Kaliforniyalı araşdırmaçının üç Azərbaycan bankına "çirkli pul" ittihamı cavabsız qalmadı

Tarix: 13.11.2014 / 02:39
Bölmə: Gündəm

Maliyyə Nazirliyi müzakirə aparır

Rauf Ağayev: "Burada hədəf adıçəkilən banklar deyil, məqsəd Azərbaycanın imicinə zərbə vurmaqdır"

"Bank Standard": "Bank Standard"ın bu məsələlərlə heç bir əlaqəsi yoxdur"

"Azəriqazbank": "Bu, rəhbərliyin səlahiyyətinə aid olan bir məsələdir"

Azərbaycanda fəaliyyət göstərən üç məşhur bankın adı "çirkli pullar"ın "yuyulmasında" hallanır. Bu sensasion iddia ilə Kaliforniya Universitetinin araşdırmaçı-mütəxəssisi Deymon Mak-Koy (Damon McCoy) çıxış edib. Yerli mətbuatda gedən məlumatlarda bildirilir ki, oxşar iddia barədə bu ilin iyununda "KrebsOnSecurity" Kaliforniya Universitetinin (San-Dieqo) onlayn apteklərlə bağlı apardığı araşdırmaların nəticəsi haqqında məlumat yayılıb.
Araşdırmaların nəticəsində bəlli olub ki, guya internet üzərindən qanunsuz dərman satışı ilə məşğul olan onlayn apteklərin gəlirləri "tərəfdaşlıq" proqramları vasitəsilə əsasən "Azəriqazbank"da "yuyularaq" nağdlaşdırılıb. Araşdırma zamanı həmçinin daha 3 aktiv "tərəfdaşlıq" proqramı da müəyyən olunub. Bəlli olub ki, belə proqramlar çərçivəsində saxta antivirusların satışı "Bank Standard" və "Azərbaycan Beynəlxalq Bankı" üzərindən baş tutub. Bu zaman dövriyyədə 10 milyonlarla dollar olub.
Deymon Mak-Koy deyib ki, araşdırma zamanı o, internet üzərindən saxta proqram təminatı, antivirus proqramları satan çoxsaylı şirkətlə əlaqəyə girib və onlardan aldığı saxta proqramlara görə ödəmələri həyata keçirmək üçün bank hesabları istəyib. Belə saytlar sırasında "BestAV" və "Gagarincash" da olub. Bir neçə il davam edən araşdırmalar zamanı Deymon Mak-Koy belə saxta proqramlara görə əsasən "Bank Standard"dakı hesaba pul ödəyib. Bir neçə ay əvvəl isə ödəmələr "Azərbaycan Beynəlxalq Bankı"na transfer olunub. Araşdırmaçı "Win7Security" adlandırdığı və daha gizli şəkildə saxta antivirus proqramlarının satışı ilə məşğul olan onlayn satıcının izinə düşüb. Lakin sonradan həmin izi itirib.
Bir qədər əvvəl isə araşdırmaçı belə saxta proqramların satışı zamanı ödəmələrin həyata keçirilməsində vasitəçi olan idpay.com saytının müştəriləri haqqında bəzi məlumatlar əldə edib. Deymon Mak-Koy deyib ki, idpay.com-un hansı ölkədə fəaliyyət göstərdiyini müəyyən etməkdə çətinlik çəkir. Şirkətin saytında Rusiyada, Nyu-Yorkda və Böyük Britaniyada ofislərinin olduğu göstərilib. Lakin bu dövlətlərin müvafiq qurumlarında idpay.com-un qeydiyyatı yoxdur. Araşdırmaçı idpay.com-un məlumat bazasında olan müştəri saytları təhlil edib. Belə qənaətə gəlib ki, saxta proqram təminatı satan saytların əksəriyyəti idpay.com-un xidmətlərindən gəlirlərinin "yuyulması" üçün istifadə edir. D.Mak-Koy idpay.com-un müştərisi olan saytlardan birinə müraciət edərək saxta proqram təminatı alıb və ödəməni "Azərbaycan Beynəlxalq Bankı" vasitəsilə həyata keçirib.
"Azərbaycan bankları belə əməliyyatların həyata keçirildiyi bazarı praktiki olaraq inhisara alıblar" - deyə D.Mak-Koy bildirib.
D.Mak-Koy rusecurity.com saytına Azərbaycan rəhbərliyinin NATO nümayəndələri ilə görüşü zamanı müzakirə edilən kiber-təhlükəsizlik problemi kontekstində də diqqət çəkib. Deyib ki, Azərbaycan bankları üzərindən həyata keçirilən bu əməliyyatlar haqda məlumatlı olandan sonra sıravi Amerika vətəndaşlarının bank hesablarının təhlükədə olduğu qənaətinə gəlib.
