12/07/2020 07:46
728 x 90

Gültəkin Hacıbəylinin Rahim Hacıyevə dediyinə inansaq – keçəl olmaq birbaşa yayıma çıxanlar üçün kompleks yaradırmı...

Əli Orucov: “Nə vaxtdan keçəl olmaq siyasətlə məşğul olanlarda kompleks yaradıb?”

img

Milli Şuranın daha bir rüsvayçı videosu yayılıb. Videokonfrans şəklində keçirilən iclasda radikal müxalifət təmsilçiləri dedi-qodu xarakterli söhbətlər edərək öz səviyyələrini növbəti dəfə nümayiş etdirib, gülüş hədəfinə çevriliblər.

Milli Şuranın Koordinasiya Mərkəzinin üzvü Vahid Məhərrəmli bekarçılıq olmasın deyə, təklif edib ki, hökumətdən karantinə görə 300 deyil, bu dəfə 500 manat tələb olunsun. O, bu təşəbbüsün nədən qaynaqlandığını da dilə gətirib. Bildirib ki, onsuz da bu qeyri-real təklifdir və reallaşmayacaq. Lakin görüntü üçün bunu dilə gətirmək lazımdır ki, xalq Milli Şuranın onların qayğısını çəkdiyini, qeydinə qaldığını görsün. Onun bu təklifini MŞ üzvü Rahim Hacıyev dərhal dəstəkləyir, hətta qurumun bu xüsusda bəyanatla çıxış etməsini zəruri sayır. Qənimət Zahidov bu yerdə söhbətə qoşularaq, R.Hacıyevin canlı yayımlara çıxmaqdan yayınmasına dair Koordinasiya Mərkəzinin xüsusi qərar çıxarmasını tələb edir. O, bunun nə səbəbdən baş verməsinə aydınlıq gətirilməsini istəyir. Koordinasiya Mərkəzinin digər üzvü Gültəkin Hacıbəyli söhbətə qoşularaq, R.Hacıyevin keçəl olduğunu, buna görə kompleks yaşadığını dilə gətirir. Canlı yayımlara çıxmamasının səbəbini də onun keçəl olması ilə əlaqələndirir. R.Hacıyev işinin çoxluğunu, sosial şəbəkə üzərindən yazışmaların çox vaxt apardığını dilə gətirib, özünə bəraət qazandırmaq istəsə də, Q.Zahidov onun iş, daxili yazışma adı altında qeybətlə məşğul olduğunu söyləyib.

Göründüyü kimi, Milli Şura üzvlərindən biri deyir ki, filankəs canlı yayıma çıxmaqdan imtina etditi üçün onun barəsində qərar çıxarılsın. Bu, demokratiyaya uyğundurmu? O biri deyir filankəs keçəl olduğu üçün kompleksə düşür və canlı yayıma çıxmır. Maraqlıdır, keçəl olmağa görə insan həqiqətən kompleksə düşə bilərmi?

  • “Bütün bunlar Milli Şuranın deqradasiyaya uğramasının göstəricisidir”

Məsələyə münasibət bildirən AMİP funksioneri Əli Orucovun sözlərinə görə, Milli Şura üzvlərinin səsləndirdiyi “arqumentlər” absurd mahiyyətə malikdir: “Milli Şuranın iclasları ilə bağlı yayılan videogörüntülər onu göstərir ki, bunlar siyasətlə yox, dedi-qodu ilə məşğuldurlar. Onların müzakirələrində hansısa məsələnin ciddi şəkildə gündəmə gətirilməsi, analiz edilməsi görünmür. Bu, bir daha onu göstərir ki, Milli Şurada təmsil olunanlar siyasətlə deyil, dedi-qodu ilə məşğuldurlar. Kimsə hansısa səbəbdən canlı yayıma çıxmırsa və yaxud da çıxa bilmirsə, buna görə onunla bağlı hansısa qərarın qəbul olunması antidemokratik addımdır. Demokratiyadan danışırlar, amma təmsil olunduqları qurumda demokratik prinsiplərə əməl etmirlər. Hesab edirəm ki, bu, qeyri-demokratik bir yanaşmadır. Başqa bir tərəfdən, nə vaxtdan keçəl olmaq siyasətlə məşğul olanlarda kompleks yaradıb? Fikrimcə, bu olduqca gülünc bir yanaşmadır. Ona görə də bütün bunlar Milli Şuranın deqradasiyaya uğramasının göstəricisidir”.

Görünən odur ki, Milli Şuranın tamamilə qeyri-ciddi bir qurum olduğu bütün çılpaqlığı ilə ortaya çıxır.

Vidadi ORDAHALLI

Son xəbərlər