Şəmsəddin Əliyev: “Keçmiş hökumətin korrupsiya, büdcəni talamaq kimi cinayətkar əməlləri ifşa olunur və artıq dünya görür ki, onlar hansı işlərlə məşğul olub”
Co Bayden administrasiyası dövründə ABŞ-da əksər sahələrdə ciddi problemlər yaşanıb, korrupsiya əməlləri, maliyyə fırıldaqları, büdcədən oğurluqlar, pulların silinməsi kimi hallar baş verib. Bu maxinasiyalar, oğurluqlar sosial təminat sahəsində də özünü göstərib. Yeni administrasiya Bayden hökumətinin maliyyə cinayətləri ifşa edir.
ABŞ hökumətinin işinin səmərəliliyinin artırılması üzrə quruma (DOGE) rəhbərlik edən İlon Mask Birləşmiş Ştatların sosial təminat sistemində “böyük saxtakarlıq” olmasından şübhələnir. Belə ki, rəsmi məlumat bazalarında sosial ödəniş alan amerikalıların sayının ölkədəki vətəndaşların sayından xeyli çox olduğu görünür.
İlon Mask bu barədə özünün sosial media hesabında yazıb. O, sosial ödənişlərin sayının 394 milyon, ölkə əhalisinin sayının isə 334 milyon olduğunu bildirib. Maskın sözlərinə görə, sosial müavinət tələb edə biləcək ABŞ vətəndaşlarının sayı 310 milyon nəfər olmalıdır.
Bir müddət öncə “Bloomberg” agentliyi DOGE-nin tibbi sığorta proqramları olan “Medicaid” və “Medicare” mərkəzlərində mümkün saxtakarlıq və israfçılıq şübhəsi ilə bağlı auditə başladığı barədə məlumat yayıb.
Donald Trampın inaqurasiyasından dərhal sonra qurulan DOGE agentliyi ABŞ-ın büdcə xərclərinin genişmiqyaslı auditinə başlayıb. Yeni qurum fəaliyyət göstərdiyi ilk 80 saat ərzində təxminən 420 milyon dollarlıq lüzumsuz dövlət müqavilələrini ləğv etdiyini açıqlayıb. İlon Mask isə hökumət xərclərini ümumilikdə 2 trilyon dollar azaltmağı hədəfləyir.
Qeyd edək ki, “The Wall Street Journal” qəzeti yanvarın sonlarında ABŞ hakimiyyətinin müxtəlif qrantlar və kreditlər də daxil olmaqla, hökumətin maliyyə yardımı proqramlarının dayandırılmasına göstəriş verdiyini yazıb.
“Bayden hökumətinin sosial ödənişlər sahəsində ciddi nöqsanlara yol verdiyi və büdcədən artıq vəsaitlərin silindiyi üzə çıxır”
Hüquqşünas Şəmsəddin Əliyev “Bakı-Xəbər”ə bildirdi ki, faktlar Bayden hökumətinin ABŞ büdcəsini taladığını, maliyyə yeyintilərinə yol verdiyini göstərir. Hüquqşünas hesab edir ki, keçmiş administrasiya diqqətləri daxildən kənarlaşdırmaq üçün daim başqa ölkələrə qarşı basqılar həyata keçirib, ayrı-ayrı dövlətlərin daxili işlərinə qarışıb, onları korrupsiya cinayətlərində ittiham etdim, əslində isə özü korrupsiyaya bataqlığına batıbmış. “Doğru deyiblər ki, hər şeyin zamana ehtiyacı var. ABŞ bütün dünyaya demokratiya dərsi keçir, dünya liderlərini, dövlət başçılarını, hökumətləri korrupsiyada ittiham edir, onları vəzifə səlahiyyətlərini aşmaqda, vəzifələrindən sui-istifadədə günahlandırır. Xüsusən də Bayden hökuməti dövründə ABŞ-ın ayrı-ayrı təşkilatları, dövlət qurumları, Dövlət Departamenti ayrı-ayrı dövlətləri ittiham edirdi, sanki dünya