Bu gün İran prezidenti Rəisinin Paşinyanla telefon söhbəti olub. Kimin təşəbbüs göstərdiyi açıqlanmır. Lakin ehtimal ki, təşəbbüs İran tərəfdən gəlib. Çünki İranın 11 sentyabrda başlanacaq Ermənistan - ABŞ təlimlərindən narahat olduğu şübhəsizdir.
İran prezidentinin müavini Cəmşidinin X sosial şəbəkədə yazdığı status bir çox nəticələri çıxarmağa və Rəisinin Paşinyana nə dediyini ehtimal etməyə əsas verir.
Cəmşidi yazıb ki, regionda bütün dəyişikliklər İran üçün qırmızı xəttdir: "3+3 formatından kənar xarici qüvvələrlə əməkdaşlıqlar, təlimlər, şübhəli səfərlər vəziyyəti mürəkkəbləşdirir" .
Hər şey aydındır. İran çox sevdiyi müttəfiqi Paşinyanın işlərindən təlaşa düşüb.
Namiq Quliyev
