Azərbaycan Neft Fondunun maraqlı planları: rubldan imtina edilməyəcək, 500 milyon Çinə yönəldiləcək...

Tarix: 26.01.2015 / 09:50
Bölmə: İqtisadiyyat

Son dövrlərdə Avropa iqtisadiyyatında yaşanan çətinliklər bura sərmayə qoyuluşlarına da təsirsiz ötüşmür. İnvestorlar baş verənlər fonunda diqqəti artıq fərqli bazarlara daha çox yönəldir. Söhbət əsas etibarı ilə Asiya bazarlarından gedir. Qərbdə davam edən maliyyə böhranı fonunda dünyanın digər regionlarının, xüsusilə də Cənub-Şərqi Asiya ölkələrinin investisiya cəlbediciliyi sürətlə artır.
Ekspertlər isə bildirir ki, digər investorlar kimi, artıq Azərbaycan da bu tendensiyaları nəzərə almağa və investisiya istiqamətini dəyişməyə məcburdur. Əslində, son 10 il ərzində dünya iqtisadiyyatında baş verən proseslər Asiya ölkələrinin investisiya yatırmaq baxımından sərfəli istiqamət olduğunu göstərir. Son maliyyə böhranı nəticəsində Avropa və Şimali Amerika iqtisadiyyatlarında kəskin enmə baş versə də, Asiya ölkələrinin əksəriyyətində əksinə, iqtisadi artım müşahidə olundu. Bütün bunlar Azərbaycanın investisiya siyasətinə təsirsiz ötüşmür. Məsələn, artıq bəllidir ki, Azərbaycan Dövlət Neft Fondu (DNF) aktivlərinin 500 milyon dollarını Çin valyutasına-yuana yatırır.
Dövlət Neft Fondunun prezidenti Şahmar Mövsümov Davos Forumunda iştirakı zamanı "Bloomberg" agentliyinə açıqlamasında deyib ki, fond həmçinin aktivlərinin bir hissəsini Asiya ölkələrində daşınmaz əmlaka yatıracaq. Məqsəd fondun portfelinin diversifikasiya olunmasıdır: "Ötən ilin sonlarında biz yuana nə qədər investisiya yatırmaq barədə kvotanı müəyyən etdik. Hazırda zəruri sənədlər hazırlanır və bu il biz 500 milyon dolları yuana yatıracağıq". DNF prezidenti deyib ki, Azərbaycan neft pullarının bir qismini də Yaponiya, Honkonq, Sinqapur və Çin kimi Asiya ölkələrində daşınmaz əmlaka yatırmağı planlaşdırır: "Biz hazırda əlimizdə olan aşağı gəlirli istiqrazları əvəzləmək üçün olduqca sadə aktivlər axtarırıq". Şahmar Mövsümov onu da deyib ki, hazırda Rusiya rublunun dəyərdən düşməsinə baxmayaraq, fond rublla saxlanan aktivlərini dəyişdirməyəcək: "Biz rublda invstisiyalarımızı saxlayacağıq. "Vneştorqbank"a yatırdığımız investisiya çox uzunmüddətli və strateji mahiyyət daşıyır. Biz hesab edirik ki, "Vneştorqbank"da qalmalıyıq, bu, Rusiyanın ən iri banklarından biridir".
Ş.Mövsümovun fikrincə, neftin qiymətləri ilin ikinci yarısında sabitləşəcək və əvvəlki mövqelərini bərpa edəcək. Neftin bu cür kəskin ucuzlaşmasını heç kimin gözləmədiyini deyən Ş.Mövsümovun sözlərinə görə, bu, Azərbaycan Dövlət Neft Fondunun aktivlərinin təxminən 3 milyard dollar azalmasına səbəb olacaq. O əlavə edib ki, fondda cəmləşmiş vəsaitlər Azərbaycana çətinliklərin öhdəsindən gəlməyə imkan verəcək. Qeyd edilənlərdən bir daha bəlli olur ki, Asiya bazarlarının Azərbaycan üçün cəlbediciliyi artır. Burada digər məqamlar da rol oynayır. Məsələn, artıq neçə ildir ki, inkişaf etmiş ölkələrdə büdcə kəsiri, dövlət borcları və bu qəbildən olan problemlər adi hala çevrilib. Avrozonada belə problemlər İtaliya, İspaniya, İrlandiya və digər ölkələrdə müşahidə olunur. Asiya ölkələrində isə oxşar problemlər, demək olar ki, yoxdur. Onların büdcə gəlirləri, valyuta ehtiyatları və digər əsas göstəricilərini nəzərə alanda Asiya ölkələri iqtisadi baxımdan daha sağlam görünür. Oxşar vəziyyət bundan sonra uzun müddət davam edəcək. Bundan başqa, investorlar üçün potensial gəlirlilik göstəricilərindən biri də ölkədə Mərkəzi Bankın uçot dərəcəsi sayılır. Bu göstəricilər həm qısamüddətli pul bazarındakı faiz dərəcələrinə, həm sabit gəlirli qiymətli kağızlar, həm də səhm bazarına təsir edir. Araşdırmalar göstərir ki, bu göstərici üzrə müqayisə də Asiya ölkələrinin xeyrinədir. Bu hal da onlara sərmayə yatırımları üçün əlavə stimul yaradır.
Azərbaycan ötən ildən Asiya bazarı ilə daha çox maraqlanır. Artıq məlumdur ki, ötən il ARDNF Cənubi Koreyanın paytaxtı Seul şəhərində yerləşən və dəyəri 447 milyon ABŞ dolları təşkil edən "Payn Avenyu A qülləsi" ofis kompleksini satın alıb. Seulda əldə edilmiş daşınmaz əmlak kompleksi Neft Fondu tərəfindən Asiya və Sakit okean hövzəsində həyata keçirilən bu tipli ilk investisiya olub. Seul Asiyada uzun müddət ərzində ofis sektorunda davamlı mənfəətliliyi ilə seçilən ən cəlbedici investisiya regionlarından biridir. Bu, güclü inkişaf etmiş daxili iqtisadiyyata və yüksək kapitallı maliyyə sektorunun mövcudluğuna əsaslanır. Bundan əlavə, Azərbaycan neft pullarının bir qismini də Yaponiya, Honkonq, Sinqapur və Çin kimi Asiya ölkələrində daşınmaz əmlaka yatırmağı planlaşdırır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...