Ermənistanın ombudsmanı Anait Manasyan həbsdə olan azərbaycanlı hərbçilərlə görüşüb.
Azərbaycanlı hərbçilərdən birinə qolubağlı vəziyyətdə işgəncə verilməsi barədə kadrları sosial şəbəkələrdə yayan ermənilər indi də gülünc fikirlər yayıblar.
İddia olunub ki, ombudsmanla görüşdə azərbaycanlı əsgərlər işgəncələrdən şikayət etməyiblər. Ombudsman onların saxlanma şəraiti, hüquqlarına riayət olunması haqda məlumat alıb:
“İşgəncə və pis rəftarla bağlı həbs olunanların heç biri dövlət qurumları və məmurlardan şikayətçi olmayıb. Onlar lazımi şəraitlə, xüsusilə qida, içki, gigiyena vasitələri ilə təmin olunurlar. Zəruri hallarda onlara tibbi yardım göstərilir, onlarla pulsuz ictimai müdafiəçi və tərcüməçi işləyir”.
Hərbçimizin vəziyyəti göz qabağında olubsa, belə gülməli açıqlama ilə ermənilər nə demək istəyir?
Milli Qeyri Hökumət Forumunun prezidenti, hüquq müdafiəçisi Rauf Zeyni “Bakı-Xəbər”ə bildirdi ki, Ermənistan ombudsmanı Anait Manasyanın həbsdə olan azərbaycanlı hərbiçilərlə görüşündə çox qəribə bir vəziyyət yaranib: “Güya bizim hərbçilər onlara qarşı işgəncə olmadığı haqda, saxlanma şəraitlərinin yaxşı olmağı barədə məlumat veriblər. Saxlanma şəraitini başa düşdük. Amma işgəncə verməyiblər nə deməkdir? İşgəncə verilməsi haqqında videomateriallar bütün dünyaya yayılıb, indi isə məlum olub ki, onlara işgəncə verməyiblər? Mən bir şeyi demək istəyirəm. Ağır atletika üzrə Avropa çempionatında bayrağımızın yandırılması ilə bağlı hadisəni də buraya əlavə etsək, görünən budur ki, ermənilər daşnak olmaqdan xilas ola bilmirlər. Onlar daşnak düşüncəsindən güya uzaqlaşmaq istəyirlər, sonra yenə də həmin vəziyyətə qayıdırlar. Onlar üçün bu düşüncədən uzaqlaşmaq çox ağırdır. Bizim hərbçilər əsir düşən erməni hərbçilərə tibbi yardım göstərdilər. Hərbçi özü başa düşür ki, yaralıya kömək etmək lazımdır. Onun cəzası nə olacaq, ona məhkəmə nə hökm verəcək, o ayrı bir məsələdir. Amma faktiki olaraq bayraq yanldırılanda, hərbçilərə qarşı zorakılıq tədbiq olunanda, qeyri insani davranışlar nümayiş olunanda ombudsman niyə bəyanat vermirdi? Ermənistan ombudsmanı bəyanat verərdi ki, bizim hərbçilər düzgün etməyiblər. Ona görə də, mən demək istəyirəm ki, beynəlxalq hüquq normalarından, demokratiyadan, bəşəri dəyərlərdən danışmaq ermənilərin haqqı deyil. Çünki onlar bəşəri dəyərləri bütün dövrlərdə ayaq altına alıblar və heç vaxt da hörmət etməyiblər. Ona görə də bir bayrağa dözümsüzlük göstərən, əsir düşən əsgərə dözümzüslük göstərən millət sabah öz doğma yurdlarına köçən soydaşlarımıza necə münasibət bəsləyəcək? İkinci məsələ, ermənini başa düşdük, o ermənidir. Bəs dünya niyə buna susur? Dünya ictimaiyyəti niyə heç bir reaksiya vermir? Niyə Ermənistanda bizim bayrağımızın yandırılmasına, ordumuzun əsgərinin əsir düşüb işgəncə görməsinə öz münasibətini bildirmədi? Ona görə də biz də dünya ictimaiyyətinə, daşnak ictimaiyyətinə öz etirazımızı bildiririk. Getsinlər daşnak düşüncələrindən imtina etsinlər. Əgər bu gün bayrağımızı yandırırlarsa, hansı üzlə onlar bir müddət sonra Azərbaycanla müqavilə imzalayacaqlar? Kimdir bayrağımızı yandıran? Anna Akopyanın dizayneri. Ayıbdır, getsinlər ağılların başlarına toplasınlar”.
Məhəmmədəli QƏRİBLİ
