Hakimiyyətin yuxarı eşelonunda korrupsiya həbsləri sırasında Səudiyyə Ərəbistanı tarixində ilk dəfə şahzadə həbs olunub.
Baki-xeber.com-un xəbərinə görə, “Arab21” nəşri xanım Rim bint əl-Valid ibn Talalın noyabrın 8-də həbs olunduğunu yazıb. Xəbərə görə, daha öncə şahzadənin atası – dünyanın ən zənginlərindən olan Əl-Valid ibn Talal ibn Abdel-Aziz əl Saud çirkli pulların yuyulmasında suçlu bilinərək həbsə alınıb.
Xanım ibn Talalın həbsinin təfərrüatları açıqlanmır. Səudiyyə Ərəbistanındakı həbs dalğasının korrupsiya ilə bağlı olduğu bildirilir, Qərbdə isə baş verənlər vəliəhd Məhəmməd bin Salmanın siyasi opponentlərini aradan götürməsi kimi izah olunur.
Xəbərdə o da bildirilir ki, 2015-ci ildə Əl-Valid 32 milyard dollarlıq varidatını xeyriyyə məqsədlərinə sərf edəcəyini bildirib. Plana görə, göstərilən məbləğ bir neçə il ərzində müəyyən olunan ünvanlara təqdim ediləcək və Əl-Valid ölümündən sonra varidatının humanitar məqsədlərə sərf olunacağından əmin olacaq. Maraqlıdır ki, Əl-Validin oğlu Xalid və qızı Rim onun bu niyyətini təqdir edib.
Qeyd edək ki, 1982-ci il doğumlu şahzadə atasının ABŞ-da səfir olduğu 1983-2005-ci illərdə Amerikada yaşayıb və alı təhsilini Corc Vaşinqton Universitetində alıb. Onun Al Hama LLC şirkətinin baş direktoru, ər-Riyadda Harvey Nichols mağazasının sahibi olduğu bildirilir.
Xəbərdə o da bildirilir ki, şahzadə Rim Feysal bin Turki bin Nasir bin Abdulaziz Əl-Səudla evli olub. Onlar 2012-ci ildə boşanıblar, bu nikahdan bir oğlan, bir qız övladları var.
