbər" ə şərhində "İranın fars molla rejimi Azərbaycanın inkişafını, qüdrətini həzm edə bilmir. Azərbaycanı daima özünə rəqib görür və bilir ki, Azərbaycandakı inkişaf İranda yaşayan azərbaycanlıların inkişafına, onların oyanmasına, azadlıq hərəkatına təkan verir. Ona görə də onlar daim çalışırlar ki, Azərbaycana qarşı əllərindən gələn hər cür alçaqlığı etsinlər, təxribatlar törətsinlər. Bizə qarşı bütün pislikləri etməyə hazırdırlar. İran Azərbaycana qarşı casusluğu çox geniş şəkildə tətbiq edir. O cümlədən əvvəllər Azərbaycan gənclərini İrana aparırdılar, Qumda dini təhsil pərdəsi altında onlara həm də casusluq təlimi keçirdilər və onları təzədən Azərbaycana göndərirdilər. Bu, keçən əsrin 90-cı illərinin əvvəllərində daha geniş yayılmışdı. Sonralar onların əksəriyyətini Azərbaycan Dövlət Təhlükəsizliyi Xidməti ifşa etdi, nəzarət altında saxladı və onlara qarşı ciddi tədbirlər görüldü, onların çoxu casusluqla və digər məsələlərlə bağlı həbs edildilər"-deyə bildirdi.

E. Həsənovun sözlərinə görə, buna baxmayaraq, yenə də İran belə işlərindən əl çəkmir. "O cümlədən, hətta gənc qızları da bu çirkin fəaliyyətə cəlb edirlər və onlar fahişəliklə məşğul olaraq ayrı-ayrı adamlardan strateji məlumatlar əldə etməyə çalışırlar. Təbii ki, onlar da seçim edirlər, hər adamla yox, vacib dövlət işində, polis, təhlükəsizlik orqanlarında çalışan şəxslərlə daha yaxından kontakt qurmağa çalışırlar.

Bu onlara verilən təlimatlardır. Azərbaycanın daxili məsələlərini, hərbi obyektləri öyrənmək və sonra onlara qarşı hansısa tədbirlər, təxribatlar həyata keçirmək məqsədi güdülür.

Elə bu yaxınlarda Gürcüstan vətəndaşı Aqil Aslanov və onunla birlikdə Azərbaycan vətəndaşı Ceyhun İsmayılov da həbs edildi. Yəni bunların məramı, məqsədi Azərbaycanda qarışıqlıq salmaqdır, Azərbaycanın inkişafına mane olmaqdır. Bütün bunlar onu göstərir ki, İran fars molla rejimi öz çirkin əməllərindən əl çəkmir. Biz son illər görürük ki, Azərbaycan daha da güclənir, qüdrətlənir, Cənubi Qafqazın lider ölkəsinə çevrilib. Eyni zamanda da dünyada Azərbaycan lideri böyük hörmətə, nüfuza sahibdir, ancaq İran isə getdikcə hər yerdə məğlub olur, hər yerdən qovulur. Bunun əyani nümunəsini  görürük. HƏMAS hərəkatında, Hizbullahda, Suriyada İranın proksi qüvvələrinin məğlub olması göz önündədir. Eyni zamanda İran artıq Amerikanın hədəfindədir.

 İran xüsusi xidmət orqanları bəyan etmişdi ki, biz Trampı öldürəcəyik. Çünki Amerika onların "sevimli" generalları Qasim Süleymaninin qətlinə hökm verib. Yəni bu mənada İranı bu il çox çətin, çox ağır məsələlər gözləyir. Orda yaşayan bacı-qardaşlarımız bunu bilməlidirlər. Artıq İranda təkcə azərbaycanlılar, digər xalqlar yox, o cümlədən farslar da molla rejiminin əlindən beziblər. Onlar bu rejimi devirmək istəyirlər. Ona görə də, orda bu yaxınlarda bir azadlıq hərəkatı başlayacaq. Hesab edirəm ki, ABŞ İrana daha güclü sanksiyalar tətbiq edəcək. Əgər İran nüvə silahı əldə etməkdən əl çəkməsə onları daha ağır cəzalandıracaq və İsrail də buna artıq hazırdır. İranın nüvə obyektlərinin yerləşdiyi gizli yerləri vurmağa artıq hazırdılar. Hesab edirəm ki, bu da ilin birinci yarısında baş tutacaq. Yəni İranın başı öz problemlərinə qarışacaq"-deyə E. Həsənov qeyd etdi.

Əli TURABOV