Rubl Azərbaycanın daşınmaz əmlak bazarına daha çox təsir göstərməyə başladı

Tarix: 23.01.2015 / 01:21
Bölmə: İqtisadiyyat

Görülən bütün tədbirlərə baxmayaraq, Rusiyada milli valyuta növbəti dəfə dəyər itirməyə başlayıb. Dollar və avro növbəti dəfə rublla müqayisədə bahalaşıb. İndi banklarda və valyutadəyişmə məntəqələrində bir dollar 65.6, avro isə 75.8 rubl olub. Qeyd edək ki, bu, yanvarın 17-dən sonra ən böyük ucuzlaşma sayılır. Yanvarın 17-də 1 dollar 65.17 rubla qalxmışdı. Neftin bir barrelinin qiymətinin dünya bazarında ucuzlaşması ilə bağlı rublun bir az da dəyər itirəcəyi istisna edilmir.
Ümumiyyətlə, yaxın günlər ərzində rublla bağlı yeni gərgin vəziyyətin hökm sürməsi istisna edilmir. Rusiya pulunun dollar və avro qarşısında əvvəlki kimi dəyər itirməkdə davam edəcəyi proqnozlaşdırılır. Rusiyanın keçmiş maliyyə naziri Aleksey Kudrin isə rublla bağlı daha qorxulu proqnozlar verir. Onun sözlərinə görə, rublun beynəlxalq hesab vahidi kimi əvvəlki etibarını qaytarmaq üçün Rusiyaya on ildən çox vaxt lazımdır: "Biz iqtisadiyyatımızda islahatlar apara, bir neçə ildən sonra sanksiyaların ləğv olunmasına nail ola bilsək, onda Rusiya əvvəlki statusunu özünə qaytara və hətta onu gücləndirə bilər, lakin bunun üçün on il və ya daha çox vaxt lazımdır". O qeyd edib ki, rublun devalvasiyasından sonra beynəlxalq hesab vahidi kimi ona etibar aşağı düşüb: "İstənilən hesab vahidi çox stabil olmalıdır ki, biz müxtəlif ölkələrin mallarının qiymətini müqayisə edə bilək. Valyuta qeyri-sabitdirsə, malların qiymətini belə valyuta ilə ölçmək çox çətindir. Odur ki, hətta bizim beynəlxalq ticarətdə, qonşularımızla hesablaşmalarda, çox böyük ehtimalla, dünya valyutaları ilə - avro, dollar, ola bilsin ki, hətta funt ilə hesablaşmalar artacaq".
Rublun dəyər itirməsi MDB ölkələrinə də təsirsiz ötüşmür. Bu təsirlər isə özünü müxtəlif formalarda büruzə verir. Məsələn, rubl ölkəmizdə daşınmaz əmlak bazarında aktivliyin xeyli aşağı düşməsinə səbəb olub. Belə ki, rublun dəyərdən düşməsi Rusiyada daşınmaz əmlakın ucuzlaşması ilə müşahidə olunur. Bu isə postsovet ölkələri vətəndaşlarını hərəkətə keçirib. Ötən illə müqayisədə Rusiyada qiymətlərin təxminən 50 faiz ucuzlaşdığı bildirilir. Mənzilləri əsasən xarici vətəndaşlar alır. Əsas müştərilər azərbaycanlılar, qazaxlar və özbəklərdir. Belə vəziyyət Azərbaycanın özündə daşınmaz əmlak bazarında aktivliyi aşağı salır və potensial alıcılar daha çox Rusiya bazarlarına üz tutur. Prosesin hələ bir müddət davam etməsi proqnozlaşdırılır.
Digər tərəfdən, artıq bilindiyi kimi, rublun dəyərdən düşməsi Rusiyadan Azərbaycana göndərilən vəsaitlərin də həcminin azalmasına gətirib çıxarır. Qarşıdakı müddətdə miqrant pullarının daha da azalacağı istisna edilmir. Bu hal ölkənin bank sektoruna da ciddi təsir edəcək. Çünki banklar pul köçürmələrindən xeyli qazanc əldə edirdi. Lakin indi vəziyyət dəyişir. Rublun dəyərdən düşməsi Rusiyada, həmçinin, ərzaq inflyasiyasını da gücləndirir. Bunun nəticəsində, manatın möhkəmlənməsinə rəğmən, Rusiyadan Azərbaycana ərzaq inflyasiyası idxal edilir. Nəzərə alaq ki, Azərbaycanın ərzaq idxalında Rusiya ciddi paya malikdir. Digər tərəfdən, Rusiya bizim əsas ticarət partnyorlarımızdandır. Bu fonda rublun ucuzlaşması şimal qonşularımızdan gələn idxalın həcminin artmasına səbəb olacaq. Çünki manatın bahalaşması hesabına bu ölkədən gətirilən mallar xeyli ucuz olacaq ki, bu da yerli istehsalın rəqabət qabiliyyətini azaldır. Qeyd edək ki, Azərbaycanın idxalının təxminən dörddə biri məhz Rusiyadan gəlir. Bütün bunlar bir daha təsdiq edir ki, rubl ətrafında baş verənlər təkcə Rusiyaya yox, MDB-nin digər ölkələrinə, o cümlədən Azərbaycana da təsir edir. Onu da bildirək ki, ölkəmizdə əhalinin bir hissəsi banklara əmanətlərini rus rublu ilə yatırıb. Gözlənir ki, rubl ucuzlaşmaqda davam edərsə, rublla əmanət yatıranlar daha çox zərər görəcək.
Başqa bir məqam da odur ki, MDB ölkələrindən olan əmək miqrantları rublun kəskin dəyərdən düşməsi nəticəsində Rusiyanı kütləvi tərk edir və bura soydaşlarımız da aiddir. Ekspertlər deyir ki, yaxın vaxtlarda rublun kursu yüksəlməsə, Rusiyada əmək miqrantlarının sayı kəskin azalacaq. Araşdırmalar göstərir ki, 1998-ci ildə yaşanan defoltdan sonra ən dramatik iqtisadi böhranın yaşandığı indiki günlərdə işçi miqrantlar üçün qazanc dalınca Rusiyaya getmək artıq sərfəli deyil. Onların qazandığı pullar sürətlə dəyərdən düşür. Ticarətlə məşğul olanlar isə rublun kursunun kəskin dəyişməsindən ciddi ziyana düşür.
Digər tərəfdən, 2015-ci il yanvarın 1-dən etibarən Rusiyanın miqrasiya qanunvericiliyində dəyişikliklər qüvvəyə minib. Bu dəyişikliklərə görə, Rusiyada işləmək icazəsi almaq üçün bütün əmək miqrantları rus dilini, Rusiya qanunvericiliyinin əsaslarını bilməlidir. Miqrantların Rusiyadan kütləvi axınını sürətləndirən amillər arasında tikinti mövsümünün başa çatması, kənd təsərrüfatında işlərin dayanması da yer alır.

DİGƏR XƏBƏRLƏR

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...