Piyadaların iştirakı ilə qəzaları azaltmağın yolları bütün cəmiyyəti məşğul etməyə başlayır

Tarix: 17.12.2014 / 02:40
Bölmə: Sosial

İlqar Hüseynli: "Hazırda qaydaları pozanlar ən çox piyadalar olduğu üçün cərimə məbləğinin artırılmasına ehtiyac var"

"Piyadaların avtomobillərin yüksək sürətlə hərəkət etdiyi yola keçməməsi üçün həmin əraziyə xüsusi sədlər çəkilməlidir"

Bu günlərdə Daxili İşlər Nazirliyinin (DİN) Baş Dövlət Yol Polisi İdarəsi (BDYPİ) onları narahat edən əsas məqamları açıqlayıb. BDYPİ-nin İctimaiyyətlə əlaqələr şöbəsinin rəisi, polis polkovniki Kamran Əliyevin mətbuata açıqlamasına görə, Azərbaycanda əsasən piyadalarla bağlı məsələlərə xüsusi diqqət yetirilməlidir:
"Həm maarifləndirmə işləri aparılmalı, həm də mümkün yerlərdə elə yol qurğularından istifadə edilməlidir ki, piyadaların qaydanı pozmağa, sadəcə, fiziki imkanı olmasın. Bunun üçün müəyyən yol qurğularından istifadə etmək olar. Yolların hərəkət hissəsini ayırıcı zolaqlar, eləcə də metal, şüşə və ya digər materiallardan çəpərlərin çəkilməsi ilə ayırmaq olar. Elə yerlər var ki, orada nəqliyyatın hərəkətinə mane olan səbəblərin aradan qaldırılması istiqamətində müəyyən işlər görülməlidir ki, sürücülər və yaxud piyadalar istəsələr belə, orada qayda pozuntusuna yol verə bilməsinlər".
Şöbə rəisi bildirib ki, ölkədə piyadaların vurulması halları ümumi hadisələrin təxminən 36-38 faizini təşkil edir ki, bu da çox yüksək və narahatedici göstəricidir: "Azərbaycanda həmişə ən çox qəzalar məhz piyadaların vurulması ilə bağlı olur. Bu il piyadaların vurulması ilə nəticələnən 917 yol qəzası baş verib. Nəticədə 344 nəfər ölüb, 644 nəfər isə yaralanıb".
Sosial sahə üzrə ekspert İlqar Hüseynli hesab edir ki, piyadaların vurulması ilə bağlı yol-qəza hadisələrinin sayının artması əhali arasında düzgün təbliğat aparılmasını aktuallaşdırır: "Yol hərəkəti qaydalarını pozan piyadalar hazırda 20 manat məbləğində cərimə olunur. Lakin bu məbləğ inzibati təsir baxımından kifayət qədər effekt vermir. Ona görə də piyadalara qarşı cərimələrin məbləğinin artırılmasına ehtiyac var. Cərimələr məqsədə çatmaq üçün yalnız inzibati təsir vasitəsidir. Bütün hallarda inzibati metodlar həmişə öz müsbət təsirini göstərir. Sadəcə, vaxt getdikcə, cərimələrin məbləğinin qaldırılmasına ehtiyac duyulur. Hazırda qaydaları pozanlar ən çox piyadalar olduğu üçün bəlkə də müəyyən müddətə piyadalar tərəfindən qayda pozuntusuna görə cərimə məbləğini daha çox qaldırmaq lazımdır. Məncə, bu sahədə vəziyyət normallaşmayanadək bu cərimələr yüksək olmalıdır. Biz həmişə deyirik ki, bəlkə inzibati tədbirlərdən çox maariflənməyə, təbliğata üstünlük verək və veririk. Amma inzibati tədbirin təsiri səmərəsini daha tez verir.
Piyadalar bəzən elə fikirləşirlər ki, yolu tez bir zamanda rahat şəkildə keçər və ona heç nə olmaz. Amma piyada düşünmür ki, qəza hadisəsi baş verərsə, avtomobillə toqquşmada ən çox ziyan çəkən özü olacaq. Çünki hərəkətin ən zəif qorunan iştirakçıları həmişə piyadalar olub. Yəni avtomobilin metal örtüyü istər sürücünü, istərsə də sərnişini müəyyən zərbələrdən qoruyur, amma piyadanı heç nə qorumur. Ona görə də ən çox ölümlə nəticələnən hadisələr də piyadaların vurulması ilə baş verən yol qəzalarıdır".
İ.Hüseynli onu da əlavə etdi ki, piyadaların avtomobillərin yüksək sürətlə hərəkət etdiyi yola keçməməsi üçün həmin əraziyə xüsusi sədlər çəkilməlidir: "Ya dəmir lövhələr qoyulmalı, ya da piyadaya maneə yaradan vasitələr həmin əraziyə qoyulmalıdır ki, magistral yoldan deyil, keçidlərdən istifadə etsin".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...