"Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində maraqlı paylaşım edib.
A.Quliyev yazır:
"Siyasətdə oyunbazlığın axırı belə olur. Dekabrın 15- də Rusiyanın və Belarusun Dəməşqdəki səfirliklərinin əməkdaşları Hmeymin bazasına gətirilib və oradan isə Rusiyanın Hərbi Kosmik qüvvələrinin təyyarələri ilə Moskvaya daşınıblar. Bu adi haldır. İnqilab da olar, ölkədən çıxmaq da olar. Fəqət anormal hal odur ki, Rusiya və Belarus diplomatları ilə bərabər "Abxaziyanın Dəməşqdəki səfirliyinin" ( ifadəyə baxın ey) əməkdaşları da Moskvaya qaytarılıb. Bax oyunbazlıq budur. Abxaziya nə vaxtdan dövlət olub ki, onun Dəməşqdə səfirliyi açılsın? Abxaziya və Cənubi Osetiya Gürcüstandan ayrılıb "müstəqillik" elan edəndən sonra Rusiyanın oyuncaq ssenariləri əsasında bu iki qondarma "dövləti" Suriya, Nikaraqua və Nauru deyilən kimsənin tanımadığı cırtdan bir dövlət tanıdılar. Dövlət olaraq sənin öz diplomatlarını başqa ölkədən çıxarmaq üçün öz təyyarən yoxdursa, sən nə dövlətsən? Yəqin Nikaraquada və Nauruda da "Abxaziyanın səfirlikləri" var və Suriyadakı biabırçı hadisəni bir gün onlar da yaşayacaqlar. Dünyanı özünüzə güldürməyin və ciddi beynəlxalq siyasəti bu cür qeyri- ciddi ssenarilərlə gülünc vəziyyətə salmayın...
Bir fakt neçə dəfə təkrarlanmalıdır ki, ondan lazımı dərs alınsın? Bir vaxtlar qondarma "Dağlıq Qarabağ rejimi " də özünü müstəqil dövlət kimi təqdim edirdi, dövlət- dövlət oyunu oynayırdılar. Axırı nooldu? "Bayraqları" ilə Azərbaycan əsgərləri ayaqyolunu təmizlədilər, liderləri isə tula kimi quyruqlarını qısaraq Bakı türmələrinə girdilər. Halbuki bu şərəfsizliyi yaşamaya da bilərdilər....
Qondarma " DQR" bu biabırçılığı yaşayan vaxt qondarma "Abxaziya dövləti " Suriyadakı "səfirliyini" həmişəlik qapatsaydı, belə rüsvay olmazdılar...."
Mətləb
