Ramil Məmmədli: “Ermənistanla Rusiya arasında hərbi-texniki və müdafiə sənayesi sahəsindəki əməkdaşlıq çox dərindir”
Ukrayna mediası Qərb mənbələrinə istinadla bir neçə gündür Ermənistanın Rusiyanın apardığı işğalçı müharibənin birbaşa iştirakçısı olduğu haqda çox sərt məqalələrlə çıxış edir.
Qərb mənbələri Rusiyanın sanksiyalardan yayınmasında Ermənistanın əsas kanallardan biri olduğunu vurğulayıb. Qeyd edilir ki, Ermənistan Rusiyanın hərbi sənayesinin ehtiyac duyduğu avadanlıqları almasında da fəal iştirak edir: “Beləliklə, İrəvan Tehranla birgə Ukraynaya qarşı təcavüzdə şərik kimi çıxış edir”.
Ermənistan bir tərəfdən Qərblə yaxınlıq edir, digər tərəfdən isə anti-Qərb mövqeyində olan Rusiya ilə əməkdaşlıq edir. Bunu necə başa düşmək olar?
Hərbi-siyasi ekspert Ramil Məmmədli “Bakı-Xəbər”ə açıqlamasında bildirdi ki, burada olduqca vacib bir məqam var: “Nəzərə almalıyıq ki, Ermənistan KTMT xətti ilə Rusiyanın müttəfiqidir. Bundan başqa, Ermənistanın müdafiə sənayəsi komplekslərinin əsas təminatçısı da Rusiyadır. Bəzi silah komponentləri Ermənistanda da istehsal edilir. Bu baxımdan, Ermənistanla Rusiya arasında hərbi-texniki və müdafiə sənayesi sahəsindəki əməkdaşlıq çox dərindir. Bunun birdən-birə ləğv edilməsi mümkün deyil. Ukrayna öz kontekstindən yanaşaraq Ermənistanı Rusiya ilə olan hərbi əməkdaşlığa görə ittiham edir. Bunu da mən normal qəbul edirəm. Çünki Ukrayna müharibə aparır və öz dostu ilə düşmənini yaxşı tanımağa çalışır. Ermənistan Qərblə nə qədər yaxınlaşmağa cəhd etsə də, Rusiya üçün həm hərbi təyinatlı məsulların tranziti, həm də istesalçısı olan ölkə kimi əhəmiyyət daşıyır. Hesab edirəm ki, bu proses hələ xeyli davam edəcək. Hazırda Rusiyaya dəstək verən Ermənistana da sanksiya tətbiq edilib-edilməyəcəyi və ya xəbərdarlıq olunub-olunmayacağı maraq doğurur. Ukraynada həm canlı, həm də texniki qüvvədə itki verən Rusiya eyni zamanda hərbi qüvvəsini gücləndirməyə tələsir.
Ermənistan, eyni zamanda, suriyalı döyüşçülərin Ukraynaya göndərilməsində də öndə gedir.
Muzdlu döyüşçülərin Ermənistandakı Erebuni hava bazasında toplaşaraq, oradan Rusiya Federasiyasının Şimali Osetiya Respublikasındakı Mozdok şəhərinə yola düşməsinə dair məlumatlar yayılıb. Oradan da həmin adamlar Rusiya əsgərləri ilə birlikdə Ukraynaya göndərilir. Bundan əlavə, Rusiya istehsalı olan döyüş təyinatlı təyyarələr xüsusi təlim almış erməni pilotlar tərəfindən idarə edilməsinə dair faktlar mövcuddur”.
Görünən budur ki, ermənilər Qərbdə ruslar üçün “rəsmi alıcıya” çevriliblər. İrəvan Rusiya bazarı üçün həm də müasir elektron avadanlıqların, smartfonların, eləcə də Qərb brendlərinin yeni avtomobillərinin alınmasına kömək edir. Ermənistan, faktiki olaraq, soyuducu və paltaryuyan maşınları alıb, Rusiya bazarına göndərməklə Kremlin Ukraynaya qarşı müharibəsinə yardım edir.
Son bir ildə Moskva və İrəvan iki ölkə arasında ticarət dövriyyəsini kəskin artırıb. Faktiki olaraq, bu ona görə baş verib ki, Ermənistan tərəfi Rusiya üçün lazım olan, Qərbin sanksiyaları ucbatından əldə olunmayan malların alınması ilə məşğuldur.
Məhəmmədəli QƏRİBLİ
.jpg)
