Dövlət qurumları qənaətli iş üslubunu necə quracaqlar?

Tarix: 19.01.2015 / 02:10
Bölmə: İqtisadiyyat

Əli Məsimli: "Yalnız nəzərdə tutulan bəzi üçüncü, dördüncü, beşinci dərəcəli layihələrin icrası ertələnə bilər"

"İdarəetmə sistemindəki paralelliyin aradan qaldırılmasına..."

Məlum olduğu kimi, dünya bazarında neftin qiymətinin ucuzlaşmasının Azərbaycanın büdcəsinə mənfi təsirlərinin azaldılması üçün ölkədə qənaət rejiminə start verilib. Bu istiqamətdə görülən tədbirlər çərçivəsində prioritet olmayan xərclər üzrə qənaət başlanacaq, eləcə də büdcə təşkilatlarında israfçılığa qarşı sərt tədbirlər görüləcək.
Bu barədə Maliyyə Nazirliyində keçirilən geniş kollegiya iclasında bir sıra məsələlərə toxunulub. Maliyyə naziri Samir Şərifovun sözlərinə görə, Nazirlər Kabinetinin iclasında Prezident İlham Əliyev 2015-ci ildə ölkənin sosial-iqtisadi inkişafının təmin edilməsi, dünyadakı mövcud vəziyyətin təsirlərindən ölkəmizin minimum itkilərlə ötüşməsi üçün konkret göstərişlər verib. Bununla bağlı Maliyyə Nazirliyi tərəfindən bir sıra tədbirlər həyata keçiriləcək. Nazir qeyri-neft sektorunun inkişafı hesabına dövlət büdcəsinə cəlb ediləcək vergi və rüsumların əhatə dairəsinin genişləndirilməsini, əvvəlki illərdən qalmış və növbəti il üçün nəzərdə tutulan vergi və digər daxilolmaların dövlət büdcəsinə tam alınmasını vacib sayıb. Bununla yanaşı, o, Vergi Məcəlləsinə edilmiş dəyişikliklər nəticəsində əlavə yaranacaq vergilərin büdcəyə cəlb ediləcəyini də bildirib.
Ümumiyyətlə, indiki dövrdə qənaət məqsədilə hansı layihələr təxirə salınsa, daha məqsədəuyğun olar?
Məsələyə münasibət bildirən iqtisadçı millət vəkili Əli Məsimlinin sözlərinə görə, mövcud vəziyyət bütün sahələrdə qənaət rejiminin tətbiq edilməsini və israfçılığın aradan qaldırılması üçün müvafiq tədbirlər görülməsini diktə edir. Çünki hökumətin müşavirəsində qeyd edildiyi kimi, bu il bizim gəlirlərimiz azalacaq: "Ona görə Prezident bildirdi ki, dövlət strukturları da özlərini məsuliyyətli aparmalıdır. Bundan ötrü obyektiv monitorinqlər keçirilib, idarəetmə sistemindəki paralelliyin aradan qaldırılmasına yönəlik tədbirlər görülməlidir. Dövlət vəsaitini israfçılıqla istifadə edən sahələr və qurumlar aşkarlanmalı, buna müvafiq xüsusi tədbirlər proqramı hazırlanmalı və sistemli şəkildə həyata keçirilməlidir.
Neftin qiymətinin bu cür kəskin aşağı düşməsi Azərbaycan hökumətinin bu siyasətə yenidən baxması, eləcə də büdcə siyasətini köklü surətdə dəyişdirməsi və sistemli islahatlara gedilməsi üçün ciddi siqnaldır. Hökumət orta perspektivdə Azərbaycanın ciddi problemlərlə qarşılaşmasına rəvac verməməkdən, eləcə də neft-qaz sektorundan asılılığı azaltmaqdan ötrü büdcə gəlirlərinin asan artırılması yolundan Dövlət Neft Fondundan edilən transfertlərin tədricən azaldılması və fundamental islahatlar yolu ilə qeyri-neft sektorundan daxilolmaların artımı hesabına dövlət büdcəsinin gəlirlərinin artırılması yoluna keçməlidir. Büdcə vəsaitindən istifadənin səmərəliliyini artırmaqdan ötrü dövlət maliyyə nəzarəti haqqında qanunun qəbul edilməsi və işlək reallaşdırma mexanizmi hazırlanıb tətbiq edilməsini zəruri hesab edirik. 2008-2009-cu illərdə olduğu kimi, indi də tikinti sahəsində müəyyən problemlərin meydana gəlməsi baş verə bilər. Yalnız nəzərdə tutulan bəzi üçüncü, dördüncü, beşinci dərəcəli layihələrin icrası ertələnə bilər".

DİGƏR XƏBƏRLƏR

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - – Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...