Qızıl hasilatı Azərbaycan üçün daha sərfəli hala gəlir

Tarix: 22.01.2015 / 01:27
Bölmə: İqtisadiyyat

Qiymətli metal bazarında isə bahalaşma gözlənir

Dünya maliyyə bazarlarında son vəziyyətin təhlili investorların qızıla getdikcə daha çox vəsait yatırmağa başladığını göstərir. Belə vəziyyətdə qızılın qiyməti proqnozlarda səslənən rəqəmlərdən də daha sürətlə bahalaşır. Ekspertlər qeyd edir ki, qızılda müşahidə olunan qiymət artımı onun hasilatının yenidən artması ilə nəticələnə bilər. Bu sıraya Azərbaycan da aiddir. Yeri gəlmişkən qeyd edək ki, ölkəmizdə qızıl hasilatı artır.
Belə ki, Azərbaycanda qızıl hasilatı illik müqayisədə 15,6% artaraq 2014-cü ildə 1.872,5 kiloqram təşkil edib. Hasilatın qarşıdakı dövr ərzində daha da artacağı istisna edilmir. Çünki ölkə ərazisində yeni qızıl yataqları kəşf edilib. Ekologiya və təbii sərvətlər naziri Hüseyn Bağırov bu məsələ ilə bağlı bildirib: "İki qızıl yatağında işlər aparılıb. Daha bir neçə yerdə qızıl yataqları kəşf edilib. Kəşf olunan yataqlar üzərində hazırda hesablama işləri aparılır". H.Bağırov əlavə edib ki, aşkarlanan yeni qızıl yataqları əsasən Kiçik Qafqazın və Böyük Qafqazın şimal hissəsində yerləşir: "Yenə də qazıntı işləri aparılır. Yeni qızıl yataqları aşkara çıxarılır".
Xatırladaq ki, Azərbaycanda qızıl və gümüş 1997-ci il avqustun 21-də imzalanmış PSA (Hasilatın Pay Bölgüsü) tipli müqavilə çərçivəsində hasil olunur. Müqavilə 6 yatağın - Naxçıvanda 1, Gədəbəydə 2, hazırda erməni işğalı altında olan Kəlbəcər və Zəngilanda 3 yatağın işlənməsini nəzərdə tutur. Müqavilədə Azərbaycanın payı 51%, Böyük Britaniyanın "Anglo Asian Mining Plc." şirkətinin payı 49% təşkil edir. "Gədəbəy" yatağından ilk qızıl hasilatına 2009-cu ildə başlanıb. Dünya bazarlarında qızılın qiymət artımı ölkəmizdə hasilatın daah sərfəli hala gəlməsini də şərtləndirir.
"Saxo Bank"ın ticarət strategiyasının rəhbəri Ole Hansen isə "report"a açıqlamasında məsələ ilə bağlı bildirir: "Saxo Bank" 2015-ci ildə qızıl bazarının inkişafına konstruktiv yanaşmasını saxlayıb. Buna baxmayaraq, etiraf edirik ki, hazırkı dəyişkənlik proqnozlaşdırdığımızdan daha tez baş verib. İsveçrədə baş verənlər fonunda hadisə ilə bağlı risqlərin artdığını müşahidə edirik, hansı ki, bu il öz rolunu oynaya bilər. Nəticədə bu, ABŞ Federal Ehtiyat Sisteminin faiz dərəcələri ilə bağlı qərarından asılı olmayaraq tələbi canlandırmağa kömək edəcək. Qızılın qiyməti ilin sonuna qədər 5-10% arta bilər".
Bankın nümayəndəsi qeyd edib ki, bazarda qiymətli metalların təchizatının çoxalması qızılın qiymətinə elə də ciddi təsir etmir: "İnvestisiya və fiziki tələb əsas amillərdir və təchizatı stabil edir, böyük qeyri-müəyyənlik isə tələblə bağlıdır".
Bu arada qeyd edək ki, dünya bazarlarında qızılın unsiyasının qiyməti ötən ilin avqust ayından bu yana ilk dəfə 1300 dolları keçib. Qızılın qiymətinin bahalaşmasına səbəb dünya iqtisadiyyatının durğunluğa girməsi ilə bağlı olaraq investorların qiymətli metallara yönəlməsidir. Bahalaşan qızıl Azərbaycanda da özünü qabarıq nümayiş etdirir. Belə ki, Azərbaycanda qızıl məmulatları bahalaşıb. Paytaxtın böyük ticarət mərkəzlərində satılan qızılın qiymətində xeyli artım müşahidə olunur və bu, təxminən 23-30 faiz təşkil edir. Satıcılar, qiymətin artmasına səbəb kimi, Vergi Məcəlləsində edilmiş son dəyişiklikləri göstərir. Qeyd edək ki, iqtisadçılar da qızılın bahalaşmasını qaçılmaz hesab edir. Buna əsas səbəb, dünya bazarında müşahidə edilən artımlar nəticəsində idxal olunan analoji məhsulların xərcinin yüksəlməsi ilə yanaşı, bu il yanvarın 1-dən aksiz vergisi dərəcəsinin artırılmasıdır. Sənədə əsasən, özəl şəxslərin gətirdiyi 20 qram qızıl və qızıl zərgərlik və ya məişət məmulatları, emal olunmuş, çeşidlənmiş, çərçivəyə salınmış və bərkidilmiş 0,5 karat almaza vergi tətbiq edilməyəcək. Həmçinin dəyişikliklərə görə, Mərkəzi Bankın aktivlərində yerləşdirmək üçün idxal edilən qızıl, platin, emal olunmuş, çeşidlənmiş, çərçivəyə salınmış və bərkidilmiş almazlar, eləcə də Dövlət Neft Fondunun aktivlərində yerləşdirmək üçün idxal edilən qızıl aksiz vergisindən azaddır. Qanuna əsasən, idxal zamanı yeni aksizli mallara aşağıdakı aksiz dərəcələri tətbiq edilir: qızılın min çəki vahidindəki miqdarı 375 olduqda aksiz dərəcəsi hər qrama görə 0,8 manat, 500 olduqda hər qrama görə 1 manat, 585 olduqda hər qrama görə 1,2 manat, 750 olduqda hər qrama görə 1,5 manat, 958 olduqda hər qrama görə 1,8 manat, 999 olduqda hər qrama görə 2 manat. Bütün bunlar isə artıq qızıl mağazalarında özünü qabarıq şəkildə büruzə verir. Dünya bazarlarında qızılın qiymət artımı ilə Azərbaycanda bu məhsulların daha da bahalaşması qaçılmaz sayılır.

DİGƏR XƏBƏRLƏR

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...