Azərbaycanın Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən azaraq itkin düşən azərbaycanlı hərbi qulluqçu Ermənistanda işgəncəyə məruz qalıb.
İşgəncə faktına münasibət bildirən ekspertlər deyirlər ki, dünyada ermənilər qədər qaniçən, faşist, nasist xislətli ikinci bir toplum yoxdur. Qəddarlıq, zalımlıq erməni xislətinə xasdır deyən ekspertlər qeyd edirlər ki, bu səbəbdən də onların bizim hərbi qulluqçu ilə normal rəftar edəcəyi gözlənilən deyildi. Bunların bütün qanunlara, qaydalara, başlıcası isə insanlığa yad olan davranışlarından azərbaycanlılar çox əziyyət çəkib. İnsanlığın, humanizmin, şərəfin nə olduğunu bilməyən ermənilərin davranışlarına dünya səssiz qalmalı deyil. Biz dünyadan tələb edirik ki, Azərbaycan hərbi qulluqçusu ilə qəddar davranışa görə Ermənistana sərt reaksiya verilsin. Beynəlxalq Qızıl Xaç Cəmiyyətinin də bu yerdə susması yolverilməzdir.
Ekspertlər ermənilərin azərbaycanlılarla, azərbaycanlıların isə ermənilərlə davranışını müqayisə edərək bildirirlər ki, ermənilər Azərbaycan hərbi qulluqçusuna şiddət göstərir, amma azərbaycanlılar əsir düşən ermənilərə qayğı ilə yanaşır, yaralarını sarıyır, müalicə edir, yeməklə, geyimlə təmin edir.
“Yaxşı olardı ki, məlum xarici təşkilatlar da öz münasibətlərini bildirsinlər”
Siyasi ekspert Rövşən Rəsulov bizimlə söhbətində bildirdi ki, baş verənlər erməni faşizminin iç üzünü bir daha ifşa edir.
“Azaraq Ermənistan ərazilərinə keçmiş Azərbaycan Ordusunun hərbi qulluqçusunun vəhşi işgəncələrə uğradığı videogörüntülər bir daha sübut edir ki, düşmən nə qədər qəddar, qansız və acımasızdır. Lakin bu xüsusda daha bir faktı demək istəyərdim ki, faşizm və gestapo ideologiyası yalnız Ermənistan ordusunda deyil, həmçinin, erməni cəmiyyətində də mövcuddur. Biz həmişə çalışmışıq ki, ermənilərin terror xisləti barədə danışarkən onu yalnız Ermənistanı idarə edən hakimiyyətlərə, həmçinin erməni ordusuna aid edək. Yəni müəyyən məsələləri nəzərə alaraq həmin xislətin bütöv bir xalqa, millətə aid edilməməsinə cəhdlər göstərmişik. Ancaq hazırda bizlər həmin videogörüntülərin şahidlərinə çevrildiyimiz zaman bir daha əmin oluruq ki, vəhşilik, qəddarlıq, terrorçuluq xüsusiyyətləri bu qaraçı tayfasının genindədir. İstər hərbçisi olsun, istərsə də mülkisi – onların dillərində bir söz var – “murdar türk”.
Bir Azərbaycan vətəndaşı olaraq inanıram və ümid edirəm ki, hərbçilərimizə qarşı baş verən vəhşiliklərlə bağlı müvafiq qurumlarımız, güc strukturlarımız dərhal hərəkətə keçməklə yanaşı, bu cinayətin səbəbkarlarını da hansı üsullarla olursa-olsun cəzalandırılmasına müvəffəq olacaqlar. Cinayət varsa, cəzası da olmalıdır və erməni qaniçənləri elə hesab etməməlidirlər ki, törətdikləri bu vəhşiliklərinə görə əl-qollarını sallaya-sallaya rahatlıqla gəzib-dolaşa biləcəklər. Necə deyərlər, onların başlarının üstü hər an, hər saniyə alına bilər və onda yaranacaq “peşmançılıq hissləri” üçün çox gec olacaq.
Daha bir faktı da xatırlatmaq istərdim. Xatırlayırsınızsa, bir müddət əvvəl, daha dəqiq desək, ötən il erməni tərəfi guya azərbaycanlı hərbçilərin erməni hərbçilərini “gülləbarana” tutmalarını əks etdirən saxta videogörüntülər yaymışdılar. Bir çox aparıcı araşdırma mərkəzlərinin sonradan gəldikləri rəylər həmin videonun yalan olduğunu və quraşdırılma səhnə olduğunu təsdiqlədi. Təəssüf ki, mənfur qonşularımızın bu əməlləri də gözləniləndir. Halbuki, istər müharibə vaxtlarında, istərsə də sonrakı dövrlərdə əsir düşmüş erməni hərbçiləri qəbul edilmiş konvensiyalara uyğun olaraq və rəsmi hərbi əsir statusu alaraq onlara lazım olan bütün yardımlar göstərilib. Sonradan isə onlar öz ölkələrinə geri göndəriliblər. Amma bizim əsirlərə qarşı hansı amansız işgəncələrin göstərildiyi barədə yüzlərlə video və foto faktlar var. Hazırda baş verən bu olay da həmin faktların birinə çevrilməkdədir. Yaxşı olardı ki, məlum xarici təşkilatlar buna öz münasibətlərini bildirsinlər. Bir erməninin həmsərhəd ərazilərdə burnu qanayan kimi Azərbaycana qarşı olmazın hücumlar təşkil edən bəlli beynəlxalq təşkilatlar, insan haqları qurumları bu olayı dərhal diqqətə götürsünlər və bəyanatlar versinlər. Əks halda belə təşkilatların da yersiz və lazımsız olduqları növbəti dəfə sübuta yetiriləcək.
Ümumiyyətlə, haqqında bəhs etdiyimiz mövzu hər bir vətəndaşımız üçün çox ağrılı və acı doğuran bir hadisədir və hesab edirəm ki, belə davam edə bilməz. Ermənistanın faşizm, gestapoçuluq, qəddarlıq ruhunda mövcud olan təhlükəli cəmiyyəti törədilən həmin cinayətlərinə görə artıqlaması ilə hüquqi, lazım gələrsə digər xarakterli cavablarını almalıdırlar”-deyə R.Rəsulov qeyd etdi.
Xatırladaq ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyası Azərbaycan Ordusunun itkin düşən iki əsgəri ilə bağlı beynəlxalq təşkilatlara müraciət edib. Bildirilib ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyası və digər aidiyyəti dövlət qurumları tərəfindən Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən Azərbaycan Respublikası Müdafiə Nazirliyinin itkin düşmüş əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu ilə bağlı zəruri axtarış və araşdırma işləri davam etdirilir.
İradə SARIYEVA
