Liviyadan keçmiş Fransa prezidenti Nikolya Sarkoziyə 5 milyon avro gətirdiyini söyləyən liviyalı iş adamı Ziyad Takeddin Sarkozi ilə görüşünün yeni detallarını açıqlayıb.
Baki-xeber.com xəbər verir ki, bundan əvvəl Sarkozi, Takeddinlə görüşdüyü iddia edilən tarixlərdə ölkə xaricində olduğunu və heç kimlə görüşmədiyini deyib. Ancaq liviyalı iş adamı Sarkozinin dediklərini təkzib edir, onunla görüşdüyünü deyir: “O orada idi və onunla gördüm. O, pul dolu çamadanı aldı, bir kənara qoydu, hətta pulları saymaq istədi".
O, haqlı olduğunu sübut etmək üçün görüşün keçirildiyi məkanı, yəni Sarkozinin Xarici İşlər Nazirliyindəki otağını da təsvir etməyə hazır olduğunu deyib: "O yalan danışır. Onunla iki dəfə kabinetində görüşdüm. Bir dəfə də Liviyada görüşdüm. Sonra Klod Qeanın (seçki qərargahının rəhbəri) yanında ikinci dəfə gördüm. Danışıqlarda iştirak edən şahidlər də var".
Liviyanın devrilmiş lideri Müəmmar Qəddafinin oğlu Seyfulislam da, keçmiş Fransa prezidenti Nikolya Sarkozinin 2007-ci ildəki seçki kampaniyası üçün atası Qəddafidən pul aldığına dair əlindən ciddi faktlar olduğunu deyib. "Mən şəxsən Tripolidə Sarkozinin yaxın məsləhətçisi Klod Qeana pul verildiyinin şahidi olmuşam" – deyə o bildirib.
Seyfulislam Liviyadakı xaosun və ölkədə artan terror hadisələrinın də birbaşa əsas günahkarının da Sarkozinin olduğunu iddia edib.
Qeyd edək ki, bir neçə gün əvvəl Fransa polisi Sarkozini saxlayıb. O, Liviya hakimiyyəti tərəfindən 2007-ci ildə seçki kampaniyasının qanunsuz maliyyələşdirilməsi ilə bağlı aparılan istintaq çərçivəsində saxlanıb. Sarkozi ilə bərabər onun prezidentliyi dövründə bir sıra nazir postlarını tutmuş Bris Ortyefyo da saxlanılıb. N.Sarkozi və B.Ortyefyo sabiq prezidentin seçki kampaniyasının 2007-ci ildə Liviya tərəfindən qanunsuz maliyyələşdirilməsi ilə bağlı aparılan istintaq çərçivəsində saxlanılıb.
Küçmiş prezident iki gün dindirildikdən sonra sərbəst buraxılıb. Keçmiş dövlət başçısı korrupsiya və Liviyaya məxsus dövlət vəsaitlərinin gizlədilməsində ittiham edilir.
Liviya hakimiyyəti N.Sarkozinin prezident seçkiləri kampaniyasını maliyyələşdirdiyini ilə dəfə 2011-ci ilin martında bəyan edib. Liviyanın sabiq lideri Müəmmər Qəddafinin oğlu Seyfülislam Qəddafi "Euronews" telekanalına müsahibəsində həmin vaxt prezident postunu tutan N.Sarkozinin Liviya hökumətindən maliyyə yardımı almasını etiraf etməsini istəmişdi. Daha sonra Fransada müstəqil jurnalistlərin apardıqları araşdırma bu məlumatı təsdiqləyib. Vasitəçilər də istintaqa ifadələrində Liviyadan gətirilmiş bir neçə çamadan pulu N.Sarkozinin nümayəndələrinə verdiklərini bildiriblər. Söhbət 5 milyon avrodan çox puldan gedir. N.Sarkozi isə indiyə qədər bunu təkzib edib.
Eks-prezident indi də ona qarşı irəli sürülən bütün ittihamları rədd edir.
O, Liviyanın leçmiş lideri Müəmmar Qəddafinin kampaniyalarına maliyyə dəstəyi verdiyinə dair iddiaları rədd edərək, bu iddiaların həyatını cəhənnəmə çevirdiyini deyib. "Məni konkret bir sübut olmadan günahlandırırlar" deyə 63 yaşlı keçmiş Fransa prezidenti bildirir.
Sarkozi haqqındakı ittihamların "ciddi" olduğunu, ancaq ona böhtan atıldığını deyir. Fransız lider, iddiaların 2011-ci ildən bəri həyatını "cəhənnəmə" çevirdiyini söyləyib.
Sarkozi, Qəddafinin devrilməsi ilə nəticələnən əməliyyatda Fransanın roluna görə, ondan intiqam alınmaq istəndiyini deyib.
