İsfahanda Səfəvilər dövrünə aid qəbir daşları molla rejimi tərəfindən məhv edilir. Bu barədə Azad İran Teleqram kanalı məlumat yayıb. Kanalın verdiyi məlumata görə, arxeoloqlar bu haqda bildiriblər: "Uzun müddətdir ki, İsfahanın Xomeynişəhr bölgəsində Seyid Məhəmməd İmamzadəsi ərazisində Səfəvilər dövrünə aid məzar daşları baxımsız qalıb.
Bu tarixi daşların üzərində konkret tarixlər, müxtəlif yazılarla həkk olunmuş kitabələr, dini şeirlər, məclisləri əks etdirən bəzəkləri var və indi onlar təbii amillərdən və insan tərəfindən məhv edilib”. Göründüyü kimi, molla rejimi də ermənilərin etdiyini edir və türklərə aid, Səfəvi dövrünü əsk etdirən tarixi məzarları məhv edirlər.
“Molla rejimi istəyir ki, o dövrə aid abidələrdəki türk kimliyini, türk nişanələrini, özünəməxsusluğu tamamilə məhv etsin”
AMEA-nın Fəlsəfə və Sosialogiya İnstitutunun aparıcı elmi işçisi, fələfə doktoru, BAO sədrinin müavini, siyasi şərhçi Faiq Ələkbərli “Bakı-Xəbər”ə şərhində bildirdi ki, molla rejimi Azərbaycan türklərinə, onların mədəniyyətinə, tarixinə, dilinə, bir sözlə bütün maddi və mənəvi abidələrinə qarşı təxribatlat törədib: “Molla rejimi də, ermənilər də daim Azərbaycan türklərinin maddi və mənəvi abidələtinə qarşı vandalizm aktları həyata keçiriblər. Zaman-zaman fars-molla rejiminin bizim tarixi irsmimizə pis münasibətini müşahidə etmişik. Türklərə məxsus olan maddi mədəniyyət abidələrinin, məzarların, qəbirüstü daşların və sairin total şəkildə məhv edilməsi daha çox son iki əsrdə özünü göstərir. Nəyə görə bu dövrlərdə? Çünki buna qədər Azərbaycan türklərinin çox böyük dövlətləri vardı. Səfəvilər, Əfşarlar, eləcə də Qacarların son dövrünə qədər abidələrimizə qarşı bu vandalizmi edə bilməzdilər. Qacarlar hakimiyyətinin, Qacar türk dövlətinin tənənzülündən başlayaraq biz bu vandalizmi müşahidə edirik. Xüsusən də Qacarların devirilməsindən və Pəhləvilər 1925-ci ildə hakimiyyətə gəlməsindən sonra bu proses başlandı. Özlərini Sasanilərə, Əhəmilərə bağlayan Pəhləvilər adlı qanunsuz hakimiyyət qurulduqdan sonra biz çox dəhşətli mənzəreələrin şahidi olduq. Bu rejim türk xalqının maddi-mənəvi abidələrini məhv etməyə köklənmişdi. Molla rejimindən əvvəl Pəhləvi rejimi bu vandalizm aktlarının əsasını qoyub. Təkcə Səfəvilər dövrünə aid mədəniyyət abidələri, tarixi məzar daşları məhv edilmir, xalqımıza məxsus digər abidələrə qarşı da eyni davranış göstərilir. Sözsüz, Səfəvilər türk boylarından yaranıb: şamlılar, ustaclılar, qacarlar, bayatlar, əfşarlar və başqa türk boyları. Səfəvi dövrü mədəniyyət abidələri təbii ki, türklərin irsidir. İndiyə qədər farslar və ermənilər, daha çox türkü, Azərbaycan xalqını özünə düşmən kimi görənlər Baharlılar, Bayandurlular, Səlcuqlar dövrü abidələrini məhv edirdilər, indi də həddlərini daha da aşaraq Səfəvi dövrü abidələrinə hücum edirdilər. Halbuki, üzdə məhzəbçilik baxımından Səfəviləri özlərinə “doğma” sayırdılar. Amma görünən odur ki, Səfəvilərdə də qəbul etmədikləri türk maddi-mədəniyyət abidələrinin olmasıdır”.
F.Ələkbərli qeyd etdi ki, molla rejimi mıhzəbçiliyə görə Səfəvilərə hörmət bəslədiyini göstərmək istəsə də, Səfəvilərin də türkçülüyə aid dəyərlərini qəbul etmək istəmir. “Səfəvilərin türkçülük ruhunda maddi-mədəniyyət abidləri vardı. Bu istər məzarlıqlar, istərsə də digər abidələr, kitabələr, tikililər olsun, hamısında türk ruhu mövcuddur. Molla rejimi istəyir ki, o dövrə aid abidələrdəki türk kimliyini, türk nişanələrini, özünəməxsusluğu tamamilə məhv etsin. Bu özünəməxsusluğu tamamilə məhv etmək istəyirlər ki, guya burada minillər boyu farsların yaşayıb və s. Farslarla hayların bu məsələdə də bir-birindən fərqi yoxdur, ikisi də bizim abidələrin düşmənidir”.
Haylar və farsların özlərini hind-Avropa qrupuna aid edirlər. Onun sözlərinə görə, necə ki, ermənilər xristian türklərinə aid bütün maddi-mədəniyyət abidələrini mənimsəyiblər. “Ermənilər kimi farslar da bizim abidələri saxtalaşdırırlar, saxtalaşdıra bilmədiklərini isə məhv edirlər. Söhbət həm xristianlıq, həm də sonrakı dövrlərdəki abidələrimizdən gedir. Yəni bu proses qeyri-insani prosesdir. Biz o torpaqlarımızda növbəti dəfə öz hakimiyyətimizi qurmayana qədər bu vandalism aktları davam edəcək. Yəni molla geyimli fars şovinstləri orada türkün izini tamamilə silmək üçün bu vandalizmi davam etdirəcək. Ona görə də, bu birinci dəfə deyil, dəfələrlə bu cür hadisələrin şahidi olmuşuq. Biz BAO olaraq Azərbaycan dövlətini, Türkiyəni, eləcə də digər qardaş ölkələri, UNESCO-nu, başqa beynəlxalq qurumları həmişə bu məsələdə həssas olmağa çağırmışıq. Dünya indiki şəraitdə fars-molla vandalizminin qarşısını kəsib “dur” deməlidir, şovinist molla vandalizmi dayandırılmalıdır. Çünki bu tarix təkcə türkün tarixi deyil, həm də dünya tarixidir, bəşəriyyətin mahiyyətini özündə əks etdirən bir tarixdir. Azərbaycan, qardaş Türkiyə, müvafiq qurumlar, beynəlxalq təşkilatlar bu məsələdə mövqeyini ortaya qoyub müəyyən qədər bu vandalizmin dayandırılmasına nail olmalıyıq”-deyə bildirən F.Ələkbərli deyir ki, uzun illərdir türk irsinə qarşı bu xoşagəlməzlik davam edir və nəticədə bütün dünya ziyan çəkir…
İradə SARIYEVA
