Tehran rejimi o qədər həddini aşıb ki, öz qulbeçələrinin dili ilə Azərbaycan türklərini, Azərbaycanı təhqir etməkdə davam edir. Hər dəfə özünü tanımayan bir “məmur” tapıb bizə tərəf təhqirlər yağdırır. Bu sıraya Urmu Şəhər Şurasının birinci katibi də qoşulub və Azərbaycanı təhqir edib.
Azad İran teleqram kanalı məlumat yayıb ki, Güney Azərbaycan millətinin böyük bir hissəsi və bu bölgənin bir sıra siyasi xadimləri, millət vəkilləri, Şəhər Şurasının üzvləri İraqın Ərbil əyalətinin valisinin tamahkarlığına (sinəsinə sancdığı bayraqda Güney Azırbaycanın Urmu bölgəsinin bir hissəsi İraq Kürdastının ərazisi kimi göstərilib və İranın bir sıra rəsmiləri, o cümlədən daxili işlər naziri İraqın Kürdüstan əyalətinin valiləri ilə keçirdikləri birgə toplantıda onun bu hərəkətinə göz yumublar) etirazlarını bildirərkən, Urmu Şəhər Şurasının birinci katibi Tohid Əlinejad özünün “İnstagram” hesabında paylaşdığı postlarda təhqir məqsədilə qoyun və uzunqulaq şəkillərində həyasızcasına “Azərbaycan” heşteqindən istifadə edib.
Çox təəssüf ki, belə hallarla çox rastlaşırıq və şovinistlər, panfarsistlər çox zaman bu cür əxlaqdan kənar mövqe tuturlar.
“Nə “Kürdüstan” xəyalları ilə yaşayanların, nə də İranı idarə edən fars molla rejiminin o torpaqları kiməsə peşkəş etmək kimi bir istəyi gerçəkləşə bilər”
Bu məsələyə münasibət bildirən siyasi şərhçi Azər Həsrət “Bakı-Xəbər”ə “burada “qoyun” və “eşşək”dən söz edilir. Bu da yadıma bir məsələni saldı. Xatırlayırsınızsa, İkinci Qarabağ savaşına qədər ermənilər də biz azərbaycanlıları “qoyun”la assosiasiya edirdilər. Harda gəldi bizim barəmizdə nəsə yazanda mütləq “qoyun” ifadəsi işlədirdilər. Biz də buna sakit yanaşırdıq, qəzəblənmirdik, əsəbiləşmirdik. 44 günlük Vətən müharibəsində onların o “qoyun” dediyi biz azərbaycanlılar, bizim igid oğullarımız kimin qoyun, kimin şir olduğunu ermənilərə göstərdi. Müşahidə edirəm ki, 44 günlük savaşdan sonra ermənilər artıq ümumilikdə heç yerdə azərbaycanlılarla bağlı “qoyun” ifadəsi işlətmir. Niyə? Çünki onlara da, dünyaya da bəlli oldu ki, biz azərbaycanlıları “qoyun”la assosiasiya etmək olmaz. Biz ümumilikdə türk millətiyik, bizim assiosiyasiya olunduğumuz təbii canlı Boz qurddur, boz qurdun da xarakteri bütün dünyaya bəllidir. Yer üzündə yeganə vəhşi heyvandır ki, onu əhilləşdirmək, sirkdə oynatmaq mümkün deyil. Amma farslar bizim Boz qurd olduğumuzu hələ də qanmayıblarsa, yəqin ki, onları da erməniləri qandırdığımız kimi qandıracağıq. O gün də uzaqda deyil. Eşşəyə gəlincə, bunu hamı bilir ki, eşşək farsların sevgili heyvandır. Amma onu niyə bizimlə assosiasiya etdirirlər, bunu anlamadım. Digər tərəfdən də onların bu “qoyun”, “eşşək” və sair söhbətləri ona gətirib çıxaracaq ki, çox yaxında Güney Azərbaycan Cumhuriyyəti qurulacaq. Farslar onda qanacaqlar ki, “qoyun” dedikləri əslinə qalanda onların özlərini qoyun yerinə qoyacaq”-deyə bildirdi.
A.Həsrətin sözlərinə görə, necə ki, 44 günlük savaşdan sonra ermənilər bunu anladılar, çox yaxında da farslar bunu yaxşıca anlayacaqlar. “Bütövlükdə, Urmiyaya gəldikdə, ora təbii ki, “Kürdüstan” deyil, əlbəttə, Güney Azərbaycanın əzəli, əbədi torpaqlarıdır. Güney Azərbaycan cumhuriyyəti qurulanda da həmin torpaqlar onun tərkibində olacaq. Nə “Kürdüstan” xəyalları ilə yaşayanların, nə də İranı idarə edən fars molla rejiminin o torpaqları kiməsə peşkəş etmək kimi bir istəyi gerçəkləşə bilər. Bir az dözək, səbr edək, onda bizə “qoyun” deyən farslar ermənilər kimi görəcəklər ki, kim qoyundur, kim şirdir. Sadəcə olaraq, biz bu yolda əzmlə davam edək”-deyə A.Həsrət vurğuladı.
Əli TURABOV
