Avro dəyərini hansı həddə qədər itirəcək?

Tarix: 26.01.2015 / 10:13
Bölmə: İqtisadiyyat

Samir Əliyev: "Avronun ucuzlaşmasının müsbət təsiri yalnız ondan ibarətdir ki, Avropa malları Azərbaycanda ucuzlaşa bilər"

"Avronun ucuzlaşmasının Azərbaycana daha çox zərəri olacaq və bu, ilk növbədə manata münasibətdə özünü göstərəcək"

Avropa Mərkəzi Bankının mart ayından etibarən valyuta siyasətindəki dəyişikliklər barədə açıqlaması dünya bazarında avronun dəyərinə zərbə vurub. Bu açıqlamadan sonra avronun ucuzlaşması baş verib və onun dollara nisbəti 1,16-dan 1,12-ə düşüb. Bununla da avronun məzənnəsi son 11 ildə ən aşağı həddə düşüb.
Proqnozlara görə, avro ilin sonuna qədər dollarla bərabərləşə bilər. Bu proses paralel olaraq Azərbaycanda avronun məzənnəsinə təsir edib və bir avro manata nisbətdə 0,88 qəpik olub.
Dünya bazarlarında avronun ucuzlaşması Azərbaycanda da müşahidə edilib. Manat ABŞ valyutasına bağlı olduğundan, dolların avroya qarşı dəyişmə dinamikası manatda da baş verir. Bu gün ölkədə avronun manata qarşı rəsmi məzənnəsi təxminən 13 illik minimuma enib və 88,97 qəpik təşkil edib. Sonuncu dəfə 2002-ci ilin mayın 19-da avronun rəsmi məzənnəsi 4444,08 manat, yəni yeni pulla 88,88 qəpik olub. Avropa Mərkəzi Bankının qərarı avronu Azərbaycanda bir günə 1% ucuzlaşdırıb. Ümumiyyətlə isə, yanvar ayında avro manata münasibətdə 3,8% ucuzlaşaraq 1 manat üçün 92,45 qəpikdən 88,97 qəpiyə düşüb. Dünya bazarlarında avro dollara münasibətdə ucuzlaşdıqca, manata münasibətdə də ucuzlaşacaq.
Bəs avronun ucuzlaşması Azərbaycana nə verəcək?
İqtisadçı-ekspert Samir Əliyevin fikrincə, avronun ucuzlaşması hər şeydən əvvəl valyutadəyişmə məntəqələrində spekulyasiya hallarının artmasına səbəb olacaq. Onun sözlərinə görə, əhali əlində olan avronu dəyişmək üçün valyutadəyişmə məntəqələrinə üz tutacaq. Valyutadəyişmə məntəqələrində isə avronu daha aşağı məzənnə ilə dəyişməyə səy göstərəcəklər. Avronun ucuzlaşmasının müsbət təsiri yalnız ondan ibarətdir ki, Avropa malları Azərbaycanda ucuzlaşa bilər. Söhbət burda avtomobillərdən, məişət və ofis texnikasından, geyimlərdən və s. idxal mallarından gedir. Ancaq unutmaq lazım deyil ki, bu, nəzəridir. Çünki, bir qayda olaraq, dünyada qiymətlərin ucuzlaşması Azərbaycanda hiss olunmur. Ona görə də ciddi ucuzlaşmanın olacağı inandırıcı deyil".
Ekspert onu da əlavə etdi ki, avronun ucuzlaşmasının Azərbaycana daha çox zərəri olacaq və bu, ilk növbədə manata münasibətdə özünü göstərəcək: "Avronun ucuzlaşması manata təzyiqi daha da artıracaq. Əhali pulunu dollara çevirəcək ki, bu da bazarda dollar qıtlığı yaradacaq. Digər tərəfdən, bu valyutanın ucuzlaşması Avropada daşınmaz əmlak bazarının cəlbediciliyini artıracaq. Pullu vətəndaşlarımız, o cümlədən oliqarxlarımız Rusiyadan sonra köhnə qitənin daşınmaz əmlakına yatırım edə bilər ki, bu da investisiya axınına gətirib çıxaran faktordur. Digər mənfi təsirlərə gəlincə, deyə bilərəm ki, ixracımız üçün çətinlik yaranacaq. Düzdür, hazırda Azərbaycandan Avropaya ixracın 93 faizi neft sektorunun payına düşür. Ancaq qeyri-neft sektorunun inkişafını prioritet elan etmiş Azərbaycan üçün ucuz avro çətinlik yaradacaq.
Avropadan idxalımız artacaq, valyuta ehtiyatlarımızda həm depozit, həm də qiymətli kağız şəklində yerləşdirilən avro aktivləri dəyərini itirəcək, avro ilə yerləşdirilən əmanətlər dəyərini itirəcək. Hazırda əmanətlərin təxminən 4 faizini avro təşkil edir. Bu da təxminən 280 milyon manat edir. Deməli, söhbət yanvar ayında 11 milyon manatlıq itkidən gedir".
S.Əliyevin sözlərinə görə, artıq dünya yeni valyuta müharibəsinə qədəm qoyub. Yaponiya və ABŞ-ın ardınca Avropanın öz valyutasını ucuzlaşdırması bu müharibənin hələ çox davam edəcəyinə işarədir. Digər ölkələr də bu müharibəyə qoşulacaq. Ekspert hesab edir ki, ən azı Çin və Britaniyanı onların arasında görəcəyik. Azərbaycanın ətrafında olan bütün valyutalar ucuzlaşıb. Azərbaycan bazarı həmin ölkələr üçün çox cəlbedicidir. Manat isə hələlik sabitdir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...