Xəbər verildiyi kimi, Bolqarıstanın paytaxtı Sofiyada Azərbaycan qazının tədarükünə dair memorandum imzalanıb. Anlaşma Memorandumu Azərbaycandan Avropaya əlavə qazın tədarükü üçün dörd ötürücü sistem operatoru ilə SOCAR arasında əməkdaşlığın istiqamətlərini müəyyən edir.
Əlavə qaz tədarükü “Həmrəylik halqası” adlandırılan Bolqarıstan, Rumıniya, Macarıstan və Slovakiyanın təkmilləşdirilmiş ötürücü şəbəkə sistemləri vasitəsilə həyata keçiriləcək.
Təsadüfi deyil ki, “Həmrəylik halqası”nın reallaşmasında ölkəmiz xüsusi həlledici rol oynayır. Bununla bağlı atılan addımlar, TAP layihəsindən sonra, prezident İlham Əliyevin apardığı enerji siyasətinin yeni bir səhifəsi deməkdir. Əgər TAP vasitəsilə Azərbaycan qazı Yunanıstan üzərindən keçməklə İtaliyanı əhatə edirdisə, bu yeni layihələrin icrası ilə Azərbaycan 10-dan artıq Avropa ölkəsininenerji təminatına tövhə verəcək. Qeyd edək ki, 15 noyabr 2022-ci ildə Prezident İlham Əliyev Albaniyada rəsmi səfərdə olarkən qaz ixracı ilə bağlı tranzit məsələləri müzakirə olunub.
“Həmrəylik həlqəsi”nin icrası, Avropa İttifaqı ilə ölkəmiz arasında əlaqələri yeni mərhələyə daşımaqla yanaşı, Azərbaycan-Balkan ölkələri münasibətlərində də yeni səhifə açmaqdadır. Bütün bunlar yeni bir səhifənin açılması baxımından nə dərəcədə önəm daşıyır?
“Ölkəmizin iqtisadi imkanları Qərbin enerji təhlükəsizliyinə danılmaz töhfələr bəxş edir”
Sözügedən məsələni “Bakı-Xəbər”ə şərh edən politoloq Tural İsmayılov hesab edir ki, əldə olunan razılaşmalar Avropanın enerji təchizatında yeni bir səhifənin açılmasında önəmli rol oynayacaq: “Əvvəla, Prezident İlham Əliyev mütəmadi olaraq dünyanın nüfuzlu ölkələrinə səfərlər edir. Bu səfərlər Azərbaycanın beynəlxalq münasibətlər sistemində mövqelərini möhkəmləndirir. Ölkəmizin iqtisadi imkanları Qərbin enerji təhlükəsizliyinə danılmaz töhfələr bəxş edir. Cənab Prezidentin Bolqarıstan, Rumıniya, Macarıstan, Slovakiyanın ötürücü sistem operatorları və SOCAR arasında Anlaşma Memorandumunun imzalanmasından sonra çıxışlarında Azərbaycanın dünya enerji siyasətindəki yüksək mövqeləri haqqında açıqlamalarının xüsusi önəm kəsb edir. Azərbaycan Avropanın enerji mənbələrinin diversifikasiyasında və enerji təhlükəsizliyinin təmin olunmasında həlledici rola sahibdir. Qərbin enerji böhranları baş verməyə davam edir. Belə həssas dövrdə Azərbaycan Avropa üçün daha mühüm əhəmityyətə malikdir. SOCAR-ın bir neçə şirkətlə imzaladığı əməkdaşlığın təşviqinə dair Anlaşma Memorandumunun imzalanması dünya əhəmiyyətli layihədir. Bunun qlobal baxımdan töhfələri də danılmazdır. Əldə edilən iqtisadi dividendlər davam edəcək və hər ölkəyə kömək edəcək. Yanvar-may aylarında Azərbaycandan Avropa İttifaqına üzv ölkələrə 9 milyard 613,6 milyon dollar dəyərində məhsul ixrac edilib. Göstərici 2021-ci ilin müvafiq dövrü ilə müqayisədə 5 milyard 943,6 milyon dollar çoxdur. Beş ayda Aİ ölkələrindən Azərbaycana idxal edilən məhsulun dəyəri isə 797,4 milyon dollara yaxın olub. Bu layihələr isə Azərbaycanın Qərblə əlaqələrində vacib həlqəni formalaşdıracaq. İmzalanma mərasimində səslənən fikirlər bir daha sübut etdi iki, ölkəmiz Avropanın əhəmiyyətli və etibarlı enerji tərəfdaşı kimi özünü təsdiqləyib. Bu gün də Avropanın enerji bazarında Azərbaycan qazına tələbat durmadan artır. Təsadüfi deyil ki, “Həmrəylik həlqəsi”nin reallaşmasında ölkəmiz xüsusi həlledici rol oynayır. “Həmrəylik həlqəsi” ilə bağlı atılan addımlar TAP layihəsindən sonra Prezident İlham Əliyevin apardığı enerji siyasətinin yeni bir səhifəsi deməkdir. Əgər TAP vasitəsilə Azərbaycan qazı Yunanıstan üzərindən keçməklə İtaliyanı əhatə edirdisə, bu yeni layihələrin icrası ilə Azərbaycan 10-dan artıq Avropa ölkəsinin enerji təminatına töhfə verəcək. “Həmrəylik halqası”nın icrası Aİ ilə ölkəmiz arasında əlaqələri yeni mərhələyə daşımaqla yanaşı, Azərbaycan - Balkan ölkələri münasibətlərində də yeni səhifə açmaqdadır. Ölkəmiz postpandemiya dövründə Orta Asiyadan Ərəb coğrafiyasına, Qərbdən Şərqə doğru ən vacib tərəfdaşdır”.
Vidadi ORDAHALLI
