Korrupsiya ilə mübarizənin Azərbaycan modelinə xaricdən və daxildən iki oxşar baxış...

Tarix: 21.11.2014 / 01:23
Bölmə: Gündəm

Əliməmməd Nuriyev: "Məzmun və fəlsəfə baxımından Azərbaycanda yaradılan "ASAN xidmət"in analoqu yoxdur"

"Niyə həmin tədbirə bu sahəni dərindən bilən bizim kimi ekspertləri deyil, populist çıxışlar edən, lakin məsələnin mahiyyətindən xəbərsiz olanları çağırırlar?"

ABŞ-ın Helsinki Komissiyası (Avropada Təhlükəsizlik və Əməkdaşlıq Komissiyası) noyabrın 19-u Vaşinqtonda "ATƏT regionunda korrupsiya ilə mübarizə: yaxşı idarəçilik və təhlükəsizlik arasında əlaqə" adlı dinləmə keçirib. Helsinki Komissiyasının həmsədri Bencamin Kardin korrupsiyanın uzunmüddətli təhlükəsizlik baxımından mühüm faktora çevrildiyini vurğulayıb.

Buna səbəb kimi o, korrupsiyanın sosial çevrilişlərə və sabitliyin pozulmasına zəmin yaratmasını göstərib, Ukraynada baş verən hadisələri misal gətirib.

Dinləmədə ATƏT-in iqtisadi və ekoloji əlaqələr koordinatoru Xəlil Yurdaqul Yigitgüdən, Con Hopkins Universitetinin Transatlantik Əlaqələr Mərkəzinin tədqiqatçısı Şaazka Beyerle və Peterson Beynəlxalq İqtisadiyyat İnstitutundan Anders Asland ifadə verib.

İştirakçılar korrupsiya ilə mübarizədə effektiv institutların yaradılmasının və vətəndaş cəmiyyətinin rolunun mühümlüyünü vurğulayıblar.

"Amerikanın səsi"nə açıqlamasında Yigitgüdən korrupsiyanın qarşısının alınmasının mühümlüyündən danışıb: "ATƏT ölkələrinin hamısında bu sahədə görülməli çox iş var. Bu istiqamətdə fəaliyyətlər mövcuddur. Çünki sabitlik üçün korrupsiyanın qarşısı alınmalıdır. Buna bütün ölkələr maraq göstərir. Ukrayna və Azərbaycan da daxil olmaqla, korrupsiyanın aradan qaldırılması istiqamətində fəaliyyətlər var. Misal üçün, vətəndaşa elektron xidmət göstərmək sahəsində. Pasport və ya sürücülük vəsiqəsi alanların bu xidmətlərdən daha asan istifadəsi, korrupsiya ilə üzləşməməsi üçün xidmətlər mövcuddur. Azərbaycanda bu sahədə "ASAN xidmət" var. Mən bir ay əvvəl onların təşkil etdiyi elektron dövlət xidmətləri mövzulu toplantıda iştirak etmişəm".

Qeyd edək ki, bu günlərdə Azərbaycan Prezidenti İlham Əliyev Beynəlxalq Antikorrupsiya Akademiyasının (İACA) Bakıda keçirilən üçüncü Assambleyasına təbrik məktubu ünvanlayıb.

