Bakı-Sumqayıt marşrutu ilə hərəkət edənlərin vəziyyəti xeyli asanlaşa bilər, üstəlik, tıxac məsələsi...

Tarix: 16.01.2015 / 02:06
Bölmə: İqtisadiyyat

Samir Əliyev: "Dəmir yolu nəqliyyatı həm iqtisadi baxımdan səmərəlidir, həm də ekoloji cəhətdən zərərsizdir"

"Dəmir yolu nəqliyyatı istifadəyə verilərsə, tıxaclar da aradan qalxar, insanlar da vaxtında işə çatar"

Xəbər verildiyi kimi, tezliklə Bakı və Sumqayıt şəhərləri arasında elektrik qatarları işə düşəcək. Azərbaycan Dəmir Yolları Qapalı Səhmdar Cəmiyyəti Bakı və Sumqayıt şəhərləri arasında elektrik qatarlarının işə düşməsi üçün danışıqlar aparır. Bu danışıqlar tıxaclardan yorulan və daha rahat şəkildə mənzil başına çatmaq istəyənlərin ürəyincə olacaq.
Yeni qatarlar sürətinə, rahatlığına və hərəkət qrafikinə görə əvvəlkiləri çox geridə qoyacaq.
Qatarlar ilk növbədə Bakı və Sumqayıt arasında işləyəcək. Azərbaycan Dəmir Yolları QSC-nin mətbuat katibi Nadir Əzməmmədov hazırda yeni qatarların alınması üçün müxtəlif banklarla danışıqlar aparıldığını bildirib. Onun sözlərinə görə, yeni qatarlar əvvəlkilərdən bir çox xüsusiyyətlərinə görə fərqlənəcək. O, yollardakı təmir başa çatandan sonra qatarların gediş-gəlişinin 4 və ya 6 dəfə olacağını bildirib.
Hazırda Abşeron yarımadası daxilində və regionlara elektrik qatarları işləyir. Onlar köhnə və istismara yararsız olduğundan, tezliklə həmin ərazidə də müasir qatarların hərəkəti nəzərdə tutulub. Bu qatarlar gün ərzində 800-1000 nəfər sərnişin daşınmasını həyata keçirəcək.
Bakı-Sumqayıt istiqamətində hərəkət edəcək qatarlar həmin ərazidə yaşanan nəqliyyat sıxlığını aradan qaldıra biləcəkmi? Danılmaz faktdır ki, bu gün adıçəkilən ərazidə günün müəyyən saatlarında uzun tıxac yaranır. Maraqlıdır, istifadəyə veriləcək sürət qatarlarının tıxacların azalmasında nə kimi rolu olacaq?
Məsələ ilə bağlı fikir bildirən iqtisadçı-ekspert Samir Əliyevin sözlərinə görə, bu gün Bakının ətraf qəsəbələrindən, o cümlədən Sumqayıt şəhərindən kütləvi şəkildə mərkəzə axın var: "Söhbət gündəlik olaraq işə yollanan insanlardan gedir. Bu qədər insan kütləsini daşımaq üçün hazırkı nəqliyyat vasitələri kifayət etmir. Avtobusların və avtomobillərin sayının çoxalması isə yollarda böyük tıxaclara səbəb olur".
Onun sözlərinə görə, dəmir yolu nəqliyyatı həm iqtisadi baxımdan səmərəlidir, həm də ekoloji cəhətdən zərərsizdir. Digər tərəfdən, tıxacların da qarşısını ala bilər. Sadəcə olaraq, sistem elə qurulmalıdır ki, insanların tələbatına cavab verə bilsin: "Hazırda ölkənin regionlarına uçan təyyarə reysləri ilə bağlı bir sıra problemlər var. Vətəndaş hava nəqliyyatından istifadə edərkən hava limanına getməli, prosedurlardan keçməli, təyyarə ilə Qəbələnin hava limanına uçmalı, oradan da yenidən avtomobillə rayon mərkəzinə getməlidir. Ona görə də insanlar üç saat ərzində Qəbələyə avtomobillə getməyə üstünlük verir. Elektrik qatarlarının tətbiqi zamanı bütün bunlar nəzərə alınmalıdır. Qiymət və dövrilik amili də nəzərə alınmalıdır. Bu qatarlar 10 saatdan bir deyil, xarici ölkələrdə olduğu kimi, bir saatdan bir işləməlidir ki, insanlar bu nəqliyyat növündən daha çox istifadə etsin".
S.Əliyev onu da əlavə etdi ki, bütün qeyd olunan amillər nəzərə alınaraq dəmir yolu nəqliyyatı qurularsa, tıxaclar da aradan qalxar, insanlar da vaxtında işə çatar. Elektrik qatarlarının tətbiqi yanacağa qənaət baxımından da səmərəlidir.

DİGƏR XƏBƏRLƏR

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - – Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...