Azərbaycana avtomobil idxalı yenidən artacaq

Tarix: 22.01.2015 / 01:50
Bölmə: İqtisadiyyat

Maşın bazarında son vəziyyətin təhlili burada hələ də durğunluğun davam etdiyini göstərir. Avtomobil kredit şərtlərinin ağırlaşması ilə yanaşı, qiymətlər də bu prosesə təsirsiz ötüşmür.
Lakin proseslər hazırda qiymətlərin nəzərəçarpacaq dərəcədə aşağı düşə biləcəyini istisna etmir. Söhbət ilk növbədə Avropadan, xüsusən də Almaniyadan gətirilən və ölkəmizdə də kifayət qədər dəbdə olan avtomobillərdən gedir. Beynəlxalq bazarlarda avronun dollar qarşısında 11 ilin ən aşağı səviyyəsinə düşərək ucuzlaşması, digər sahələr kimi, maşın istehsalına da təsirsiz ötüşməyib. Bu hal Avropanın ixracında da özünü göstərir. Avronun ucuzlaşması ölkəmizə bu valyuta ilə idxal olunan malların ucuzlaşaması ilə müşayiət olunur.
Azərbaycana avro ilə idxal olunan ən əsas məhsullardan biri isə avtomobillərdir. Avronun ucuzlaşması ölkəmizə Avropadan gətirilən avtomobillərin qiymətlərinin dərhal aşağı düşməsinə səbəb olmasa da, ekspertlərə görə, qarşıdakı aylarda özünü büruzə verəcək. Çünki avtomobil dilerlərinin hazırda aldıqları avtomobillər bir neçə ay əvvəl sifariş verilib. Bu gün verilən sifarişlər üzrə qarşıdakı aylarda idxal olunacaq avtomobillərdə isə ucuzlaşma qaçılmaz sayılır. Məsələn, ölkəmizə ötən ilin yayında dəyəri 20 min avro olan avtomobili idxal etmək üçün 21400 manat tələb olunurdusa, indi cəmi 18120 manata 20 min avronu almaq mümkündür. Belə bir vəziyyət həm də ilin əvvəlindən aksiz vergisinin dərəcəsinin artırılması ilə avtomobil qiymətlərində gözlənilən qiymət artımının qarşısını ala bilər.
Analitiklər isə, "marja"nın məlumatına görə, avronun daha da ucuzlaşacağını gözləyir. Belə ki, avro bölgəsində inflyasiyanın yüksəldilməsi üçün Avropa Mərkəzi Bankı dövriyyəyə daha çox avro buraxmaq niyyətindədir. Bu halda avronun, dollarla yanaşı, manat qarşısında da dəyərdən düşməsi qaçılmaz sayılır. Avronun ucuzlaşmasının Azərbaycanın ixracına mənfi təsirinə gəlincə isə, bunun ciddi hiss olunmayacağı gözlənir. Azərbaycanın əsas ixrac məhsulları olan neft və neft məhsulları dollarla ixrac edildiyindən, ixracın ciddi azalacağı gözlənilmir. Lakin yuxarıda qeyd olunduğu kimi, Avropadan gələn məhsullar, o cümlədən maşınlar ucuzlaşacaq. Bu vəziyyətdə ölkəyə gətirilən maşınların sayında yenidən artım yaşana bilər. Xatırladaq ki, ötən il Azərbaycana avtomobil idxalı 2013-cü ilə nisbətən 40% az olub. Ötən il ölkəyə 63 368 avtomobil idxal edilib ki, bu da əvvəlki ilə nisbətən 39,3% azdır.
Ən böyük azalma minik avtomobillərinin idxalında qeydə alınıb. 2014-cü ildə Azərbaycana cəmi 57,6 min minik avtomobili gətirilib ki, bu da əvvəlki ildən 47 min ədəd azdır. Amma azalma bütün avtomobil növdərində baş verib. Belə ki, ölkəyə gətirilən həm avtobusların, həm yük maşınlarının, həm də xüsusi nəqliyyat vasitələrinin sayı azalıb. Lakin avronun dəyərdən düşməsi nəticəsində yenidən ucuz Avropa maşınlarının ölkəmizə axını gözlənir.
Mütəxəssislərə görə, Avropa Mərkəzi Bankının bazarları təmin etməyən şərhləri və Yunanıstandakı son inkişaflar avronun bundan sonra da dəyər itirməsilə nəticələnəcək. Bundan əlavə, Almaniyanın Avropa Mərkəzi Bankının qərarlarına müqavimət göstərməsi pul vahidinin yaxın günlərdə daha çox dəyər itirəcəyi ehtimalını yaradır. Avro bölgəsindən deflyasiyanın başlaması da proseslərə təsirsiz ötüşmür. 2009-cü ildən bəri ilk dəfə illik inflyasiya deflyasiya ilə əvəzlənib və bu da avroya mənfi təsir edir. Avropa Komissiyası inflyasiyanın canlanacağını düşünsə də, mütəxəssislər bu fikirlərə qatılmır. Bu vəziyyət Avropadan ixrac olunan məhsulların qiymətini daha da aşağı salacaq. Bu fonda, təbii ki, Azərbaycan daxilində Avropada istehsal olunan məhsulların qiymətlərində enmələr müşahidə ediləcək. Çünki avronun məzənnəsinin aşağı düşməsi birmənalı şəkildə həmin məhsulların qiymətlərinin azalmasına gətirib çıxaracaq. Kiçik sahibkarlar, avrozonadan məhsul və avtomobil idxal edən iş adamları üçün avro məzənnəsinin aşağı düşməsi sərfəlidir. Çünki bu, xüsusən Almaniyadan və digər avrozona ölkələrindən Azərbaycana avtomobil gətirən iş adamlarının daha ucuz mal almasına gətirir. Ekspertlər hesab edir ki, avronun ucuzlaşması bundan sonra da Azərbaycan manatının məzənnəsinə təsir edə bilər. Əsas təsirlərdən biri manatın məzənnəsinin daha da yüksəlməsidir. Digər məqam kimi, əhalinin və investorların öz pullarını tələsik manata çevirməsi ehtimalının artması göstərilir. Adətən, belə hallar zamanı əhali xarici valyutada yerləşdirdiyi əmanətlərini banklardan çəkib manata çevirmək istəyir. Bu da avronun məzənnəsinin daha da ucuzlaşmasına, manatın isə möhkəmlənməsinə şərait yaradır.

DİGƏR XƏBƏRLƏR

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...