15/07/2020 04:50
728 x 90

Pandemiya dövründə bir sıra ölkələrdə kasıblar daha da kasıblaşdı, varlılar varlandı - Azərbaycanda isə... Qlobal pozitiv fərqliliyin daha bir təzahürü...

img

Pandemiya dövründə rusiyalı varlılar daha da varlanıb. Rusiya mətbuatının verdiyi məlumata görə,  onlar sərvətlərini daha 62 milyard dollar artırmağa nail olublar. Beləliklə, indi onların ümumi sərvəti 454 milyard dollara çatıb. Bu barədə “Forbes" yazıb. Nəşrin yazdığına görə, ən çox qazanan Vladimir Potanin olub. Onun sərvəti 6,4 milyard dollar artıb. Leonid Mixelsonun artıq qazandığı sərvət 5,4 milyard dollar olub. Siyahıda Aleksey Mordaşov və azərbaycanlı Vahid Ələkbərovun da adı var. Amerikalı milyarderlər isə sərvətlərini bu müddətdə 434 milyard dollar artırıb. Bu siyahya "Amazon"un yaradıcısı Ceff Bezos başçılıq edir - 34,6 milyard dollar.

Göründüyü kimi, pandemiya dövründə bir sıra ölkələrdə kasıbların daha da kasıblaması, varlıların isə varlanması təzahürü var. Bəs Azərbaycanda vəziyyət necədir?

  • “Bunun nəticəsində ölkənin fiskal dayanıqlığı lazımi şəkildə təmin olunur”
  •  

İqtisadçı ekspert Günay Hüseynova “Bakı-Xəbər”ə açıqlamasında bildirdi ki, koronavirus pandemiyası bütün ölkələrin iqtisadiyyatına öz təsirini müxtəlif şəkildə göstərdi:

“Razıyam ki, bəzi ölkələrdə varlılar daha da varlandı, kasıblar isə daha da kasıblaşdı. Dünyanın bir çox ölkələrində fəaliyyət göstərən iri müəsissələrdə kiçilmələr oldu, kiçik müəsissələr isə sıradan çıxdı. Ölkəmiz neftdən asılı ölkə olduğu üçün bunun fonunda həm də neftin qiymətinin kəskin aşağı düşməsi dövlət büdcəsinə öz təsirini göstərdi. Buna baxmayaraq, Azərbaycan hakimiyyəti özünün ehtiyat rezervlərindən maksimum istifadə edərək iqtisadiyyatımızı sabit tutmağa çalışıb. Bu xüsusda dövlətin iqtisadiyyatın bütün sahələri üçün təqdim etdiyi dəstək paketlərini göstərə bilərik. Bura iri və mikro sahibkarlığa göstərilən maddi dəstəyi, işsiz vətəndaşlara təyin olunan kompensasiyanı və digər mühüm proqramları aid edə bilərik. Yəni bu prosesdə Azərbaycan dövləti vətəndaşının yanında oldu. Dünyadakı varlı adamların daha da varlanmasını şərtləndirən başlıca amil texnoloji amillərlə bağlıdır. Cünki bu dönəmdə elektron ticarətə tələbat artdı. Kəskin varlanma da məhz bu sahələrlə bağlıdır. Azərbaycanın strateji valyuta ehtiyatları 52 milyard ABŞ dollarıdır. Bu da Ümumi Daxili Məhsulun həcmini 8 faizdən çox üstələyir. Bunun nəticəsində ölkənin fiskal dayanıqlığı lazımi şəkildə təmin olunur. İndiyədək 22.682 vergi ödəyicisinə, 199.449 nəfər müzdlü işçiyə dövlət büdcəsindən vəsait ödənilib. Bu da vətəndaşların zərərlərini minimum endirib. Bir sözlə, bu çətin dönəmdə Azərbaycan vətəndaşı taleyin ümidinə buraxılmayıb ki, kəskin kasıblasın”.

Məhəmmədəli QƏRİBLİ

Son xəbərlər