Avro ucuzlaşır, bizə nə?...

Tarix: 23.01.2015 / 01:23
Bölmə: İqtisadiyyat

Oqtay Haqverdiyev: "Avronun ucuzlaşmasının başqa səbəbi də var"

"Əhalinin əmanətlərini banklara üç valyutada yatırması daha məqsədəuyğundur"

Azərbaycanda avronun məzənnəsi ən aşağı həddə düşüb. Belə ki, son məlumatlara görə, 1 avro 0,907 manatdır.
Bu, avro dövriyəyə buraxılandan indiyədək, yəni son 13 ildə Avropa valyutasının manat qarşısında ən aşağı məzənnəsidir.
Qeyd edək ki, Avropa Birliyindəki iqtisadi problemlər səbəbindən son dövrlər avro sürətlə ucuzlaşır. 2014-cü ildə avronun Azərbaycan manatına nisbətən məzənnəsi 11,67% aşağı düşüb. 2015-ci ildə isə avronun ucuzlaşması daha da sürətlənib. İlin əvvəlindən ötən cəmi 20 gün ərzində avronun məzənnəsi 4,75% azalıb. Qeyd edək ki, avronun Azərbaycanda ən yüksək rəsmi məzənnəsi 2008-ci il aprelin 23-də qeydə alınıb və 1,3235 manat olub.
Ümumilikdə avronun ucuzlaşması bundan sonra da davam edəcəkmi?
Sözügedən məsələni dəyərləndirən iqtisadçı-ekspert Oqtay Haqverdiyev avronun ucuzlaşmasını müxtəlif amillərlə əlaqələndirir. Onun fikrincə, son günlər avronun kəskin enişinin əsas səbəblərindən biri Yunanıstanda siyasi böhranın dərinləşməsidir: "Avropa İttifaqı və Beynəlxalq Valyuta Fondu Yunanıstana 10 milyardlarla avro həcmində yardımları yalnız dövlət xərclərinin kəskin azaldılması əvəzində verir. Avronun ucuzlaşmasının başqa səbəbi də var. Avropa Mərkəzi Bankının prezidenti Mario Draghi son müsahibələrində deyib ki, avrozonada deflyasiyadan narahatdır və iqtisadiyyatı stimullaşdırmaq üçün əlavə tədbirlər paketi hazırlamaq yönündə daha ciddi düşünür. Bu müsahibədən sonra biznes adamlarında əminlik daha da artıb ki, yeni tədbirlər avronun daha da dəyərdən düşməsinə təkan verə bilər. Bundan başqa, ABŞ Mərkəzi Bankının faiz dərəcələrini yenidən qaldırması ehtimalının artması da avronun məzənnəsinə mənfi təsir edir. ABŞ faiz dərəcələrini qlobal maliyyə böhranı başlanan kimi aşağı salmışdı".
Müsahibimizin fikrincə, Azərbaycanın avroda saxlanan rezervləri böyük həcmdə deyil: "Cəmi 20-30 faizlik valyuta ehtiyatına müəyyən problemlər yarana bilər. Baş verən itkiləri kompensasiya etmək üçün Mərkəzi Bank və Dövlət Neft Fondu bir sıra addımlar atır. Artıq müxtəlif valyutalardan ibarət səbət yaradılıb. Bundan başqa, ötən ildən başlayaraq həm qızıla, həm də daşınmaz əmlaka yatırımlar qoyulur. Bununla Azərbaycan valyuta ehtiyatlarını qorumağa çalışır. Əhalinin əmanətlərini banklara üç valyutada yatırması daha məqsədəuyğundur. Azərbaycanda dolların məzənnəsi artdığı halda, avroda müəyyən dəyişikliklər nəzərə çarpır.
Banklara avroda əmanət yatıran vətəndaşların vəziyyətdən daha az itki ilə çıxması üçün pullarını dollar, avro və manat şəklində saxlaması daha yaxşı olar. Burada manat, dollar və avronu nəzərdə tuturam. Çünki birinin məzənnəsi qalxıb, digərininki aşağı düşəndə bir-birini kompensasiya edə bilirlər".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...