Azərbaycana Rusiyadan gətirilən un və taxıl bahalaşacaq

Tarix: 22.01.2015 / 01:38
Bölmə: İqtisadiyyat

Məlum olduğu kimi, Azərbaycanın taxıl və un aldığı ölkələr sırasında Rusiya xüsusi çəkiyə malikdir. Lakin bu gedişlə Azərbaycan Rusiyadan alınan bu məhsullara daha yüksək həcmdə vəsait ödəmək məcburiyyətində qala bilər. Məsələ burasındadır ki, yaxın tezlikdə Rusiyanın özündə bu məhsulların qiyməti yüksələcək. Rusiya baş nazirinin müavini Arkadi Dvorkoviç Dövlət Dumasında "Yedinaya Rossiya" fraksiyasının iclasında çıxışı zamanı bildirib ki, yaxın zamanlarda Rusiyada un və çörəyin qiyməti artmaqda davam edəcək.
Onun sözlərinə görə, fevral ayından taxılın ixracına rüsum qoyulsa da, bahalaşma yaxın aylarda davam edəcək: "Rüsum yeridiləndən sonra taxıl ucuzlaşmağa başlayıb, buna baxmayaraq, yaxın aylarda çörək və unun bahalaşması tendensiyası davam edəcək". Baş nazirin müavini bildirib ki, hökumət hələlik qiymət tənzimlənməsini tətbiq etməsə də, qiymət artımı uzun müddət davam edəcəyi və 30 faizə çatacağı halda, bu variant istisna olunmur. Dvorkoviçə görə, qiymət tənzimlənməsi ərzaq çatışmazlığına gətirib çıxara bilər. Xatırladaq ki, daha əvvəl Rusiyanın baş naziri Dmitri Medvedyev bildirib ki, taxıl ixracatına administrativ məhdudlaşdırmalar tətbiq etməyin zamanı çatıb. O, ölkənin əlindəki taxıl ehtiyatlarının mühafizə edilməsinin indiki şəraitdə zəruri olduğunu bildirib: "Rusiya hökuməti taxıl ixracına müvəqqəti məhdudiyyətlər tətbiq etməlidir. Hazırda taxıl ixracına məhdudiyyətlərin tətbiq olunması haqda düşünmək lazımdır. Əlbəttə ki, bu qərar iri ixracatçılarla razılaşdırılmış şəkildə həyata keçirilməlidir". D.Medvedyev taxıl emalı məhsulları, taxıl bazarındakı vəziyyəti tənzimləmək üçün çevik addımların atılmasının vacib olduğunu da qeyd edib. Rusiya baş naziri məsələ ilə əlaqədar müavininə xüsusi təkliflər hazırlamaq tapşırığı verib. Artıq gələn aydan taxıl ixracına məhdudiyyətlər tətbiq olunur. Beləliklə, çətin iqtisadi dövr yaşayan Rusiya taxıl ixracını məhdudlaşdırır. Aydındır ki, bu hal Rusiyadan taxıl alan Azərbaycana da təsirsiz ötüşməyəcək. Əvvəla, Rusiyadan idxal taxılının həcminin azalması və tam dayanması istisna edilmir. Digər tərəfdən, belə vəziyyətdə taxılın qiyməti qalxır. Artıq taxılın qiyməti Rusiyada yüksələn qida qiymətlərinin dünyanın ən böyük dördüncü ixracatçısının taxıl satışlarına limit qoyacağı xəbəri ilə yüksəlib.
Onu da xatırladaq ki, ölkəmizdə taxıl məhsullarının qiymətinin qalxma səbəbi daha çox xarici bazarlarla bağlı olub. Bu, daha çox Rusiya, Qazaxıstan və İranın daxili bazarlarında qiymətlərin tənzimlənməsilə əlaqədar proses sayılır. Bu ölkələrdə taxılın qiymətində artım baş verirsə, o zaman Azərbaycana idxal olunan taxılın qiymətində də artım yaşanır. Yuxarıda qeyd olunduğu kimi isə, artıq Rusiyada qiymət artımı olacağına dair məlumatlar dolaşır. Bu şəraitdə Azərbaycan Qazaxıstandan istədiyi həcmdə taxıl almasa, ölkəmizdə bu məhsulun qiymətində artım olması qaçılmaz sayılır. Ötən il Azərbaycan Qazaxıstandan 850 min ton taxıl idxal edib. Rusiyadan isə 550 min ton taxıl alınıb. Rusiyada məhsul bahalaşarsa, Azərbaycan bunu Qazaxıstanla kompensasiya etməyə çalışacaq. Lakin ekspertlər alternativ mənbələrin tapılmasını da vacib sayır.
Onu da qeyd edək ki, Azərbaycan taxıl ehtiyatının həcmini artırır. Belə ki, "Dövlət Taxıl Fonduna tədarük edilən taxılın həcminin müəyyən edilməsi haqqında" Azərbaycan Respublikası Nazirlər Kabinetinin 2012-ci il 18 sentyabr tarixli 206 nömrəli qərarında dəyişiklik edilib. Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, taxıl istehsalçıları olan qonşu ölkələrdə son dövrlər baş verən iqlim dəyişikliklərinin, həmçinin respublika ərazisində uzun sürən quraqlıq nəticəsində yarana biləcək vəziyyətin əhalinin taxıl məhsulları ilə təminatına birbaşa və ya dolayı təsirinin qarşısının alınması məqsədi ilə Nazirlər Kabineti qərara alıb ki, 206 nömrəli qərarın 1-ci hissəsində "beş yüz" sözləri "yeddi yüz əlli" sözləri ilə əvəz edilsin. Ekspertlərə görə, ehtiyatın artırılmasında məqsəd taxıl qıtlığı və qiymət artımından sığortalanmaqdır.

DİGƏR XƏBƏRLƏR

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...