Amerikanın məşhur “New York Magazine” jurnalı son sayının üz qabığına prezident Trampın donuza bənzədilmiş şəklini yerləşdirib.
Baki-xeber.com-un xəbərinə görə, jurnalın şəklini nəşrin jurnalisti yaşar Əli özünün tvitter hesabında yerləşdirib. Şəklin üzərində isə “Nə gizli sui-qəsd, nə bacarıqsızlıq, nə də qəddarlıq. Hər şey korrupsiya ilə bağlıdır, kütbeyin” sözləri yazılıb.
Jurnalda yer alan məqalənin müəllifi Conatan Çayt “korrupsiya və tamahkarlığı” prezident Trampın əsas “məziyyətləri” olaraq göstərir.
Xatırladaq ki, bu, nəşrin Trampla bağlı ilk təhqiri deyil. Belə ki, daha öncə sözügedən nəşr onu “təhlükəli kloun” obrazında təqdim etmişdi.