Dövlət başçısı təbrik məktubunda qeyd edib ki, Azərbaycan sürətlə inkişaf edən müasir dövlətdir. Onun sözlərinə görə, bu dinamikanın saxlanması üçün tədbirlər ardıcıl şəkildə davam etdirilir: "Ölkəmizdə şəffaf münasibətlər sistemi formalaşdırılıb, demokratik institutların fəaliyyəti təmin edilib. Fəaliyyətimiz beynəlxalq reytinq institutları tərəfindən yüksək dəyərləndirilir. Bu, dövlət idarəçiliyinin yenilənməsi və korrupsiyaya qarşı mübarizənin uğurla aparılması üçün mövcud qətiyyət və möhkəm siyasi iradə ilə bağlıdır. Azərbaycan Avropa Şurası Nazirlər Komitəsinə rəhbərlik etdiyi dövrdə də korrupsiyaya qarşı mübarizəni prioritet elan edib və beynəlxalq səviyyədə bu problemlə ciddi məşğul olmaq əzmini göstərib. Ölkəmiz bu sahədə bütün beynəlxalq təşəbbüslərin aktiv iştirakçısıdır. Azərbaycan BMT-nin Korrupsiya əleyhinə Konvensiyasına qoşulan dövlətlərdən biridir. Şəffaflıq, açıq hökumət prinsipləri, elektron hökumət, innovativ yanaşma dövlət siyasətimizin prioritet istiqamətlərdən biridir. Dövlət xidmətlərinin göstərilməsində təqdim etdiyimiz, korrupsiyanı tam istisna edən xidmət modeli digər ölkələr üçün uğurlu nümunə ola bilər. Korrupsiyaya qarşı mübarizənin səmərəli olması üçün təhsil və təlim diqqət mərkəzində saxlanmalı, yaxşı təcrübələr mütəmadi mübadilə edilməlidir. Beynəlxalq Antikorrupsiya Akademiyası bu sahədə aktiv töhfə verən yeni beynəlxalq təşkilatdır. Bu fəaliyyət üzv dövlətlər tərəfindən dəstəklənməlidir. Əminəm ki, Akademiyanın Assambleyası yeni təşəbbüslərin və bu sahədə əməkdaşlıq əlaqələrinin möhkəmlənməsi üçün yeni imkanlar açacaq".

Göründüyü kimi, Azərbaycanın son illər ərzində korrupsiya ilə mübarizə sahəsində əldə etdiyi uğurlar haqda yalnız ölkə daxilində danışılmır. Avropanın tanınmış ekspertləri də tam müstəqil bir qurumda keçirilən dinləmələrdə Azərbaycanda müşahidə edilən irəliləyişləri etiraf edir.

Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsinin koordinatoru Əliməmməd Nuriyev qəzetimizə açıqlamasında bildirdi ki, Prezidentin Bakıda keçirilən sessiyaya ünvanladığı məktubda başqa ölkələrin bizim təcrübəmizdən yararlana biləcəyilə bağlı məqamlar tamamilə düzgün qeyd edilib":Artıq Azərbaycanda hökumətin tam elektronlaşması prosesi yekunlaşmaq üzrədir. Elektron xidmətlərin yaradılması korrupsiya faktlarını mümkünsüz edir. "ASAN xidmət" isə həmin modellərin ən unikalıdır. Mən əvvəldən axıra qədər bu prosesdə iştirak etmişəm. Xidmətin strukturu elə qurulub ki, korrupsiya faktları tamamilə istisnadır. Məzmun və fəlsəfə baxımından Azərbaycanda yaradılan "ASAN xidmət"in analoqu yoxdur. Düzdür, orda cəmləşən xidmətlərin bəziləri xarici ölkələrdə də var, ancaq bizdəki model tam fərqlidir. İstər xidmətlərin sayı, istərsə də dizayn çox mükəmməl və yetərlidir. ABŞ-da keçirilən dinləmələrdə iştirak edən ekspertlər bunu, təbii ki, etiraf etməlidir. Ancaq bizim həmin tədbirlə bağlı iradlarımız da az deyil. Niyə həmin tədbirə bu sahəni dərindən bilən bizim kimi ekspertləri deyil, populist çıxışlar edən, lakin məsələnin mahiyyətindən xəbərsiz olanları çağırırlar? Hesab edirəm ki, Azərbaycanın bu sahədə əldə etdiyi uğurlardan daha çox ölkə yararlanmaq istəyəcək ki, bu da təbiidir".

DİGƏR XƏBƏRLƏR

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...