Artıq İslami qaydalara uyğun geyinməyən qadınlar həbs edilməyəcək, təlimə yönəldiləcək...
İranda 1979-ci ildəki İslam İnqilabından bu yana tətbiq olunan qadınlara İslam qaydalarına uyğun paltar geyinmə tələbi ilə bağlı önəmli addım atılıb.
Baki-xeber.com-un İranda nəşr edən və islahatçılara yaxınlığı ilə tanınan “Sharq” qəzetinə istinadən xəbərinə görə, Tehran Polis Şefi Hüseyn Rəhimi İslami qaydalara uyğun geyinməyən qadınların artıq polis mərkəzlərinə götürülmeyeceğini və barələrində istintaq aparılmayacağını deyib. Paytaxt Tehranda 100-dən çox maarifləndirmə mərkəzi açdıqlarını deyən Rəhimi qaydalara uyğun geyinməyən qadınların həbs olunmaq yerinə həmin mərkəzlərdə İslami təlim keçməyə göndəriləcəyini bildirib. Lakin o deyib ki, qadağanı ikinci dəfə pozan qadınlar haqqında hüquqi prosedurlar başladıla bilər.
Maraqlıdır ki, İranda qadınlar rejimin İslami geyim tələbinə müxtəlif yollarla reaksiya verir. Daha öncə isə bir çox İranlı qadın hicab öhdəliyinə qarşı saçlarını yığmaqla etiraz edib. Ümumiyyətlə, İranda son dövrdə qadınların rəngli və boş bağlanmış şarflar taxmağa başlaması ilə qadağanın tətbiqi çətinləşmişdi.
