Yol nişanlarının yetərsizliyi qəzaların əsas səbəblərindən biri imiş...

Tarix: 15.12.2014 / 02:43
Bölmə: Sosial

İlqar Hüseynli: «Yol nişanının olmaması üzündən ağır yol-nəqliyyat hadisəsi baş verir»

«Bu sahəyə diqqət artırılsa, yolları lazım olan qədər nişanlarla təmin etmək olar»

Yayılan məlumatlara görə, bu gün respublika əhəmiyyətli yollarda 1000-dən çox yol nişanı çatışmır. Yollardakı bir çox lazımi yerlərdə sözügedən nişanlar yoxdur. Bu nişanlar ya müvafiq qurum tərəfindən quraşdırılmır, ya da hansısa şəkildə sıradan çıxır.

İstər bölgələrdə, istərsə də paytaxt ərazisində baş verən qəzalar insan tələfatı ilə yanaşı, yol nişanlarının da sıradan çıxmasına səbəb olur. Bir məqamı nəzərə almaq lazımdır ki, qəzaların baş verməsində nişanların olmamasının az rolu yoxdur. Vaxtilə Bakı Dairəvi Yolunun müvafiq hissəsində qarşıdan gələn nəqliyyat vasitəsinin digər nəqliyyat vasitəsinin qarşısına çıxmaması üçün xüsusi yol nişanı quraşdırılmışdı. Hazırda həmin yol nişanından heç bir əsər-əlamət qalmayıb. Və bu, sürücülər arasında çaşqınlıq yaradır. Elə bu səbəbdəndir ki, az qala hər gün bu yolda qəzalar baş verir, ölüm və xəsarətlər qeydə alınır. Belə halları bir neçə yolda müşahidə etmək olar. Lazımsız yerlərdə yol nişanlarını quraşdırmaqdansa, yaxşı olardı ki, lazımi yerlərdə belə nişanlar olsun.

Sözügedən məsələ ilə bağlı fikirlərini «Bakı-Xəbər»lə bölüşən ekspert İlqar Hüseynlinin sözlərinə görə, ümumən bütün yollarda, əsasən də magistral yollarda yol nişanlarının quraşdırılmasına ehtiyac var: «Çünki bəzən yol nişanının olmaması üzündən ağır yol-nəqliyyat hadisəsi baş verir. Bu gün Azərbaycan yollarında minlərlə yol nişanı çatışmır. Əsasən də rayonlara gedəndə belə halların daha çox şahidi oluruq. Halbuki, yol nişanlarının qiyməti elə də baha deyil. Bu gün adi yol nişanının birinin qiyməti 100 manatdan çox deyil. Bu sahəyə diqqət artırılsa, yolları lazım olan qədər nişanlarla təmin etmək olar. Başqa bir tərəfdən, qəzalar zamanı təkcə yol nişanları deyil, digər yol elementləri də ziyan gördüyündən, vaxtından əvvəl sıradan çıxır. Məsələn, magistral yolları iki hissəyə ayıran əyri xətli tirlər kimi. Baş verən qəzaların hədəfi olan bu metal qurğular təqsirkar tərəfindən bərpa olunmadığı üçün növbəti qəzalara yol açır. Ziyan dəyən yol elementlərinə görə günahkar şəxslər məsuliyyətdən yayınmağa çalışır. Hətta məhkəmə qərarı olmasına baxmayaraq, görürsən qəza törədən cəriməni ödəmək istəmir. Bəzi məsuliyyətsiz şəxslər tərəfindən həmin nişanların oğurlanması halları da olur. Mütəxəssislər xarici ölkələrin təcrübəsinə əsaslanaraq bu cür xoşagəlməz hadisələrin baş verməməsi üçün maneələrin, yol nişanlarının sığortalanmasını məsləhət görür. Çünki belə halda, həm şirkət sığortalanmış olur, eyni zamanda da yol işarələrini sıradan çıxaran sürücü sığorta şirkəti tərəfindən məsuliyyətə cəlb olunur. Bu da nəticədə həmin yol nişanlarının tez bir zamanda bərpa olunması ilə nəticələnir».

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...