Avro dollarla bərabərləşənədək ucuzlaşacaq

Tarix: 13.01.2015 / 02:02
Bölmə: İqtisadiyyat

Avropa iqtisadiyyatında müşahidə olunan çətinliklər avronun məzənnəsinə daha böyük sürətlə təsir göstərməyə başlayıb. Belə bir vaxtda avro ilə bağlı vəziyyətin daha təhlükəli hal alacağına dair fikirlər səslənməyə başlayıb.
Belə ki, ABŞ-ın "Goldman Sachs" bankı avro ilə bağlı daha pis durumun yaranacağını bildirib. Bankın proqnozlarına görə, avro ucuzlaşmaqda davam edəcək, hətta iki il sonra dollarla məzənnə baxımından bərabərləşəcək. 2018-ci ilin yanvar ayına qədər isə bir avronun 80 sentə bərabər ola biləcəyi də bankın proqnozlarında qeyd olunub. Avronun düşüb, dolların bahalaşmasında ABŞ iqtisadiyyatının böyüməkdə davam etməsinin xüsusi rol oynayacağı da vurğulanıb.
Bankın analitikləri avronun dollar qarşısında süqutunun davam etməsinin qaçılmaz olduğunu bildirir.
Xatırladaq ki, Yunanıstanın avrozonadan çıxmağa hazırlaşmasına dair xəbərlər də avronun durumuna mənfi istiqamətdə ciddi təsir edir. Ehtiyat edilir ki, Yunanıstanda yanvarın 25-də keçiriləcək parlament seçkiləri sərt iqtisadi tədbirlər paketi əleyhinə çıxış edən solçu "Syriza" partiyasının qələbəsilə nəticələnə bilər. Bu ehtimal Yunanıstanın beynəlxalq maliyyə yardımı şərtlərinə əməl edəcəyinə dair şübhələri gücləndirib. İstins deyil ki, "Syriza" partiyası seçkilərdə qalib gəlsə, Avropa Birliyinin bu ölkəyə yardımları dayanacaq. Bu isə Yunanıstanda iqtisadi vəziyyətin daha da pisləşməsi deməkdir ki, belə vəziyyətdə rəsmi Afina avrozonadan çıxacağını bəyan edir. Bütün bunlar nəticə etibarı ilə avronun məzənnəsinə ciddi surətdə təsir göstərmək iqtidarındadır və Avropa Birlyinin aparıcı ölkələri hadisələrin bu səpkidə inkişaf etməsindən narahatdır. Məsələn, Almaniya belə narahatlığını meydana qoymuşdu. Lakin Yunanıstanın avrozonanı tərk etməsi qaçılmaz sayıldığından, artıq son məlumatlara görə, rəsmi Berlin Yunanıstanın avrozonadan çıxmasına münasibətini dəyişib. Almaniyanın nüfuzlu "Der Spiegel" jurnalı yazır ki, əvvəllər Yunanıstanın avrozonadan çıxmasının qəti əleyhinə olan Almaniya hökuməti indi bildirir ki, zərurət yaranarsa, Yunanıstanın avrozonadan çıxmasının əleyhinə olmayacaq və yaranan vəziyyəti yoluna qoya biləcək. Qeyd olunur ki, 2010-cu ildən bəri beynəlxalq kreditorlar Yunanıstana 240 milyard avro yardım ayırıblar. Əvəzində Yunanıstandan sərt qənaət tələb edirlər. Lakin "Syriza" partiyası sərt qənaət şərtlərini rədd edir. Bütün bunlar, qeyd olunduğu kimi, avronun məzənnəsi üçün əlavə problemlərin yaranması deməkdir. Digər dünya ölkələri tərəfindən də avronun ucuzlaşması birmənalı qarşılanmır və bunun əlavə problemlərə yol açacağı vurğulanır. Qeyd edək ki, belə vəziyyət ölkəmiz üçün də məqbul deyil. Məsələ burasınndadır ki, avronun milli valyutamıza nisbətən dəyərdən düşməsi ilk növbədə xarici ticarət dövriyyəsinə təsir edəcək. Çünki avronun ucuzlaşması Avropa dövlətlərinə satılan məhsulların azalmasına gətirib çıxaracaq. Eyni zamanda, ixrac əməliyyatlarında əldə olunan real gəlirin həcmi azalacaq. Manatın isə avroya nisbətən möhkəmlənməsi ixrac imkanlarını zəiflətdiyi kimi, Avropa ölkələrindən gətirilən məhsulların artmasına da səbəb olur və bu da yerli istehsala mənfi təsir göstərir. Avronun ucuzlaşması, eyni zamanda, ölkəmizin rəsmi valyuta ehtiyatlarına da təsir edir. Xüsusən də Neft Fondunda avro ilə saxlanan vəsaitlər sürətlə dəyər itirir. Bununla yanaşı, mütəxəssislər böhranın Azərbaycana təsirini neft prizmasından da izah edir. Belə ki, avrozonanın neftin dünya bazarında qiymətinin müəyyənləşməsində böyük təsirləri var. Çünki Avropa Birliyi dünya bazarında ikinci ən böyük neft alıcısıdır. Lakin neftin ucuzlaşması bura satılan "qara qızıl"dan daha az gəlir əldə edilməsinə səbəb olur. Ekspertlər hesab edir ki, bu gedişlə Azərbaycanın valyuta ehtiyatlarının tərkibində olan avronun miqdarının azaldılması gündəmə gətirilə bilər. Xatırladaq ki, Azərbaycanın dövlət ehtiyatlarının təxminən 30 faizi məhz avro ilə saxlanır. Baş verən proses həmin ehtiyatların nisbətən azalmasına səbəb olur. Amma nəzərə almaq lazımdır ki, avro ilə müqayisədə dolların məzənnəsində artımlar var və Azərbaycanın dövlət rezervləri valyuta səbəti formasında saxlandığından, ümumi rezervlərin məbləğində kəskin azalma ilə müşahidə olunmayacaq. Lakin yuxarıda qeyd olunduğu kimi, avro ilə bağlı proqnozlar heç də müsbət deyil.
Bununla yanaşı, istehlakçılar üçün məsələnin müsbət tərəfləri də var. Söhbət Avropa mallarının ucuzlaşmasından gedir. Artıq Azərbaycan daxilində Avropada istehsal olunan məhsulların bir qisminin qiymət azalması müşahidə olunur. Bu proses texnologiya və avtomobillərdə özünü daha çox göstərir. Çünki baş verən proses həmin məhsulların həm dollar, həm də manat ifadəsində dəyərinin azalması ilə nəticələnib.

DİGƏR XƏBƏRLƏR

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - – Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...