Avropa Ağır Atletika Federasiyası (EWF) aprelin 14-də İrəvanda Ağır Atletika üzrə Avropa Çempionatının Açılış Mərasimi zamanı Azərbaycan bayrağının yandırılması ilə bağlı bəyanat yayaraq ermənilərin hərəkətini pisləyib.
Bəyanatda deyilir ki, Ermənistan idmanşıların təhlükəsizliyini təmin etmək üçün əlavə ciddi tədbirlər görməlidir: “Avropa AAF 2023-cü il aprelin 14-də İrəvanda keçirilən Ağır Atletika üzrə Avropa Çempionatının Açılış Mərasimi zamanı bir nəfərin Azərbaycan bayrağını yandırması ilə nəticələnən hadisəni kəskin şəkildə pisləyir. EWF bu son dərəcə ciddi və təəssüf doğuran jesti idman dəyərlərinin bütövlüyünə və “Fair Play”-in universal prinsiplərinə hücum hesab edir. EWF baş verənlər kontekstində əlavə tədbirlərin görülməsini nəzərdən keçirəcək. EWF Azərbaycan Komandası və Federasiya ilə həmrəy olaraq qalır”.
Demək Atletika Federasiyası hesab edir ki, idmançılar üçün də təhlükə var. Eyni zamanda bu, Ermənistanın İdman Nazirliyinin bəyanatına tutarlı şapalaqdır. Çünki bizim bayraq yandırılmazdan öncə Ermənistanın həmin nazirliyi bəyanat vermişdi ki, Azərbaycan idmançılarının şəxsi təhlükəsizliyi üçün hər cür təminat var: “Ermənistan Respublikası əvvəldən bütün təhlükəsizlik standartlarını təmin edib və çempionatda iştirak etmək üçün İrəvana gələn ağır atletlərin təhlükəsizliyi ilə bağlı heç bir problem yaranmayıb və yarana da bilməz. Ermənistan Beynəlxalq Ağır Atletika Federasiyası qarşısında götürdüyü öhdəlikləri yerinə yetirməyə sadiq qalır”.
Ancaq Avropa AAF-nin məlum bəyanatı Ermənistan nazirliyinin o bəyanatına faktiki bir cavabdır ki, yalan deyirsiniz, təhlükə var. Yəni bununla, əslində AAF Ermənistanın idmançıların təhlükəsizliyi barədə bəyanatını yerə vurdu.
“Hesab edirəm ki, bunun fəsadları hələ uzun müddət bu ölkədə özünü göstərəcək”
Məsələyə münasibət buldirən siyasi ekspert Elşad Həsənovun fikrincə, Avropa AAF-ın məlum qərarı Ermənistan tərəfinin rəsmi bəyanatını qeyri-ciddi hesab edərək, bir növ ifşa etdi: “İrəvanda keçirilən Ağır Atletika üzrə Avropa Çempionatının Açılış Mərasimi zamanı idmançılarımıza qarşı erməni xislətinə uyğun şərəfsizlik, Avropa idmansrvərlərinin gözü qarşısında baş verdi. Həmçinin bu hadisə Ermənistan baş naziri və prezidentinin olduğu tədbirdə baş verdi. Bunu ancaq erməni şovinistləri və orada olan xəstə millətçi təxəyyülünə malik insanlar edə bilərdi. Onlar da bunu etdilər. Ona görə də Azərbaycan idman rəhbərliyi çox düzgün qərar qəbul edərək ismançılarımızı oradan çıxardı. İdmançılarımız yarışdan imtina edərək Azərbaycana qayıdıb gəldilər. Ermənilərin o cür mötəbər yarışda belə bir təxribata əl atmaları gözlənilən idi. Çünki ard-arda Qarabağ və Ermənistanla sərhəddə erməni tərəfi bir neçə təxribata əl atdı. Aprelin 11-də Dığ kəndi yaxınlığında Ermənistan ordusu Laçındakı mövqelərimizə hücum edərək təxribat törətdi. Daha sonra Şahbuz rayonunda yolu azaraq Ermənistan ərazisinə keçən əsgərimizə verilən işgəncə ilə bağlı video yayıldı. Bütün bunlar ard-arda olan təxribatlardır ki, bunu dünya gördü. Məlum olur ki, erməni tərəfi Azərbaycanla sülh şəraitində yaşamaq istəmir. Gör bunlar necə mənfur xislətə malikdilər ki, beynəlxalq idman tədbirində belə, hisslərinə hakim ola bilmirlər. Bir sıra dövlətlərin Azərbaycanla Ermənistan arasında münasibətləri düzəltməklə bağlı səy göstərmələrinə rəğmən, onlar öz xislətlərini ortaya qoyurlar. Ermənistanda 3 milyon nəfərə yaxın əhali yaşayır ki, onların böyük hissəsi xəstə təfəkkürə malikdir. Xəstə erməni ideologiyası ordakı insanların beynini, ruhunu zəhərləyib. AAF-ın bəyanatı Ermənistanı dünya qarşısında biabır etdi. Ermənistanın idman qurumu idmançıların təhlükəsizliyinin təmin olunması ilə bağlı bəyanat versə də, bu nəyisə dəyişə bilmədi. Bəlli oldu ki, Avropa idman qurumları Ermənistana təhlükəsizliklə bağlı etibar etmir. O üzdən bu, Ermənistanın imicinə beynəlxalq müstəvidə vurulan zərbə idi. Yəni əlavə tədbirlər görülməzsə, orada iştirak edən idmançıların təhlükəsizliyinə zəmanət yoxdur. Bunu Azərbaycan desəydi, o dəqiqə buna qərəzli yanaşardılar və görməzdən gələrdilər. Lakin mötəbər bir təşkilatın bunu qabartması çox ciddi siqnaldır. Hesab edirəm ki, bunun fəsadları hələ uzun müddət Ermənistanda özünü göstərəcək”.
Vidadi ORDAHALLI
