Şimali Kipr Türk Cumhuriyyətinin (ŞKTC) baş nazir müavinliyi, Turizm, Mədəniyyəti, Gənclik və Ətraf Mühit Nazirlinin müşaviri Serhan Aktunc Azərbaycan media nümayəndələri üçün mətbuat konfransı keçirdi.
Mətbuat konfransından əvvəl Şimali Kipr Türk Cumhuriyyətinin turizm potensialı ilə bağlı tanıtım filmi təqdim olundu. Sonra Serhan Aktunc qardaş Türkiyədə baş verən zəlzələ qurbanlarının ruhunu xatırladı.
O, qeyd etdi ki, bu bizim ortaq acımızdır. Aktunc bildirdi ki, biz üç dövlət tək millətik.
2023-cü ildə Azərbaycanla Şimali Kipr Türk Cümhuriyyəti arasında
yeni ağ səhifə açıldığını deyən müşavir bildirdi ki, həm turizm, həm siyasət, həm iqtisadiyyat sahəsində əlaqələr yeni başlanğıcıdır. Müşavir Bakıya ilk dəfədir gəldiyini dedi. Müşavir vurğuladı ki, Şimali Kipr Türk Cumhuriyyətinin əsas sektorları turizm və təhsildir.
O, dedi ki, azərbaycanlılar orada oxuyub Vətənlərinə döndükdən sonra burada Kıprısın turizm elçiləri olacaqlar: "Tələbələrin, jurnalistlərin dilindən sizin camaatın Kıprısı duyması çox gözəl reklam olar" - deyə Aktunc qeyd etdi.
Jurnalistlərin sualına cavab olaraq müşavir "Türkiyə Cumhuriyyətindən sonra Azərbaycan bizi ən çox dəstəkləyən ölkədir. Digər türk ölkələrinin də bizi dəstəkləyəcəyini ümid edirik"-deyə bildirdi.
Serhan Aktunç Bakıda keçirilən mətbuat konfransında
"Ölkələrimiz arasındakı münasibətləri nəzərə alsaq, Şimali Kipr Türk Cümhuriyyətinə (ŞKTC) səfər edən azərbaycanlıların sayı kifayət qədər azdır"-deyə qeyd etdi.
Müşavir bildirib ki, 44 günlük Vətən müharibəsindəki böyük qələbədən sonra Azərbaycan xalqının sevincini qəlblərində hiss ediblər: "Üç dövlət tək millət olaraq hər zaman kədərimiz də, sevincimiz də birdir. Bu baxımdan qardaşlarımızla münasibətlərimizi daha da dərinləşdirmək istəyirik. Pandemiyadan öncə 2019-cu ildə ŞKTC-yə cəmi 6 min nəfər səfər edib. Ölkələrimiz arasındakı münasibətləri nəzərə alsaq, bu çox kiçik bir rəqəmdir.
"19 apreldən Türkiyə üzərindən ŞKTC-nə təyyarə reysləri həyata keçiriləcək"
Hesab edirəm ki, ŞKTC-də hər təbəqədən insanın istirahət etməsi üçün imkanlar var. Eyni zamanda 19 apreldən Türkiyə üzərindən ŞKTC-nə təyyarə reysləri həyata keçiriləcək. Biletlərin qiymətinin daha münasib olması nəzərdə tutulur" S.Aktunç əlavə etdi.
O, qeyd etdi ki, qardaş ölkələr ardında əlaqələrin daha da güclənməsi üçün işlər görülür...
İradə SARIYEVA
