Azərbaycanın mənzil bazarından Rusiyaya böyük pul axını başlanır

Tarix: 24.12.2014 / 03:37
Bölmə: İqtisadiyyat

Azərbaycanın daşınmaz əmlak bazarında son dövrlərdə kifayət qədər maraqlı proseslər müşahidə olunur. Söhbət daşınmaz əmlak bazarından Rusiyaya yönələn maliyyə axınından gedir. Məsələ burasındadır ki, Rusiyada rublun dəyərdən düşməsi burada mənzillərin də qiymətinin xeyli aşağı düşməsinə səbəb olub. Belə vəziyyət Rusiya mənzil bazarını olduqca cəlbedici edir. Proses Azərbaycana iki istiqamətdə təsir göstərir.
Əvvəla, Rusiyada işləyib Azərbaycanda ev alan şəxslər artıq pullarını elə Rusiya ərazisində daşınmaz əmlaka xərcləyir. Bu da Azərbaycanın ev bazarında aktivliyi azaldır. İkinci bir tərəfdən, Azərbaycanda yaşayan bəzi şəxslər özləri də Rusiyada ev almağa meyllənir. Bu da Azərbaycanın daşınmaz əmlak bazarına mənfi istiqamətdə təsir edir.
Həm bunlar, həm də bazarın özündə durğunluq Bakıda mənzillərin ucuzlaşması ilə müşahidə olunur. "MBA" Konsaltinq və Qiymətləndirmə Şirkətinin məlumatına görə, təkcə noyabr ayında mənzillər təxminən 1% ucuzlaşıb. Şirkətin prezidenti Nüsrət İbrahimov bildirib ki, bunun səbəbi əmlak bazarında qiymətlərin həddindən çox şişirdilməsidir: "İndi bazardakı qiymətlərə uyğun alıcı olmadığına görə əmlak ucuzlaşır. Bu tendensiya oktyabr ayında da olub". Şirkətin məlumatlarına görə, oktyabr və noyabr aylarında Bakıda mənzillərin qiyməti hər ay 0,6% ucuzlaşaraq 1 kvadratmetr üçün 2065 dollara enib.
Daşınmaz əmlak bazarını araşdıran Əmlak Ekspert Mərkəzinin məlumatına görə isə, noyabr ayında Bakıda mənzillərin qiyməti dəyişməyib. Əvəzində, mənzillərin alqı-satqısı oktyabrla müqayisədə 12-13% azalıb. ƏEM-in direktoru Ramil Osmanlı "fins" portalına açıqlamasında bunu ipoteka kreditləşməsinin kəskin azalması, dövlət büdcəsində yaranmış kəsirlə əlaqədar söküntü işlərinə ayrılan pulun azalması ilə izah edir. Satışların azalmasının digər ciddi səbəbi isə evlərin guya ucuzlaşacağı barədə məlumatların yayılmasıdır: "Bu məlumatlara görə, alıcıların çoxu gözləmə mövqeyi tutur". Bundan başqa, R.Osmanlının sözlərinə görə, noyabr ayında qeyri-yaşayış sahələrinin qiyməti 3-4% azalıb. Səbəb təklifin artmasıdır. Lakin yuxarıda qeyd olunduğu kimi, Bakıda əmlakın ucuzlaşmasına Rusiyada baş verən iqtisadi proseslər ciddi təsir edib. Rublun məzənnəsi zəiflədiyi üçün qonşu ölkədə əmlakın qiyməti aşağı düşüb. Bəzi şəxslər bundan yararlanmaq üçün Bakıdakı əmlakı satıb həmin vəsaitlə Rusiyadan ucuz qiymətə əmlak almağa çalışır. Məsələn, Ramil Osmanlı deyir ki, Rusiyadakı vəziyyət Azərbaycanın daşınmaz əmlak bazarında təklifin artmasına səbəb olub.
Onun sözlərinə görə, son vaxtlar Rusiyada yaşayan, bu ölkədə biznes quran azərbaycanlılar Bakıdakı əmlaklarını, o cümlədən qeyri-yaşayış sahələrini satışa çıxarıblar. Bakıdakı əmlakın satılmasının isə 2 məqsədi var: Rusiyada rublun ucuzlaşması nəticəsində qiyməti aşağı düşmüş daşınmaz əmlaka pul qoymaq və vəsait çatışmazlığı problemini həll etmək, yəni biznesə pul yatırmaq.
Hazırda Rusiyaya tətbiq edilən sanksiyalar və bu ölkədə iqtisadiyyata olan inamın azalması əmlak bazarına birmənalı şəkildə mənfi təsir edir. Bu isə yenə Azərbaycanın daşınmaz əmlak bazarından Rusiyaya maliyyə axınının artmasına səbəb olur. Düzdür, belə vəziyyət Azərbaycanda da mənzil bazarında qiymətlərin enməsinə gətirib çıxarır. Digər tərəfdən, Rusiyadakı azərbaycanlıların bir çoxunun Bakıda bir neçə mənzili var və indiki halda o mənzillərdən ən azı birini satıb, Rusiyadakı bizneslərini böhrandan qorumağa çalışırlar. Bu da bazarda təklifin artmasına, tələbin azalmasına səbəb olur. Əvvəllər alıcıların əksəriyyəti Rusiyadan daxilolmalar hesabına ölkəmizdə mənzil bazarına üz tuturdu. Lakin indi əks proses baş verir. Ekspertlərə görə, burada psixoloji amillərin də təsiri var. İnsanlar qonşu ölkələrdə baş verənlərdən ehtiyatlanaraq əllərindəki pulu hər hansı sahəyə xərcləməkdən daşınırlar. Əksəriyyət hesab edir ki, gələn il ən çətin məsələ pul olacaq və bu baxımdan pullarını əllərində saxlamağa çalışırlar. Bu isə onu deməyə əsas verir ki, gələn il mənzil bazarında ucuzlaşma davam edəcək. İstisna edilmir ki, ucuzlaşma daha çox köhnə binalardakı təkrar bazara qayıdan mənzillərdə olacaq. İlkin mənzil bazarında isə qiymətlər əvvəlki kimi yüksək olaraq qalır. Maraqlıdır ki, ilkin mənzil bazarında sənədləşmə və kommunal xidmətlərlə təminat problemi mövcud olsa da, bu, mənzil fonduna olan tələbatı azaltmır. Çünki təklif, xüsusilə də münasib qiymətə, yəni kvadratı 800-900 manata olan təkliflər azalmağa başlayıb. Bu da, öz növbəsində, qiymətə təsir edir. Ən çox yeni tikililər, ötən dövrlərdə olduğu kimi, Yasamal rayonu ərazisindədir. Xətai və Nəsimi rayonları bu baxımdan sonrakı yerlərdə mövqelərini qoruyur. Qeyd edilən üç rayon üzrə tikintisi aparılan binaların ümumi tikinti portfelindəki payı bazarın üçdə ikisini təşkil edir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...