Azərbaycanın qızıl bazarlarında maraqlı sıçrayış...

Tarix: 09.01.2015 / 02:09
Bölmə: İqtisadiyyat

Qızıl mağazalarında aparılan son araşdırmalar bu məhsula tələbin yenidən artmaqda olduğunu göstərir. Ekspertlər hesab edir ki, burada toy mövsümünün başlanması mühüm rol oynayıb. Tələbin artması fonunda qızılın qiymətində cüzi də olsa artım müşahidə olunur. Lakin bu artımın yaxın tezlikdə özünü daha qabarıq formada büruzə verməsi istisnalıq təşkil etmir. Əsas səbəb də odur ki, dünya bazarlarında qızılın qiymətində yenidən artım müşahidə olunur və bu istənilən halda daxili bazara öz təsirini göstərəcək.
Hazırda müşahidələr göstərir ki, qızıl düşən neft və səhm qiymətlərinin təsiri ilə bahalaşır. Qızılın unsiyasının qiyməti 1230 dollara çıxıb və bu, son üç ayda ən yüksək göstəricidir. Ekspertlər neftin ucuzlaşması fonunda qızılın qiymətinin daha da artmasını proqnozlaşdırır. Çünki investorlar artıq qızıla daha çox sərmayə yatırmağa başlayıb və bu da qiymətlərin yüksəlməsinə təsirsiz ötüşmür. Qeyd olunduğu kimi, belə vəziyyətdə Azərbaycanda da zərgərlik mağazalarında qızılın qiymət artımı müşahidə edilir. Bununla yanaşı belə fikirlər də səslənir ki, yeni aksiz dərəcələri qüvvəyə mindikdən sonra Azərbaycanda zinət əşyalarının qiyməti bir qədər də artacaq. Qeyd edək ki, Vergi Məcəlləsinə edilən son dəyişikliklərlə əlaqədar olaraq Azərbaycana idxal olunan platin, qızıl, ondan hazırlanmış zərgərlik və digər məişət məmulatı emal olunmuş, çeşidlənmiş, çərçivəyə salınmış və bərkidilmiş almaz aksizli malların siyahısına daxil edilib. Bununla da ölkəyə idxal olunan qızılın min çəki vahidindəki miqdarından asılı olaraq 0,8-2 manat arası aksiz vergisi tutulacaq.
Dəyişikliklərə əsasən, idxal olunan platinin hər qramına görə aksiz dərəcəsi 2 manat təşkil edəcək. Qızılın, ondan hazırlanmış zərgərlik və digər məişət məmulatlarının aksiz dərəcəsi min çəki vahidindəki miqdarına görə müəyyənləşəcək. Belə ki, qızılın min çəki vahidindəki miqdarı 375 olduqda aksiz dərəcəsi hər qrama görə 0,8 manat, 500 olduqda hər qrama görə 1 manat, 585 olduqda hər qrama görə 1,2 manat, 750 olduqda hər qrama görə 1,5 manat, 958 olduqda hər qrama görə 1,8 manat, 999 olduqda hər qrama görə 2 manat olacaq. Bundan başqa, idxal olunan emal olunmuş, çeşidlənmiş, çərçivəyə salınmış və bərkidilmiş almazın 1 karatı üçün aksiz dərəcəsi 200 manat olmaqla iki cür hesablanacaq. İdxal olunan almazın bir ədədinin miqdarı 1 karatdan aşağı olsa, aksiz dərəcəsi almazın faktiki miqdarına mütənasib olaraq azaldılacaq. Almazın bir ədədinin miqdarı 1 karatdan yuxarı olduğu halda aksizin məbləği aksiz dərəcəsi ilə almazın faktiki miqdarının hasilinə uyğun olaraq 2-10 manat arası vergi tutulacaq. Bütün bunlar, ekspertlərə görə, zərgərlik məmulatlarını istənilən halda bahalaşdıracaq. İqtisadçı ekspert Rəşad Həsənov məsələ ilə bağlı bildirib":Qızıl və zinət əşyalarının aksiz tətbiq edilən məhsullar sırasına daxil edilməsi müəyyən xərcləri ortaya çıxaracaq. Xərclər artırsa, bu özü iqtisadi qanunauyğunluğa görə qiymətlərin artımına gətirib çıxarmalıdır. Azərbaycanda qızılın böyük bir qismi idxal edilən məhsullardır".
Təbii ki, dünya bazarlarında qızılın qiymətinin qalxması və bu ölkələrin daxili bazarlarının da dünya bazarlarından təsirlənərək qiymətlərini formalaşdırması nəticəsində Azərbaycana daxil olan qızıl məhsulları, zinət əşyaları da bahalaşır. Eyni zamanda xammalın qiymətində də son dövrlərdə bahalaşma müşahidə olunmaqdadır. Digər səbəb Azərbaycana gələn qızıl əşyalarının böyük qisminin Yaxın Şərq, ərəb ölkələrindən idxalı ilə əlaqədardır. Belə ki, son zamanlar həmin ölkələrdə hökm sürən qeyri-stabil vəziyyət, biznes mühitinin ağırlaşması, sahibkarların bu ölkələrdən qızıl almasında yaranan problemlər, bu dövlətlərdə də qızılın qiymətinin artması son nəticədə hazırda mövcud olan mənzərənin yaranmasına səbəb olur. Digər tərəfdən, Azərbaycanın maliyyə bazarında pul kisəsinin həddən artıq çox olması ilə əlaqədar inflyasiyanın davamlı olacağını düşünsək, bankların özlərinin də ehtiyatların bir hissəsini qızıla yatırması halları müşahidə ediləcək.
Belə vəziyyətdə qızılın qiymətində daha çox artım gözlənir. Təbii ki, bu hal Azərbaycan bazarlarında özünü dərhal göstərəcək. Qeyd edək ki, ölkəmizdə qızılın bahalaşmasının digər səbəbi isə mövsümi amillərlə bağlıdır. Ümumiyyətlə, araşdıramalar göstərir ki, Azərbaycanda zinət əşyalarına tələbat mövsümi xarakter daşıyır. Bu, daha çox toyların artması ilə əlaqədardır.

DİGƏR XƏBƏRLƏR

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - – Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Turizm regionlarımızın inkişaf mənbələrindən birinə çevrilir...