11/07/2020 03:38
728 x 90

Məcburi köçkünlərin öz evlərinə qayıdacaqlarına Prezidentin mütləq inamının əsasları...

Rüfət Quliyev: “İşğal altında olan torpaqların geri alınması və məcburi köçkünlərin öz yurd-yuvalarına geri qayıtması Azərbaycan dövlətinin qarşısına qoyduğu əsas məsələlərdəndir”

img

Bakının Qaradağ rayonunda məcburi köçkünlər üçün salınmış “Qobu Park-3” yaşayış kompleksinin  açılışı olub. Açılışda Prezident İlham Əliyev də iştirak edib.  Komplekslə tanışlıqdan sonra Prezident İlham Əliyev və birinci xanım Mehriban Əliyeva bir qrup məcburi köçkünlə görüşüblər. Görüş zamanı Prezident İlham Əliyev məcburi köçkünlərin öz yurd-yuvalarına geri dönməsi haqqında da fikir bildirib.

Prezident qeyd edib ki, Azərbaycan öz ərazi bütövlüyünü bərpa edəcək: “2016-cı və 2018-ci illərdə uğurlu hərbi əməliyyatlar nəticəsində minlərlə hektar torpaq işğalçılardan azad edildi. Cocuq Mərcanlı kəndinin timsalında biz görürük ki, işğaldan azad olunacaq digər torpaqlarda hansı işlər görüləcək və hansı sürətlə görüləcəkdir. Biz Cocuq Mərcanlını uğurlu hərbi qələbədən sonra cəmi bir il ərzində yenidən qurduq və indi orada həyat qaynayır, köçkünlər öz doğma torpağına qayıdıblar. Bəzən belə fikirlər səsləndirilir ki, bəzi köçkünlər torpaqlar işğaldan azad olunandan sonra qayıtmaya bilərlər. Amma mən tam əminəm ki, bütün köçkünlər öz doğma torpaqlarına qayıdacaqlar, necə ki, Cəbrayıl köçkünləri. Onlar uzun illər başqa yerlərdə yaşayıblar, o cümlədən, Bakı şəhərində. Ancaq imkan olan kimi onlar hətta növbəyə durmuşdular ki, tezliklə öz doğma torpağına qayıtsınlar”.

Dövlət başçısının qeyd etdiyi kimi, bu gün məcburi köçkünlər öz yurd-yuvalarına geri dönməsi üçün torpaqların işğaldan azad olunmasını gözləyirlər.

Millət vəkili Rüfət Quliyev qeyd etdi ki, işğal altında olan torpaqların geri alınması və məcburi köçkünlərin öz yurd-yuvalarına geri qayıtması  Azərbaycan dövlətinin qarşısına qoyduğu əsas məsələlərdəndir: “Prezident birmənalı şəkildə qeyd edir ki, torpaqlar işğaldan azad olunacaq, əhali doğma yurdlarına qayıdacaq və orada infrastruktur bərpa ediləcək. Buna heç kimin şübhəsi olmasın”.

Həmsöhbətimiz onu da əlavə etdi ki, bəzi şəxslər iddia edirlər ki, torpaqlar işğaldan azad olunandan sonra məcburi köçkünlər həmin ərazilərə qayıtmayacaqlar: “Lakin son proseslər göstərir ki, bu ərazilərə qayıtmaq üçün növbəyə durulub. Cocuq Mərcanlı əhalisinin ora qayıtması buna bir misaldır. Torpaqlar  geri alınandan sonra həmin ərazinin sakinləri böyük sevinclə öz yurd-yuvalarına geri qayıdacaqlar”.

Millət vəkilinin sözlərinə görə, öz doğma yurd-yuvalarından didərgin düşmüş soydaşlarımızın mənzil-məişət şəraitinin yaxşılaşdırılması prioritet məsələdir: “Ölkə Prezidenti İlham Əliyevin və birinci xanım Mehriban Əliyevanın iştirakı ilə Bakının Qaradağ rayonunda məcburi köçkünlər üçün salınmış “Qobu Park -3" yaşayış kompleksinin açılışı da bu diqqət və qayğının tərkib hissəsidir. Yeni qəsəbə Lökbatanda istifadəyə verilən “Qobu Park-1” və “Qobu Park-2" yaşayış komplekslərinin yanında inşa edilib. Bütün bu yaşayış komplekslərinin inşası Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın təşəbbüsü ilə həyata keçirilib.

Müstəqilliyimiz əbədi, dönməz, sarsılmaz olmaqla yanaşı, işğal altındakı torpaqlarımız tezliklə azad ediləcək, soydaşlarımız öz doğma yurd-yuvalarına qayıdacaqlar”.

Günel CƏLİLOVA

Son xəbərlər