Rusiya milli valyutasının məzənnəsi Moskva birjasında Yeni ilin ilk alqı-satqı sessiyasında dollar və avroya nisbətən yenidən ucuzlaşıb. Dolların kursu alqı-satqının ilk dəqiqələrində 3,3 rubl artaraq 1 dollar üçün 59,35 rubla , avronun qiyməti isə 71,97 rubla çatıb.
İkili valyuta səbəti daha 3,06 rubl artaraq 64,76 rubl səviyyəsinə çatıb.
Sonradan rublun məzənnəsi bir qədər də enib: saat 12:10 yaxın Moskvada bir dolların qiyməti 58,14 rubl, avro isə 69,78 rub.
İlk dəqiqələrdən rəsmi məzənnəyə nisbətən dolların qiyməti 3,11 rubl yuxarı, avronun qiyməti isə 3,58 rubl yuxarı olub.
Rusiya Bankı dekabrın 31-də bayram dövrü üçün – yanvarın 1-dən yanvarın 12-dək – dolların rəsmi məzənnəsini 56,24 rubl, avronun qiymətini isə 68,37 rubl səviyyəsində təyin edib.
Dolların məzənnəsinin düşməsi neftin qiymətlərinin enməsi fonunda baş verir – cümə günü yanvarın 2-i hərracının yekunlarına görə, Brent markalı benzinin qiyməti son 5,5 il ərzində ən aşağı həddə çatıb və 1 barelin qiyməti 56,42 dollar təşkil edib.
Bazar ertəsi neftin qiyməti enməkdə davam edib. London ICE Futures birjasında Moskva vaxtı ilə 10:30-a Brent benzini üçün fevral füçersi 0,98 dollar ucuzlaşaraq 1 barel üçün 55,44 dollar səviyyəsinə çatıb.
WTI markalı neftin fevral füçers qiyməti isə Nyu York əmtəə birjasında 0,97 dollar düşərək 1 barel üçün 51,72 dollara çatıb.
Ümumən 2014-cü ildə dollar 24 rubl, avro isə 23 rubl bahalaşıb. Ukrayna hadisələri, Qərbin Rusiyaya qarşı sanksiyaları və neftin ucuzlaşması fonunda ötən il ərzində rublun məzənnəsi düşüb.
15 və 16 dekabr artıq "qara bazar ertəsi” və "qara çərşənbə axşamı” kimi tarixə düşüb: dekabrın 15-də rubl birdəfəlik qiymətinin 10 faizini itirib.
Sabahısı "qara çərşənbə axşamı” günü rubl daha 5 faiz qiymətdən düşmüş və hərrac zamanı rublun dəyəri tarixi minimuma enmiş, dolların məzənnəsi isə 80 rubl rekord səviyyəsinə qalxmışdı.
Daha sonra Rusiya hökuməti rublun məzənnəsinin tənzimlənməsinə müvəffəq olub, lakin ekspertlərin bir çoxu bu vəziyyətin uzunmüddətliyindən şübhələnirlər.
