Real sektora ayrılan bank kredit faizləri azala bilər - Prezidentin çağırışı böyük nəticə verdi

Tarix: 15.01.2015 / 02:07
Bölmə: İqtisadiyyat

Neftin sürətlə dəyər itirməsi fonunda diqqət mərkəzində yer alan əsas məqamlardan biri də qeyri-neft sektorunun inkişaf etdirilməsi ilə bağlıdır. Son vəziyyətin təhlili bu istiqamətdə Azərbaycanda mühüm nailiyyətlərin əldə olunduğunu göstərir. Hər halda, qeyri-neft sektorunda qeydə alınan artım da bunu deməyə əsas verir. Lakin belə görünür ki, qeyri-neft sektorunda daha böyük artıma nail olmaq üçün görülən tədbirlərin sayının artırılması nəzərdə tutulur.
Elə bu məqsədlə hazırda diqqət mərkəzində olan məsələlərdən biri də real sektora daha çox sərmayə yatırılmasıdır. Eyni zamanda, bu sahəyə ayrılan kreditlərin artırılması da xüsusi diqqət mərkəzindədir. Xatırladaq ki, hökumət kommersiya banklarının da artıq real sektora ayırdığı kreditlərin miqdarının artırılmasını istəyir. Bu məsələyə Prezident İlham Əliyev Nazirlər Kabinetinin 2014-cü ilin sosial-iqtisadi inkişafının yekunlarına və qarşıda duran vəzifələrə həsr olunan iclasında da toxunub: "Bu il Azərbaycan hökuməti qarşısında əsas vəzifələrdən biri bank resurslarının real iqtisadiyyata yönəldilməsi olacaq. Qeyri-neft sektorunun inkişaf etdirilməsində bankların xüsusi rolu olduğunu qeyd edən ölkə başçısı bankların iqtisadiyyata ayırdığı kreditlərdən danışıb: "Son vaxtlar bizim banklarımız real iqtisadiyyata daha da böyük həcmdə kreditlər ayırır. Mən bunu dəstəkləyirəm və keçən müşavirələrin birində qeyd etmişdim ki, daha çox bu sahəyə kreditlər verilməlidir. Biz artıq bunu görürük. Bu çox müsbət yanaşmadır, bank sektorunun məsuliyyətini göstərir. 2015-ci ildə bank resurslarının iqtisadiyyatın real sektoruna yönəldilməsi, əlbəttə ki, bizim üçün prioritet olacaq. Əminəm ki, banklar da bu istiqamətdə öz sözünü bundan sonra da deyəcək".
Qeyd edək ki, bu, ölkədə banklara üçüncü çağırışdır. Belə ki, onların real sektoru kreditləşdirməli olduğu ilk dəfə keçən ilin fevralında regionların 2009-2013-cü illərdə sosial-iqtisadi inkişafı Dövlət Proqramının icrasının başa çatması ilə əlaqədar keçirilən konfransda, daha sonra hökumətin 2014-cü ilin ilk yarısının yekunlarına həsr olunan iyul ayındakı iclasında gündəmə gətirilib. Hazırda banklarda ehtiyat normasının real sektora yönəldilən kreditlər üçün müəyyənləşdirilməsi olduqca vacibdir. Ekspertlərə görə, digər metodlardan biri də rezervlərin bir hissəsinin kommersiya bankları vasitəsilə real sektora yönəldilməsi ola bilər. Bunun müsbət tərəfi real sektorun rezervlərdən faydalanması, onların nisbətən ucuz vəsaitlər əldə etmək imkanı qazana bilməsidir. O baxımdan rezervlərin bir hissəsinin kommersiya bankları vasitəsilə real sektora yönəldilməsi vacib hesab edilir. Lakin ən əsası odur ki, banklar öz vəsaitləri hesabına real sektoru maliyyələşdirsinlər. Bu zaman bu, pul dövriyyəsinin şişməsi, dövriyyədəki pulların artması ilə də nəticələnməz.
Real sektorun dəstəklənməsi üçün, ekspertlərə görə, kredit faizləri aşağı salınmalıdır. Düzdür, Mərkəzi Bank rəhbərliyi 2014-cü ildə faiz dərəcələrinin azaldığını, ümumiyyətlə, son illərdə onların 18-dən 14 faizə qədər düşdüyünü bildirir. Lakin həmin faizlərin daha da azaldılması zəruri sayılır. Bundan əlavə, uzunmüddətli kreditlərin qoyuluşu məqsədilə iqtisadiyyatın bütövlükdə qeyri-neft sektorunda mövcud risq səviyyəsi azaldılmalı və bu sahədə də kompleks tədbirlər həyata keçirilməlidir. Keçən il istehlak kreditlərini məhdudlaşdırarkən real sektorun maliyyələşdirilməsində ciddi canlanma əldə etmək üçün bunun kifayət etmədiyi üzə çıxdı. Bu məsələnin də həlli önəmli sayılır. Məclisin İqtisadiyyat komitəsinin üzvü, deputat Vahid Əhmədov da qeyd edir ki, 2015-ci ildə bank sektoru real sahələrə və qeyri-neft sektorunun inkişafına dəstək olmalıdır: "Prezident bank sistemi ilə əlaqədar məsələlərə də müəyyən qədər toxundu. Ölkə başçısı vurğuladı ki, bank sektoru ayrılan krediti daha çox real sektora istiqamətləndirməlidir. Çünki qeyri-neft sektorunın inkişafı Azərbaycan üçün çox böyük əhəmiyyət kəsb edir. Yəni sənaye, kənd təsərrüfatı, turizm və insan kapitalı kimi sahələrə daha çox maliyyə ayrılmalıdır ki, Azərbaycanda qeyri-neft sektoru ilbəil inkişaf etsin.
Prezident onu da qeyd etdi ki, istehlak kreditlərini saxlamaq olar. Amma daha çox diqqət bank sektorunun qeyri-neft sektorunu inkişaf etdirməsinə, yaxud da real sektora yönəldilməlidir. 2015-ci il Azərbaycan iqtisadiyyatı üçün o qədər də çətin il olmayacaq. Neftin qiyməti kəskin aşağı düşərsə, 50 dollardan aşağı olarsa, bəzi layihələri saxlamaq olar. Lakin sosial layihələrin hamısı yerinə yetirilməlidir. Əsas məsələ manatın məzənnəsini qoruyub saxlamaqdır". Hər halda, cari il ərzində bankların real sektora daha çox vəsait ayırması gözlənir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...