02/10/2023 08:30
728 x 90

Paşinyan Rusiya ilə strateji müttəfiqlik sənədlərini adi kağız parçasına çevirdi...

Turab Rzayev: “Rusiya tam zəiflədiyi halda, Paşinyan aşıq şəkildə Rusiyaya qarşı üsyan bayrağını qaldırıb Qərbin yanında yer alacaq”

img

Paşinyan Qərbin təşkil etdiyi platformada yenə Rusiyanı satdı:

“Bu heç vaxt ucadan deyilməyib, amma məncə, bunu açıq şəkildə demək olar: biz Ukrayna ilə müharibədə Rusiyanın müttəfiqi deyilik. Və bizim bu müharibədən, bu münaqişədən duyduğumuz hiss narahatlıqdır, çünki bütün münasibətlərimizə birbaşa təsir edir. Qərbdə bizim Rusiyanın müttəfiqi olduğumuzu görürlər. Rusiyada isə bizim Ukrayna müharibəsində onların müttəfiqi olmadığımız görünür. Və belə çıxır ki, biz bu vəziyyətdə heç kimlə müttəfiq deyilik, deməli zəifik. Bütün bu toqquşmalardan yayınmağın bir yolu var, lakin həqiqət ondan ibarətdir ki, vəziyyət nə qədər çətinləşsə, qaçmaq imkanları da bir o qədər daralır. Biz bundan qaçırıq, ona görə ki, vəziyyətlə bağlı heç bir fikrimiz yoxdur”.

Ermənistanla Rusiya arasında strateji müttəfiqlik haqda saziş var, KTMT və Avrasiya İqtisadi Birliyinin üzvüdür. Rusiya hərbi bazası Ermənistandadır. Bunların fonunda necə deyilə bilər ki, biz Rusiya ilə müttəfiq deyilik?

Siyasi şərhçi Turab Rzayev “Bakı-Xəbər”ə açıqlamasında bildirdi ki, Paşinyan əslində Qərbin dəstəyi ilə siyasətə yiyələnmiş bir şəxsdir: “Paşinyan inqilabı Qərb tərəfindən dəstəklənən bir dalğa hesab olunur. Ermənistanda Ukraynadakına, Moldovadakına, Gürcüstandakına bənzər bir inqilab dalğası ilə Paşinyan hakimiyyətə gətirildi. Qərbin liberal, demokrat sahələri hamısı ona dəstək verdi. Paşinyanın hakimiyyətə gətirilməsində əsas məqsəd var idi. Onun qarşısına müəyyən şərtlər qoyulmuşdu. Birinci şərt Rusiyanın bölgədən çıxarılması idi. Təsadüfi deyil ki, xatırlayırsızsa, həmin dövrlərdə istər Ukrayna, istər Gürcüstan, istərsə də Moldovada olan inqilablar həm də Rusiyanın və həmin ölkələrdə Moskvanın müttəfiqləri olan yerli rejim əleyhinə yönəlmişdi. Putin Rusiyasının bu rejimlərlə, onların liderləri ilə düşmənçiliyi sirr deyil. Yəni Putinin istər Zelenski, istər Lukeşenkoya və Saakaşviliyə baxışı bəlli olub. Putin onları Rusiyaya qarşı bir düşmən kimi qiymətləndirir. Paşinyan da əslində onlardan biridir. Ancaq vaxtaşırı həm Rusiyanın təzyiqi qarşısında, həm də Rusiyadan olan böyük, qlobal asılılıq qarşısında öz hədəflərini kiçik addımlarla həyata keçirməyə çalışır. Paşinyan gəldiyi gündən etibarən Rusiyaya qarşı bu addımlarda israrlı olduğunu, Rusiyanın bölgədən çıxarılması və Ermənistanın Qərbə inteqrasiya planını heç vaxt gizlətməyib. Paşinyan hakimiyyətə gəldiyi dövrdə açıq-aşkar Qarabağda sülhə nail olması üçün  Rusiyanın Ermənistandan çıxıb getməsi lazım olduğunu bildirdi. Həmin ərəfədə də Ermənistanda rus ordusuna qarşı kütləvi mitinqlər, etirazlar başladı. Rus ordusunun cinayət törətdiyi gündəmə gətirildi. Daha sonra bir müddət Qarabağ müharibəsi dövründə bu məsələ səngidi. Çünki Ermənistanın Rusiyadan hərbi asılılığı var idi. Müharibə bittikdən sonra Ermənistan rəhbərliyi yenə açıq şəkildə Rusiyanı Qarabağda Ermənistana kömək etməməkdə ittiham etdi. Rusiya Ermənistana kömək etmirsə, bu əməkdaşlığın davam etməsinin nə mənası var? Bizim Ermənistan  sərhəd münaqişələrimizdə rəsmi İrəvan bu arqumentləri yenə təkrarladı və Rusiya silahlarının 90 faizinin işləməməsilə bağlı açıqca Rusiyanı ittiham etdi. Daha sonra Rusiyanın təzyiqi nəticəsində Paşinyan bu fikirlərdən qismən imtina etdi. Ancaq ümumilikdə baxdıqda, biz Paşinyanın əslində tamam Rusiyadan qopa bilmədiyini görürük. Ermənistan Rusiyadan çox asılıdır, xarici sərhədləri Rusiya tərəfindən qorunur. Ermənistanın strateji obyektləri, dəmir yolu, enerji  və qaz xətləri hamısı Rusiyanın nəzarətindədir. Bundan başqa, Rusiyanın orda iki hərbi bazası var. Bütün bunlar Paşinyanı daha ehtiyatlı olmağa sövq edir. Paşinyan Rusiyanın tam zəifləməsini gözləyir. Rusiya tam zəiflədiyi halda, Paşinyan aşıq şəkildə Rusiyaya qarşı üsyan bayrağını qaldırıb, Qərbin yanında yer alacaq. İndi isə, bəzən BMT səsverməsində, bəzən müəyyən məsələlərdə Rusiyanın addımlarını dəstəkləmək məcburiyyətində qalır”.

Məhəmmədəli QƏRİBLİ

Peşə etikası

Son xəbərlər