ABŞ İran İnqilab Keşikçiləri Korpusunu (Sepah) terrorçu qruplaşmalar siyahısına salmağa hazırlaşdığı iddia edilir.
Baki-xeber.com xəbər verir ki, “Wall Street Journal” adı açıqlanmayan ABŞ rəsmilərinə istinadən, Vaşinqtonun, İran Silahlı Qüvvələrinə bağlı İran İnqilab Keşikçiləri Korpusunu gələn həftə "xarici terror təşkilatları" siyahısına daxil edə biləcəyini yazıb.
ABŞ rəsmisi aylarla davam edən dəyərləndirmələrin nəticəsinə görə, qərarın bazar ertəsi günü açıqlanacağını bildirib.
Ağ Ev milli təhlükəsizlik məsləhətçisi Con Bolton və dövlət katibi Mayk Pompeonun Sepah tərəfindən Avropa və digər regionlarda aparılan ticarət fəaliyyətlərini əngəlləmək məqsədi daşıyan qərarı dəstəklədiklərini deyən rəsmi, Pentaqon və baş qərargah rəisi ordu generalı Cozef Dunfordun isə regiondakı ABŞ qüvvələrinə qarşı təhdidlərə yol aça biləcəyi təhlükəsini nəzərə alaraq qərara isti baxmadığını ifadə edib.
ABŞ Mərkəzi Kəşfiyyat İdarəsinin (CIA) səlahiyyətli şəxslərinin də, qərarın nəticələrilə əlaqədar narahat olduqları bildirilir. Bundan başqa, Pentaqondan, qərar açıqlandıqdan sonra gözlənilən cavab hücumlarına qarşı bölgədəki Amerika hərbi qüvvələrinə xəbərdarlıq etməyi planlaşdırır
ABŞ Dövlət Departamentinin keçmiş rəsmilərindən Cason Blazakis bu qərarın ciddi təsirlərinin olacağı ilə bağlı xəbərdarlıq edib.
Blazakis, qərar verildiyi halda ABŞ-ın ilk dəfə başqa bir ölkəyə bağlı qurumu terror təşkilatlarının siyahısını salacağını deyib: “Buna görə də qərarın ciddi nəticələri olacaq”.
ABŞ-ın İran İnqilab Keşikçiləri Korpusunu "xarici terror təşkilatları" siyahısına salacağı iddialarına sərt reaksiya verən İran, belə bir addım atılacağı təqdirdə ABŞ ordusunu terror təşkilatları siyahısına salacağı ilə təhdid edib. İran parlamentinin Milli Təhlükəsizlik və Xarici Siyasət Komissiyasının rəhbəri Haşmetullah Felahetpişe Sepah Vaşinqton tərəfindən" xarici terror təşkilatları" siyahısına salınacağı xəbərlərinə dair sosial media hesabından verdiyi açıqlamada, "ABŞ, İran İnqilab Keşikçiləri Korpusunu terror təşkilatları siyahısına daxil etdiyi təqdirdə bu ölkənin hərbi qüvvələrini terror təşkilatı İŞİD-ın yanında qara siyahıya alacağıq" - deyə bildirib.
