Ailədaxili qətllər yenə başlayıb

Tarix: 15.12.2014 / 02:55
Bölmə: Sosial

Könül Vaqifqızı: «Qaynananın gəlinini və öz doğma nəvəsini öldürməsi hadisəsi belə münaqişəli ailələrlə bağlı sahə müvəkkillərinin rolunu yada saldı»

Aytəkin Kamranqızı: «Ailə üzvlərinin kriminal ünsürə çevrilməsində xarici təsirlərin rolu az deyil»

Ötən həftə Bakı şəhərində qeydə alınan tükürpədici cinayət hadisəsi hər kəsi şoka saldı. Bu dəfə nənənin 6 aylıq nəvəsinin nəfəsini kəsməsi, gəlinini isə daşla öldürməsi xəbəri hər kəsi dəhşətə gətirdi. Hadisə Suraxanı rayonu, Qum adasının Zeytun Bağları adlanan massivində qeydə alınıb. 40 yaşlı qaynana Şərqiyyə Hüseynovanın qətlə yetirdiyi 20 yaşlı gəlini Elnarə 3 ay idi ki, adıçəkilən ünvanda kirayədə yaşayırdı.

Şərqiyyə Hüseynova isə 15 gün idi ki, Gürcüstandan oğlunun yanına gəlmişdi. Bu 15 gün ərzində gəlinlə qaynana arasında nəyin baş verdiyi bilinməsə də, məlum olan budur ki, son günlər məişət qətllərinin sayı artıb.

Növbəti tükürpədici hadisə Masallı rayonunda qeydə alınıb. Bala Kolatan kəndinin sakini Sevanə Nəriman qızı Əliyevanın başı kəsilmiş meyiti tapılıb. Hüquq-mühafizə orqanlarının araşdırmasından sonra məlum olub ki, 1990-cı il təvəllüdlü qadının başını həyat yoldaşı, 1988-ci il təvəllüdlü Namiq Şakir oğlu Məmmədov kəsib. Polis arvadının başını kəsən qatil əri həbs edib.

Açıqlanan statistik rəqəmlərə görə, bu ilin 6 ayı ərzində baş verən ümumi cinayət hadisələrinin 13 faizindən çoxunu məişət qətlləri təşkil edir. Ötən illə müqayisədə bu rəqəm 7 faiz artıb. Ürək ağrıdan məqam isə dəhşətli hadisələrin ailələrdə baş verməsidir. Bu səpkidə baş verən hadisələr onu göstərir ki, bəzi ailələrdə psixoloji vəziyyət heç də ürəkaçan deyil.

Sosioloq Aytəkin Kamranqızının sözlərinə görə, ailə üzvlərinin kriminal ünsürə çevrilməsində xarici təsirlərin rolu az deyil: «Hazırda yayımlanan xarici serialların əksəriyyəti Azərbaycanda ailə modelini, ailə institutunu dağıtmağa hesablanıb. Bu gün televiziyalar belə serialları yayımlayır. Amma bu serialların ailə institutumuza hansı zərbəni vurduğunun fərqində deyillər. Biz modern cəmiyyətdə yaşayırıq. Belə cəmiyyətdə dövlət ailəni himayə etməlidir. Biz cəmiyyətin mənəvi aşınmasının qarşısını almalıyıq».

Psixoloq Könül Vaqifqızının sözlərinə görə, insanların əksəriyyəti düşünür ki, başqa bir insana zərər yetirə bilər və bu normal haldır: «Əslində isə həmin adam insanlıqdan kənara çıxır. Qaynananın gəlinini və öz doğma nəvəsini öldürməsi hadisəsi belə münaqişəli ailələrlə bağlı sahə müvəkkillərinin rolunu yada saldı. Əvvəllər, bir qayda olaraq, sahə müvəkkilləri tabeliklərində olduğu ərazinin təhlükəsizliyi üçün məsuliyyət daşıyırdı. Ərazisini yaxşı tanıdığından, həm də problemli ailələrin vəziyyətindən xəbərdar olduğundan, xoşagəlməz hadisələrin qarşısını vaxtında almağa kömək edirdi. İndi isə ərazidə kimin necə yaşamasından sahə müvəkkilinin heç xəbəri də yoxdur. Elə hadisənin baş verdiyi ərazidə də məlum oldu ki, sahə müvəkkilini tanıyan yoxdur».

K.Vaqifqızının sözlərinə görə, hər kəs bu tip məsələlərdə həssas olmalıdır. Əgər ailədə qışqırıq səsləri gəlirsə, uşaq ağlayırsa, döyülmə halları müşahidə olunursa, məlumatı olan şəxs mütləq vaxtında aidiyyəti qurumlara, təbii ki, hüquq-mühafizə və yerli icra hakimiyyəti orqanlarına müraciət etməlidir.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...