Azərbaycanın kommersiya obyektləri bazarında dəhşətli çöküş başlayıb

Tarix: 15.01.2015 / 02:12
Bölmə: İqtisadiyyat

Daşınmaz əmlak bazarında son aylar müşahidə edilən passivlik kommersiya obyektlərinin satışı və icarəsinə də mənfi istiqamətdə ciddi təsir göstərməkdədir. Əvvəllər kifayət qədər yüksək gəlir gətirən belə obyektlərin inşasına tikinti şirkətlərinin də marağı getdikcə azalır. Hazırda Azərbaycanda kommersiya məqsədli daşınmaz əmlak bazarında təklif artmaqdadır. Lakin Bakıda kommersiya sahələrinə işgüzar maraq azalır.
Kommersiya obyektlərinin ucuzlaşması alıcıların olmaması, tələbatın aşağı düşməsi və iqtisadi aktivliyin azalması ilə izah olunur. Ekspertlər bildirir ki, kommersiya sahələrinin saxlanması və fəaliyyəti üçün xərclər artır və buna görə obyektlərin səmərəli işini təşkil etmək çətinləşir. Rieltorların fikrincə, əvvəllər kommersiya obyektləri bazarında biznes sərfəli və müqayisədə gəlirli sahə idi, indi isə bu biznes yüksək gəlir gətirmir. Özü də kommersiya obyektlərinin gəlirliliyi xüsusən paytaxtda aşağı düşür. Buna görə də hazırda bazarın bu seqmentində fəallıq azalır. Kommersiya obyektlərinin icarəsi bazarında da qiymətlər aşağı düşür. Yeri gəlmişkən qeyd edək ki, "MBA Consulting Group" tərəfindən aparılan monitorinqin nəticələrinə görə, 2014-cü ilin son dekabr ayı ərzində kommersiya obyektləri bazarında ötən ilin əvvəlki ayları ilə müqayisədə aktivliyin və qiymətlərin ciddi dəyişməsi müşahidə olunmayıb: "Ümumilikdə, 2014-cü ilin son rübünün ilk iki ayı qiymətlər nisbətən artımla yadda qalmışdısa, son dekabr ayında bu göstərici əksinə olaraq azalıb". Qurumun müşahidələrinə görə, hesabat dövründə daşınmaz əmlak alqı-satqı mərkəzlərinə müraciət edənlərin sayında və buna müvafiq olaraq bağlanan əqdlərin dinamikasında əvvəlki ayla müqayisədə azalma qeydə alınıb.
Ümumilikdə müxtəlif qəzet və elanlarda, internet səhifələrində satış məqsədi ilə reklama çıxarılan və alqı-satqı ofislərinə təklif olunan obyektlərin sayı ay ərzində 10% artaraq 187 ədəddən 206 ədədə qalxıb.
O da qeyd olunur ki, əvvəlki aylarla müqayisədə, 2014-cü ilin dekabr ayı ərzində kommersiya obyektləri satışı bazarında müşahidə edilən azalma dinamikası, öz növbəsində, orta qiymətə də təsir edib. Dekabr ayında bazarda orta satış qiyməti əvvəlki ayla müqayisədə 2,94% azalaraq hər kvadrametr üçün 4458 dollar təşkil edib. Obyektlərin icarəsi bazarında da qiymətlərdə azalma müşahidə edilib. Qiymət indeksi 2,94% azalıb. Bununla belə, ekspertlər hesab edir ki, istənilən halda, kommersiya məqsədli daşınmaz əmlak bazarını genişləndirmək üçün Azərbaycanda hələ kifayət qədər potensial var. Bütün dünyada mövcud böhrana baxmayaraq, Azərbaycanda qeyri-yaşayış sahələri hələ də likvid hesab olunur. Buna rəğmən, kommersiya obyektlərinə marağın azalmasının müəyyən səbəbləri var. Belə ki, dünyanın inkişaf etmiş şəhərlərində qeyri-yaşayış sahələrinin şirkətin fəaliyyət sahəsindən asılı olaraq təsnifatlandırılması təcrübəsi mövcuddur. Məsələn, sahibkar sənaye istehsalatı üçün sahə axtarırsa, o bunu şəhər kənarında etməli olur. Azərbaycanda isə, təəssüf ki, bu təcrübə hələlik geniş tətbiq edilmir. Paytaxtda biznes-mərkəzlər əsasən şəhərin mərkəzi hissəsində yerləşir. Bakı ətrafı isə bu baxımdan diqqətdən kənarda qalıb. Belə vəziyyət də kommersiya obyektləri ilə bağlı duruma təsir edir.
Ekspertlər bildirir ki, burada qiymətlərdə azalma Rusiya və Ukraynada baş verən proseslərdən də qaynaqlanır. Çünki Rusiya və Ukraynada iqtisadi vəziyyətin pisləşməsi ona gətirib çıxarıb ki, Azərbaycana pul kütləsinin axını azalıb. Ötən ilin yarılarına kimi yerli daşınmaz əmlak bazarına Rusiya investisiyalarının həcmi 6-10 faiz təşkil edirdisə, son 3-4 ay ərzində şimal qonşumuzun payı faktiki olaraq sıfıra enib. Bu da vəziyyətə təsirsiz ötüşmür. Mütəxəssislərin fikrincə, bu ilin birinci yarısında, xüsusilə mənzil və kommersiya obyektləri seqmentində qiymətlərin ucuzlaşması davam edəcək, ilin ikinci yarısından isə qiymətlər sabitləşə bilər. Lakin o da faktdır ki, kommersiya obyektlərinə olan tələbin tam aşağı düşməsi və ya ümumiyyətlə məhdudlaşmaması bu sahədə likvidliyi saxlayıb. Hazırda qeyri-yaşayış sahələri bazarı daşınmaz əmlak sahələri arasında ən likvid bazar hesab olunur. Bunun alıcıları ən kəskin halda onu sata bilməsələr də, icarəyə verib müəyyən mənada gəlirliliyinə güvənə bilirlər. Bu sahədə risqlər də digər bazar seqmentləri ilə müqayisədə aşağıdır. Onu da bildirək ki, kommersiya obyektləri sırasında ən çox gəlir gətirəni ərzaq mağazalarıdır. Ərzaq mağazaları ilə yanaşı geyim və tikinti materialları mağazaları da gəlirli obyektlərdir. Bundan sonra isə xidmət sahələrində fəaliyyət göstərən obyektlər, yəni gözəllik salonları, kafelər, restoranlar, klublar və digərləri gəlir

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...