Mənzil bazarımızda böyük durğunluq başladı

Tarix: 13.01.2015 / 01:44
Bölmə: İqtisadiyyat

Daşınmaz əmlak bazarında son vəziyyətin təhlili burada aktivliyin son aylar ərzində xeyli dərəcədə aşağı düşdüyünü göstərir. Bu durumda mənzil bazarında müşahidə edilən durğunluğun daha da dərinləşməsi diqqətdən yayınmır. Ekspertlər bunu Rusiya amili və neftin qiyməti ilə izah edir. Hesab olunur ki, neftin dünya bazar qiymətində azalmalar davam edərsə, bu, əmlak bazarında tələbatın azalmasına və qiymətlərin aşağı düşməsinə səbəb olacaq.
Digər tərəfdən, Rusiya iqtisadiyyatinda müşahidə edilən durğunluq şimal qonşumuzda yaşayan azərbaycanlıların da maliyyə vəziyyətinə mənfi təsir göstərir. Bunun nəticəsidir ki, Rusiyada yaşayan azərbaycanlıları ölkəmizə göndərdiyi pulların məbləği getdikcə azalır. Bu isə mənzil bazarında da öz təsirini hiss etdirir və tələbatın azalmasında mühüm rol oynayır. Bütün bunlar nəticəsində bazarda artıq aktivlik aşağı düşüb və qiymətlərin bu fonda azalması istisna olunmur. Əslində, bu qəbildən olan xəbərlər mənzil bazarında durğunluğun yaranmasında psixoloji təsir kimi də çıxış edir. Daşınmaz əmlak üzrə ekspert Ramil Osmanlı bu xüsusda bildirir: "Əmlak bazarında hazırda alqı-satqı, demək olar ki, dayanıb. Ev bazarında alqı-satqının dayanmasına səbəb son vaxtlar "ciddi ucuzlaşma olacaq və qiymətlər aşağı düşəcək" kimi fikirlərin səslənməsidir: "Bütün alıcı kütləsi hamısı keçib gözləmə mövqeyinə. Hamı düşünür ki, bu ildən qiymətlər aşağı düşəcək və daha ucuz qiymətə ev alacaqlar. Təbii ki, qiymətlərin düşməsində maraqlıyıq. Amma bir şərtlə ki, bu, bazarda ümumi konyunkturaya təsir etməsin. Tam bazar münasibətləri çərçivəsində baş versin, spekulyasiya və digər vasitələr hesabına baş verməsin. Bu sahədə fəaliyyət göstərən sahibkarlar bundan çox ciddi şəkildə əziyyət çəkir".
Yaranmış durğunluq şəraitində ekspertlər müəyyən qiymət endirimlərinin ola biləcəyini istisna etmir. Belə fikirlər də səslənir ki, neftin qiyməti qarşıdakı 4-5 ayda da ucuzlaşmaqda davam edəcəksə, bu özünü mənzillərin dəyərində də göstərəcək. Məhz bu amil bazarda mövcud durğunluğu daha da dərinləşdirir. Çünki qeyd olunduğu kimi, alıcıların böyük əksəriyyəti qiymətlərin növbəti yaxın aylarda düşəcəyini ehtimal edərək gözləməyə üstünlük verir. Alıcıların ehtiyatlı tərpənərək gözləməyə üstünlük vermələri, öz növbəsində, qiymətlərin nisbətən azalmasına gətirib çıxarır. Bir məqamı da bildirək ki, köhnə tikili mənzillərin qiymətində yeni tikili mənzillərin qiyməti ilə müqayisədə daha çox azalma qeydə alınır. Yalnız Bakıda söküntü işləri davam edəcəyi təqdirdə mənzil bazarında qiymətlərin çox ucuzlaşmayacağı proqnozlaşdırılır. Ekspert Ramil Osmanlı da bildirib ki, son vaxtlar paytaxtda söküntülərin həcmi artır: "Söküntülərin həcmi artdıqca, bazara pul axınları da artır. Bazarda söküntü prosesi davam edəcəksə, bazara pul axınlarının həcmində yenidən artım müşahidə olunacaqsa, bu, qiymətlərdə də özünü göstərəcək. Ümumilikdə isə kəskin qiymət azalması gözləmirəm".
Bu arada belə təhlükəli fikirlər də səslənir ki, mənzil bazarında durğunluq dünya maliyyə bazarlarında baş verən hadisələrdən asılı olaraq cari ilin sonuna kimi davam edə bilər. Hazırda dünya iqtisadiyyatında yaşananlar isə yeni qlobal böhranın baş vermə ehtimalını artırır. Bu isə, digər dünya ölkələrində olduğu kimi, Azərbaycanda da mənzil bazarına təsir göstərmək iqtidarındadır. Eyni zamanda, ipoteka kreditlərinin verilməsində cari il ərzində ciddi məbləğ artımının olmaması da proseslərə təsirsiz ötüşmür. Çünki bazarda qiymət dəyişməsinə səbəb olan başlıca amil bazara daxil olan pul kütləsinin həcmidir. Bu proses hələlik cüzi miqdarda davam edir. İpoteka vəsaitlərinin artımının az olması bazara pul axınını istənilən səviyyədə sürətləndirmir və indiki vəziyyətdə müşahidə olunan durum bu səbəbdən əsaslı şəkildə dəyişmir. Belə vəziyyət mənzil bazarında durğunluğa yol açan daha bir hal kimi çıxış edir.
Ekspertlər bu vəziyyətdə qiymətlərin aşağı enməsini zəruri sayır. Çünki əmlak bazarındakı son 2 ildəki qiymət artımları heç də iqtisadi səbəblərlə əlaqələndirilmir. Əksinə, son qiymət artımlarında iqtisadi faktorlardan daha çox süni və eləcə də psixoloji amillərin rol oynadığı vurğulanır.
İndi qeyd olunan amillər aradan qalxır, bu isə mənzil bazarında yenidən qiymət azalmalarında özünü ehtiva edir. Hər halda, cari il ərzində mənzil bazarında ciddi dəyişikliklər gözləniləndir.

DİGƏR XƏBƏRLƏR

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - – Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...