Torpağı itirib, sonra geri almaq mümkündür, şərəf isə bir dəfə itirilir!
Ermənistan dünyada qanun-qaydaların zəif olduğu, rus imperiyasının yarstdığı dərəbəylik dönəmində Azərbaycan xalqına qarşı o qədər qan donduran cinayətlər törədib ki, həmin cinayətlərin bədəlini verməli olsalar, dünyada "Ermənistan" adlı bir dövlət olmayacaq.
İndiyə qədər Ermənistanı rus imperiyasi öz məqsədləri üçün qoruyub, işinə yarayanda da ondan istifadə edib. Dünya düzəni "qara işlər"də rus imperiyasından istifadə edirdi, ruslar isə öz "qara işlər"ində ermənilərdən istifadə edirdi. İndi isə Ermənistan bir vasitə, alət olaraq əl dəyişir. Qərblə Amerika və Rusiya arasında bu "gözəl qız" üstündə dava gedir. Hər halda, indi Qərb və Amerikanın əli güclüdür.
Ona görə də Ermənistan onlara sığınmaqda fayda görürlər. Çünki yalnız yaxın tarixdə törətdiyi cinayətlərə görə Ermənistan müstəqil yaşaya bilməz. Ermənilər Azərbaycana vurduqları zərərin maddi kompensasiyasını versələr, ölkənin tən yarısını satmalı olacaqlar.
Ona görə də cəmiyyət çox ciddi bir xof altındadır. Bir tərəfdən də müharibədə biabırçı məğlubiyyət erməni cəmiyyətinin olmayan qürurunu, şərəfini sarsıdıb. Təsəvvür edin, Ermənistan parlamentində "Mənim şərəfim var" fraksiyasi mövcuddur. Belə adlar havadan yaranmır, cəmiyyətdə olmayan dəyərlərin adı tez-tez yad edilir, nələrəsə qoyulur. Diqqət edirsinizsə, 30 illik işğal dönəmində itirdiyimiz torpaəlardakı toponimlərin sərəfinə nə qədər ad qoyduq. "Qarabağ" futbol klubu, "Şuşa", "Laçin", "Zəngilan", "Ağdam", "Qubadlı", "Kəlbəcər" və s. adlarda nə qədər restoranlar, ticarət obyektləri açıldı. Çünki bizim bunlara əlimiz çatmırdı, müvəqqəti olsa da onlar bizim deyildi. İndi də ermənilər parlament fraksiyasına "Mənim şərəfim var" adı qoymaqla özlərini ovundururlar, necə ki, biz 30 il ovunduq. Amma bir fərq var ki, vətən torpağını itirib, 30 ildən sonra geri qaytarmaq olur, sərəf isə itəndən sonra onu geri qaytarmaq mümkün deyil.
Bütün bu mənəvi psixoloji sarsıntılara bir əlavəni də prezidentin sözləri qatıb.
Erməni cəmiyyətini Azərbaycan Prezidenti İlham Əliyevin Qərbi azərbaycanlıların beynəlxalq konfransında dediyi bu fikirlər yaman qorxuya salıb: "Ermənistan Qərbi Azərbaycan İcması ilə danışıqlara başlamalı və Qərbi azərbaycanlıların fundamental hüquqlarının bərpası üçün əməli addımlar atmalıdır".
"Bundan başqa, Ermənistan "xalqımıza məxsus tarixi-mədəni irsin məhv edilməsi və təhrif olunması" ilə bağlı vəziyyəti izləmək və bu sahədə əməkdaşlıq etmək üçün YUNESKO-nun faktaraşdırıcı missiyasının səfərinə icazə verməlidir", - Əliyev deyib.
Bunlar çox ciddi iddialardir. Azərbaycanlıların son köçundə indiki Ermənistan ərazisindən 300 mindən çox soydaşımız qovulub. Həmin qaçqınlara Ermənistan SSR-in verdiyi pasportlar Azərbaycan Daxili İşlər Nazirliyinin arxivində saxlanılır. Azərbaycan hökuməti və Qərbi Azərbaycan İcması Beynəlxalq Cinayətlər Məhkəməsində bu məsələ barədə də cinayət işi qaldırıb.
Bu gün Ermənistan Suriyadan, Livandan və s. ölkələrdən gətirilərək işğal dövründə Qarabağda qeyri-qanuni məskunlaşdırılmış 85 min erməninin geri qayıtmasını tələb edir. Azərbaycanı onlara görə irqi ayrıseçkilikdə, etnik təmizləmədə günahlandırır. Belədə isə son köç dalğasında ölkədən 300 mindən cox Ermənistan vətəndaşi olan etnik azərbaycanlıları qovublar. Bunu ermənilər heç vaxt inkar edə bilməz.
Bununla yanaşı, indiki Ermənistan ərazisində minilliklərlə azərbaycanlılar yaşayib, orada mədəni-tarixi abidələrimiz olub. Həmin abidələr ermənilər tərəfindən darmadağın edilib, ölkə ərazisində saxta abidələr "əkilib" və ya Azərbaycan xalqına məxsus abidələr saxtalaşdırılaraq erməniləşdirilib. Dünya muzeylərində və arxivlərində həmin abidələrin foto-şəkilləri və rəsm tabloları indi də saxlanılır. Ermənilər bunu da inkar edə bilməz. Ona gôrə də ermənilər YUNESKO-nun faktaraşdırıcı missiyasının ölkəyə bu məqsədlə səfərinə icazə vermir. Prezidentin bu tələbi isə onları qorxuya salır.
Qarşıda erməniləri və Ermənistanı məşəqqətli haqq-hesab günləri gözləyir. Ən ədalətli hakim olan zaman onları Qafqaza köçdüklərinə peşman edəcək.
Akif NƏSİRLİ