ölkələrinə təlimatlar verirdilər. Amma zaman sübut etdi ki, elə ən böyük korrupsiya halları ABŞ-da baş verib. Ümumiyyətlə, dünyaya demokratiya, şəfafflıq mövzusunda dərk keçən ölkələrin hamısında vəziyyət eynidir. Bayden peşəkar, təcrübəli hüquqşünas idi, amma demək olar ki, o, dövlət məmurlarını vətənə, xalqa, dövlətə sədaqət ruhunda tərbiyyələndirə bilməyib. Belə rəy yaratmaq istəyirdi ki, guya onun heç nədən xəbəri olmayıb, ətrafında olanlar öz şəşxi maraqlarını təmin etmək uğrunda çalışıb. Dekarativ bir görüntü yaratmışdılar ki, guya bunlar korrupsiyaya, hətta transmilli mütəşəkkil cinayətkarlığa qarşı mübarizədə öndə dururlar. Amma indi görürsüz ki, nələr baş verib. Özünü dünyada humanist hökumət kimi qələmə verməyə çalışan Bayden hökumətinin sosial ödənişlər sahəsində ciddi nöqsanlara yol verdiyi və büdcədən artıq vəsaitlərin silindiyi üzə çıxır. Təsdiqlənir ki, sosial ödənişlərin sayı 394 milyon olub, ölkə əhalisinin sayı isə 334 milyondur. Keçmiş hökumətin korrupsiya, büdcəni talamaq kimi cinayətkar əməlləri ifşa olunur və artıq dünya görür ki, onlar hansı işlərlə məşğul olub”.
Ş.Əliyev qeyd etdi ki, Bayden hökumətin əməllərini Tramp hökumətinin rolu var. Müsahibimiz bildirdi ki, yeni komanda fəaliyyətə başlayandan sonra köhnə komandanın paxırları üzə çıxır. “Bu məsələlərin ifşasında Trampın və onun komandasının rolu danılmazdır. Örnək olaraq deyirəm, ölkələrin hər birinin Konstitutsiyalarında dövlət qurumlarında çalışanların sahibkarlıq və kommersiya fəaliyyəti ilə məşğul olması yasaq edilir. Yəni ya bu olmalıdır, ya o. Əslinə baxanda Trampın özü ABŞ tarixində sahibkarlıq, kommersiya fəaliyyəti ilə məşğul olan yeganə prezidentdir. 47-ci prezidentə qədər ABŞ tarixində ikinci bir belə prezidentin olduğunu xatırlamıram, bəlkə də var, mən bilmirəm. Onun özünün əlində cəmlənən hakimiyyət səlahiyyətlərindən şəxsi biznes dairəsinin eskalasiyasını genişləndirmək üçün istifadə imkanları var. Biz buna əhəmiyyət də vermirik, amma lazım olanda biz sözümüzü deməliyik. Görürsüz ki, ABŞ-ın gücü onun liderində olmur, bu həmişə belə olub. Zamanında onların Tomas Cefferson kimi kifayət qədər ağıllı liderləri olub. Ümumiyyətlə, son bir neçə ildə ABŞ-a rəhbərlik edən şəxslərin xoşagəlməz əməlləri çox olub. Klinton haqda nələr çıxdı ortalığa, bunu hamı bilir. Amma son illər ABŞ-ın gücü onun sadə xalqındadır. Onlar seçki hüququndan istifadə edib səs verirlər, amma o sadə xalqın gündəlik işi hər səhər işə getmək, öz töhfəsini vermək, axşam evə qayıtmaqdadır. ABŞ iqtisadiyyatının gücü də onun hərbi sənayesindədir. O, başqa ölkələrə silah satmaqla milyardlarla pul qazanır”.
İndən sonra daha çox faktların üzə çıxacağını deyən Ş.Əliyev hesab edir ki, beynəlxalq prinsiplərə, beynəlxalq hüquqa, hamı tərəfindən tanınan beynəlxalq aktlara uyğun davranan Azərbaycan kimi ölkələrdir...
İradə SARIYEVA
