Axı Azərbaycan hökuməti müharibəyə yox, sülhə hazırlaşır...
Bir neçə gündür "Hayastan" ümumerməni fondu "Sənin üçün, Ermənistan" adı altında 27-ci Telemarafon keçirir. Bugünədək 15 milyon 302 min ABŞ dollarına yaxın vəsait toplanıb. Telemarafona 10-dan çox ölkədən erməni qatılıb.
Ən çox ABŞ-da vəsait toplanıb - 7 milyon 700 min dollar. Fransada - 3 milyon 430 min dollar. Ermənistanda – 1 milyon 218 min dollar. Əvvəllər "Hayastan" fondu yığılan vəsaiti əsasən Qarabağda separatçılara yönəldirdisə, çox güman ki, bundan sonra toplanan vəsaitlər Ermənistanın silahlanmasına yönəldiləcək.
Doğrudan da bu fakt onu göstərir ki, ermənilər nə qədər xəstə təfəkkürə malik olsalar da, onların təşkilatlanmaq qabiliyyəti var. Bəziləri bunu genetik faktorlarla əlaqələndirir, amma bu belə deyil. Bütün dünyada böyük dövlətlər tərəfindən oyuncaga çevrilan (türklər demişkən "kullanılan") etnosların təşkilatlanmaq qabiliyyəti güclü olur. Bunu həmin etnoslara onu oyuncağa çevirən dövlətlər təlqin edir ki, özünün maliyyə yükü bir qədər azalsın. Məsələn, erməni icmasından ruslar 500 ildi ki, türklərə qarşı bir xəncər kimi istifadə edir. Bəli, rusların seçimində bu icmanın genetik faktoru əsas rol oynayıb. Rus-Osmanli müharibəsi 300 il davam edib. Amma bu üç əsr boyu davam edən müharibələrdə Osmanli həmişə məğlub olub. Bu o demək deyil ki, rus ordusu Osmanlı ordusundan güclü idi, xeyr. Sadəcə olaraq rusların üstünlüyü o idi ki, Osmanlının içərisində satqın erməni tayfası var idi. Onlar dövləti içindən dağıdır və düşmənə mütəmadi olaraq kəşfiyyat məlumatları ötürürdü. Ermənilər türklərin bütün əks-hücum planlarını rus generallarına satırdı. Bunu Osmanli rəhbərləri artiq dövlət çökəndən sonra bildi və erməniləri cəbhə bölgəsindən ölkənin dərinliklərinə köçürdü. Ermənilər bunu "erməni soyqırımı" adlandırdı. Əslində isə bu onların satqınlıqları, vətənə xəyanəti ilə bağlı idi. Osmanli hökmdarı gördü ki, bu satqınlar bir-bes deyil, kütləvi şəkildə erməni icmasi satqınlıqla pul qazanır. Ona görə də onlar fərdi şəkildə cəzalandırılmadı, kütləvi səkildə ölkənin dərinliklərinə köçrüldülər.
Ruslar məhz Osmanlının çökdürülməsinə xidmətlərinə görə erməniləri Qafqaza köçürərək onlara dövlət qurdu. Qafqazda isə onları Azərbaycana qarşı 200 il kullandı. Bu dövləti qidalandirmaq, inkişaf etdirmək üçün öz maliyyəsi ilə yanaşı, bütün dünya ermənilərini təşkilatlandırdı, ianələr vermək vərdişləri yaratdı. Ona görə də ermənilərin harada az və ya çox yaşamasından asılı olmayaraq, onlar harada yaxşı təşkilatlanıblarsa, bu marafonda da həmin ölkələrdən daha çox ianə yığılıb. Məsələn, Argentina (bir milyondan çox) və Brazilyada (500 mindən çox) Fransadakından daha çöx erməni yaşayır və orada çox güclu erməni lobbisi formalaşıb. Buna baxmayaraq, Argentina-Braziliya birgə fandreyzinqində 47 min 529 ABŞ dolları yığıldığı halda, cəmi 400 min erməni yaşayan Fransada 3 milyon 430 min dollar yığılıb. Bu onu deməyə əsas verir ki, Ermənistana yardımlar ABŞ, Fransa və Kanada kimi dövlətlərin siyasi hakimiyyəti tərəfindən təbliğ edilir. Amma Argentina və Braziliyada belə təbliğat aparılmır.
O ki qaldı yığılan vəsaitlərin təyinatına, burada da kifayət qədər maraqlı məsələlər var. Əslində Ermənistanda bu münaqişədən zərər çəkən kontinigent Qarabağdan köçən ermənilərdir. Lakin yardımların əsas hissəsi guya Azərbaycanla həmsərhəd ərazilərdə yaşayan əhalinin su, yol və digər məişət tələbatına xərclənəcək. Əslində isə Azərbaycanla həmsərhəd ərazilərdə yaşayan əhalinin nə yol, nə də içməli və suvarma suyu problemi var. Həmin ərazidə yerləşən hər kənddə onlarla bulaqlar, su çeşmələri və çaylar var. Yollar da normal kənd yollarıdır Bu isə o deməkdir ki, həmin təyinat adı altında vəsaitlər Ermənistanın silahlanmasına xərclənəcək. Lakin anlaşılmir ki, Ermənistan kimdən müdafiə olunmaq fikrindədir. Axı Azərbaycan hökuməti müharibəyə yox, sülhə hazırlaşır.
Deməli, Ermənistan Paşinyanın dediyi kimi sülhə deyil, müharibəyə hazırlaşır. Ona görə də sürətlə silahlanır. Lakin Paşinyan müharibə etmək fikrinə düşsə, bu, Ermənistan dövlətinin sonu olacaq.
Akif NƏSİRLİ