Qeyri-leqal dərman satışı və saxta proqram təminatının satışı ilə məşğul olan şəbəkənin hesablarına Azərbaycan bankları vasitəsilə qanunsuz ödəmələrin həcmindən məlumatlı olan araşdırmaçı pul ötürmələri bazarında əsas oyunçulardan olan VİSA və "MasterCard"ın Azərbaycan bankları ilə əməkdaşlıq etməsindən məyusluğunu bildirib. O, VİSA və "MasterCard"ın Azərbaycan bankları ilə ABŞ və Avropa bankları arasındakı hesablaşmalar zamanı xidmət göstərməsini niyə dayandırmadığını sual edir.
Göründüyü kimi, Azərbaycanın bir neçə bankı ilə bağlı kifayət qədər ciddi iddialar səsləndirilir. Söhbət kiçik əməliyyatlardan deyil, 10 milyonlarla "çirkli pullar"ın "yuyulması"ndan gedir.
Bu məsələyə adları çəkilən bankların münasibətini öyrənmək qərarına gəldik.
Qalmaqalda adı çəkilən "Azərbaycan Beynəlxalq Bankı"nın Mətbuat xidmətinin rəhbəri Rauf Ağayev qəzetimizə açıqlamasında bildirdi ki, onlar bu ittihamla tanışdır. Bank rəsmisinin sözlərinə görə, Azərbaycanda "çirkli pullar"ın "yuyulması"nın müəyyən edilməsi üçün ciddi mexanizm tətbiq edilir":Məlum olduğu kimi, ciddi kompetent orqanlar bu işlə ciddi məşğul olur. Eyni zamanda bu, dünya üçün ciddi mövzu sayılır. Bizim bank istər ölkə daxilində, istərsə də beynəlxalq aləmdə ciddi reputasiyaya malikdir. Bankımızın adı hansısa oxşar qalmaqallarda hallansaydı, bununla bağlı dünyanın ciddi qurumları həyəcan təbili çalardı. Dünyada bank sistemində şübhəli əməliyyatları həyata keçirənlərlə bağlı "FATF" deyilən bir qurum səviyyəsində araşdırmalar aparılır. İndiyə kimi bir dəfə də olsun bizim, nə də ki, digər bankların adı həmin çərçivədə çəkilməyib. Mən bu "araşdırmanı" Azərbaycanı istəməyən qüvvələrin əməyinin məhsulu sayıram. Burada hədəf adıçəkilən banklar deyil, məqsəd Azərbaycanın imicinə zərbə vurmaqdır. Dərindən araşdırsanız görərsiniz ki, heç həmin adda adam da yoxdur. Həmin araşdırmaya fikir verin. "Master Kart", "Viza"nın Azərbaycanla əməkdaşlığından narahatlıq ifadə olunur. Göründüyü kimi, olduqca şübhəli məqamlarla dolu və heç bir həqiqət yükü olmayan məlumatdır".
"Bank Standard"ın Marketinq şöbəsindən adının çəkilməsini istəməyən xanım əməkdaşı bizimlə söhbətində bu informasiyadan xəbərsiz olduqlarını dedi və bizə bir saatdan sonra əlaqə saxlamağı məsləhət gördü. Bir saatdan sonra zəngimizə cavab verən xanım əməkdaş bildirdi ki, həmin yazıda bəhs edilən faktların onların bankına heç bir aidiyyəti yoxdur: "Tamamilə absurd bir iddiadır. "Bank Standard"ın bu məsələlərlə heç bir əlaqəsi yoxdur. Yəqin ki, deyilənlər həqiqət olsaydı, əlaqədar qurumlar bankda yoxlamalar aparardı. İndiyə qədər belə söhbətə rast gəlməmişik".
Maliyyə Nazirliyinin mətbuat xidmətindən isə bizə bildirdilər ki, məsələdən məlumatlıdırlar":Hazırda bu məsələ ilə bağlı xidmətin rəhbəri müşavirədə iştirak edir. Yəqin ki, sizin bu istiqamətdə olan suallarınızı gün ərzində cavablandıra bilməyəcəyik".
"Azəriqazbank"ın mərkəzi ofisindən isə zəngimizə cavab verən əməkdaşlar belə sualları cavablandırmaq səlahiyyətində olmadıqlarını bildirdilər: "Bu, rəhbərliyin səlahiyyətinə aid olan bir məsələdir".

DİGƏR XƏBƏRLƏR

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...