Rublun mövqeləri Azərbaycanda da sarsılır

Tarix: 16.01.2015 / 02:17
Bölmə: İqtisadiyyat

Şimal qonşumuzun bütün cəhdlərinə baxmayaraq, rubl sürətlə çökməkdə davam edir. Bu vəziyyətdə dünyanın bir sıra ölkələrində, o cümlədən MDB məkanında rublun başqa valyutalara dəyişdirilməsi prosesinin də geniş vüsət alması diqqətdən yayınmır. Azərbaycanda da vətəndaşlar əllərində olan rublun başqa valyuta ilə əvəzlənməsi üçün valyutadəyişmə məntəqələrinə daha çox üz tutmaqdadır.
Rubl bu sürətlə dəyər itirməkdə davam edəcəyi təqdirdə isə MDB məkanında onun işlənmə səviyyəsinin də xeyli aşağı düşməsi istisna olunmur. Hələlik isə Rusiyanın milli valyutası ucuzlaşmaqda davam edir. Rusiya Mərkəzi Bankında 1 dollar 1,26 rubl bahalaşaraq 66,1 rubla çatıb. Avro isə 1,19 rubl bahalaşıb və 78 rubla bərabər olub. Xatırladaq ki, iqtisadçılar bir dollar 70 rubla çatacağı təqdirdə Rusiya iqtisadiyyatının böyük böhrana girəcəyini açıqlamışdılar.
Rusiyanın iqtisadi inkişaf naziri Aleksey Ulyukayev də rublun dərin devalvasiya etdiyini etiraf edib. Yaranmış vəziyyətlə bağlı sərt monetar və mötədil vergi siyasətinin tələb olunduğunu deyən nazirin fikrincə, bu şəraitdə inflyasiya ildə 15-17 faiz təşkil edəcək zirvə nöqtəsinə mart-aprel aylarında çatmalıdır: "Zənnimcə, həyatımızın faktları yeni iqtisadi reallığın yarandığını təsdiq edir. Qlobal iqtisadiyyat, Rusiyanın vəziyyəti 2000-2007-ci illər arasında olduğu kimi qalmayacaq, daha mürəkkəb olacaq və o, artıq xeyli mürəkkəbdir". Rusiyanın "Sberbank" bankının rəhbəri German Qref iqtisadiyyatda üç problemi qeyd edib: "Struktur yavaşlama, Rusiya ətrafında geosiyasi vəziyyət və neft qiymətlərilə bağlı vəziyyət". Cənab Qref sonuncu amilin ən mühüm olduğunu deyib. Onun sözlərinə görə, neft qiymətləri artıq maya dəyəri səviyyəsinə çatıb ki, bu da bir çox ölkə üçün həssas səviyyədir. O, indiki istehlak həcmlərinin nəzərə alınması ilə neft qiymətlərinin 25-30 dollaradək ucuzlaşmasına inanmadığını deyib.
Rusiyanın maliyyə naziri Anton Siluanovun dəyərləndirməsinə görə, neftin bir barreli 50 dollara olduğu təqdirdə Rusiya büdcəsindəki itki 45-50 milyard dollar təşkil edə bilər. Bundan əvvəl Dünya Bankı neft qiymətlərinin aşağı olması ilə bağlı Rusiyanın iqtisadi inkişafının daha kəskin yavaşlayacağını bildirib.
Təşkilatın dəyərləndirməsinə görə, bu il Rusiyada istehsal olunan ümumi daxili məhsulun həcmi əvvəl güman edildiyi kimi 2,9 faiz yox, 0,7 faizədək ixtisara məruz qala bilər. Qurum bildirir ki, Rusiyanın Maliyyə Nazirliyi Dövlət Dumasına 2015-ci ildə büdcə xərclərinin azaldılmasını təklif etməlidir. Əks halda Rusiyada inflyasiya daha da sürətlənə bilər. Maliyyə nazirinin müavini Aleksey Vedevin sözlərinə görə, 2015-ci ildə inlflyasiya idxalın dinamikası və rublun məzənnəsinin dəyişməsilə bağlı ikirəqəmli səviyyədə olacaq. Rusiyada inflyasiya gözləntiləri və istehlakçı əhval-ruhiyyəsilə bağlı Mərkəzi Bankın son hesabatına əsasən, əhalinin 48 faizi rublun ucuzlaşmasının həyatına mənfi təsir göstərdiyini deyib. Sənədə əsasən, son vəziyyətə görə Rusiya valyutasına etimad azalmaqdadır. Son rəy sorğularından birində iştirak edən respondentlərin yarısı əmanətlərini qorumaq üçün daşınmaz əmlak almağa üstünlük verdiyini deyib.
Bütün bunlar bir daha Rusiyada iqtisadi durumun həqiqətən ağır olduğunu aydın formada nümayiş etdirir. Belə vəziyyətdə rublun dəyərdən düşməsi isə digər MDB ölkələrinə də təsir göstərir. Bu, miqrantlar tərəfindən göndərilən pulların həcminin azalması ilə də müşayiət olunur. Qarşıdakı müddətdə miqrant pullarının daha da azalacağı istisna edilmir. Bu hal ölkənin bank sektoruna da ciddi təsir edəcək. Çünki banklar pul köçürmələrindən xeyli qazanc əldə edirdi. Lakin indi vəziyyət dəyişir. Digər tərəfdən, Rusiya bizim əsas ticarət partnyorlarımızdandır. Bu fonda rublun ucuzlaşması şimal qonşularımızdan gələn idxalın həcminin artmasına səbəb olacaq. Çünki manatın bahalaşması hesabına bu ölkədən gətirilən mallar xeyli ucuz olacaq ki, bu da yerli istehsalın rəqabət qabiliyyətini azaldır. Qeyd edək ki, Azərbaycanın idxalının təxminən dörddə biri məhz Rusiyadan gəlir. Bütün bunlar bir daha təsdiq edir ki, rubl ətrafında baş verənlər təkcə Rusiyaya yox, MDB-nin digər ölkələrinə, o cümlədən Azərbaycana da təsir edir. Onu da bildirək ki, ölkəmizdə əhalinin bir hissəsi banklara əmanətlərini rus rublu ilə yatırıb. Gözlənir ki, rubl ucuzlaşmaqda davam edərsə, əhali əlində olan rublu tam şəkildə başqa valyutaya dəyişsin. Banklar da rublla olan valyuta ehtiyatları ilə bağlı analoji addımlar ata bilər.

DİGƏR XƏBƏRLƏR

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - – Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...